လံာ်မၢ်ကူး 7:25 - Sgaw Karen Common Bible

²⁵ ပိာ်မုၣ်လၢအဖိမုၣ်ဖိတၢ်နါဒိးအီၤတဂၤန့ၣ်, နၢ်ဟူယ့ၣ်ၡူးအဂ့ၢ်တဘျီဃီဟဲဝဲဆူအအိၣ်ဒီးထိၣ်လီၤပှီၤ အသးဖဲအခီၣ်ထံးန့ၣ်လီၤ.

လံာ်မၢ်ကူး 7:25 Iomraidhean Croise

လံာ်မးသဲ 15:22

ဒီးပှၤကနၤဧၣ်မုၣ်တဂၤ, လၢအအိၣ်ဖဲတၢ်လီၢ်န့ၣ်ဟဲဆူအအိၣ်ဒီးကိးထီၣ်ဝဲ, “စီၤဒၤဝံးအဖိခွါ, ကစၢ်ဧၢ, သူၣ်ကညီၤသးကညီၤလၢ်ယၤတက့ၢ်. ယဖိမုၣ်န့ၣ် တၢ်နါဒိးအီၤဒီးဘၣ်တူၢ်ဝဲနးမးလီၤ.”

လံာ်မၢ်ကူး 1:40

ပှၤဘၣ်တၢ်ဆါအၢတဂၤဟဲဆူယ့ၣ်ၡူးအအိၣ်, ချံးခီၣ်တီၤလီၤလၢ အမဲာ်ညါ, ဒီးဃ့ကညးအီၤဒီးစံးဝဲဒၣ်, “နသးမ့ၢ်အိၣ်ဒီး, နမၤဘျါက့ၤယၤသ့လီၤ.”

လံာ်မၢ်ကူး 5:33

အန့ၣ်တစုပိာ်မုၣ်တဂၤန့ၣ်မ့ၢ်လၢအသ့ၣ်ညါ လီၤအသးလၢအတၢ်ဆါဘျါက့ၤလံသတးဒီး, ဟဲထီၣ်ဆူတၢ်မဲာ်ညါလၢတၢ်ပျံၤတၢ်ဖုးဒီးတၢ်ကနိးကစုာ် အပူၤ, ချံးခီၣ်တီၤလီၤလၢယ့ၣ်ၡူးအမဲာ်ညါဒီးစံးဘၣ်တဲဘၣ်အီၤတၢ် မၤအသးနီၢ်နီၢ်တဖၣ်ခဲလၢာ်လီၤ.

လံာ်မၢ်ကူး 7:24

အန့ၣ်ဝံၤယ့ၣ်ၡူးဟးထီၣ်ဖဲန့ၣ်ဒီးလဲၤဝဲဆူတၢ်လီၢ်ကဝီၤအိၣ်ဘူး ဒီးဝ့ၢ်ထါယၢၣ်ဒီးစံဒိၣ်လီၤ. လဲၤနုာ်ဝဲဆူဟံၣ်တဖျၢၣ်အပူၤ, ဒီးတအဲၣ်ဒိးလၢပှၤကသ့ၣ်ညါ န့ၢ်အီၤလၢအဝဲအိၣ်ဖဲန့ၣ်ဘၣ်. ဘၣ်ဆၣ်ဒီးအိၣ်ဝဲလၢတၢ်ခူသူၣ်ပူၤတန့ၢ်ဘၣ်.

လံာ်မၢ်ကူး 7:26

ပိာ်မုၣ်န့ၣ်မ့ၢ်ပှၤကြံးခ်မုၣ်တဂၤလၢအအိၣ်ဖျဲၣ်ထီၣ်လၢ ဖံၤနံက့ၤဘၣ်ဃးဒီးကီၢ်စူၤရံန့ၣ်လီၤ. အဝဲဒၣ်ဃ့သကွံၢ်ကညးယ့ၣ်ၡူးလၢအကဟီထီၣ်ကွံာ် တၢ်နါလၢအဒိးအဖိမုၣ်န့ၣ်လီၤ.

လံာ်လူၤကၣ် 17:16

အဝဲဒၣ်ထိၣ်လီၤပှီၤအသးလၢဟီၣ်ခိၣ်လိၤဖဲယ့ၣ်ၡူးအခီၣ်ထံး ဒီးစံးဘျုးစံးဖှိၣ်အီၤလီၤ. ပှၤတဂၤအံၤန့ၣ်မ့ၢ်ဝဲပှၤၡၤမရံဖိတဂၤလီၤ.