လံာ်မၢ်ကူး 7:24 - Sgaw Karen Common Bible

²⁴ အန့ၣ်ဝံၤယ့ၣ်ၡူးဟးထီၣ်ဖဲန့ၣ်ဒီးလဲၤဝဲဆူတၢ်လီၢ်ကဝီၤအိၣ်ဘူး ဒီးဝ့ၢ်ထါယၢၣ်ဒီးစံဒိၣ်လီၤ. လဲၤနုာ်ဝဲဆူဟံၣ်တဖျၢၣ်အပူၤ, ဒီးတအဲၣ်ဒိးလၢပှၤကသ့ၣ်ညါ န့ၢ်အီၤလၢအဝဲအိၣ်ဖဲန့ၣ်ဘၣ်. ဘၣ်ဆၣ်ဒီးအိၣ်ဝဲလၢတၢ်ခူသူၣ်ပူၤတန့ၢ်ဘၣ်.

လံာ်မၢ်ကူး 7:24 Iomraidhean Croise

လံာ်တၢ်ကဲထီၣ်အခီၣ်ထံး 10:15

ဒီးစီၤကနၤဧၣ်အဖိခွါတဖၣ်, စီၤစံဒိၣ်ပှၤအဝဲၢ်ကိဒီးစီၤဃ့ၤသး, မ့ၢ်ဝဲပၢ်လၢပျၢၤတဖၣ်လၢအပှၤဂီၢ်မုၢ်စိာ်အဝဲသ့ၣ်အမံၤန့ၣ် လီၤ.

လံာ်တၢ်ကဲထီၣ်အခီၣ်ထံး 10:19

တုၤလၢပှၤကနၤဧၣ်ဖိအကီၢ်ဆၢတုၤဃီၤဝဲစးထီၣ်လၢကီၢ်စံဒိၣ် အကလံၤထံးဆူဝ့ၢ်ကရၢ်လၢအအိၣ်ဘူးဒီးဝ့ၢ်ဂါစၤ, ဒီးလၢမုၢ်ထီၣ်တခီန့ၣ်ဆူဝ့ၢ်စဒိၣ်, ဝ့ၢ်ဂမိရၤ, ဝ့ၢ်အၤဒမၤဒီးဝ့ၢ်စဘိအံၣ်လၢအအိၣ်ဘူးဒီးဝ့ၢ်လါၡၤန့ၣ် လီၤ.

လံာ်တၢ်ကဲထီၣ်အခီၣ်ထံး 49:13

စီၤစဘူလိၣ်ကအိၣ်ကဆိးလၢပီၣ်လဲၣ်နံၤလီၤ. အထံကၢၢ်ခိၣ်ကမ့ၢ်သန့တခါလၢကဘီတဖၣ်အဂီၢ်လီၤ. အတၢ်န့ၢ်သါအကီၢ်န့ၣ်ကလဲၤဝဲယံၤတုၤလၢဝ့ၢ်စံဒိၣ်ဒၣ်လဲာ်လီၤ.

လံာ်ယၡါယၤ 23:12

ဝ့ၢ်စံဒိၣ်ဧၢ, နတၢ်သူၣ်ဖှံသးညီအကတီၢ်ကတၢၢ်ဝဲလံ, ဒီးနပှၤဂီၢ်မုၢ်တဖၣ်ဘၣ်တၢ်မၤအၢမၤနးအီၤလီၤ. အဝဲသ့ၣ်မ့ၢ်ဃ့ၢ်ပူၤဖျဲးကွံာ်ဆူကီးကူပြူးဒၣ်လဲာ်, အဝဲသ့ၣ်တပူၤဖျဲးဒံးဘၣ်လီၤ.

လံာ်ယၡါယၤ 42:2

အဝဲတကိးပသူထီၣ်မ့ၢ်ဂ့ၤ, မၤသီၣ်ဒိၣ်ထီၣ်အကလုၢ်မ့ၢ်ဂ့ၤ, ကတိၤတၢ်ဒိၣ်ဒိၣ်သွါသွါမ့ၢ်ဂ့ၤလၢကျဲတဖၣ်အပူၤဘၣ်.

လံာ်မးသဲ 11:21

“ဝ့ၢ်ဃၤရၤစံၣ်ဧၢ, နကဘၣ်တၢ်နးတၢ်ဖှီၣ်ဆံးဒိၣ်လဲၣ်. ဝ့ၢ်ဘ့ၤသစဲဒၤဧၢ, နကဘၣ်တၢ်နးတၢ်ဖှီၣ်ဆံးဒိၣ်လဲၣ်. တၢ်လီၤလးတဖၣ်လၢအဘၣ်တၢ်မၤတ့ၢ်အီၤလၢသုပူၤန့ၣ် မ့ၢ်ဘၣ်တၢ်မၤတ့ၢ်အီၤလၢဝ့ၢ်ထါယၢၣ်ဒီးဝ့ၢ်စံဒိၣ်အပူၤဒီး, ပှၤဝ့ၢ်ဖိတဖၣ်ကကူထီၣ်သိးထီၣ်တ့ၢ်ထၢၣ်တၢ်ကံးယာ် ဒီးဖှံလီၤတ့ၢ်အသးဒီးဖၣ်ဆါဒ်သိးကပာ်ဖျါထီၣ် အတၢ်ပီၢ်ယၢ်လီၤက့ၤအသးဃဲးဃဲးလံန့ၣ်လီၤ.

လံာ်မးသဲ 9:28

ဖဲယ့ၣ်ၡူးလဲၤနုာ်ဆူဟံၣ်ပူၤန့ၣ်, ပှၤမဲာ်ဘျီၣ်ခံဂၤဟဲဆူအအိၣ်ဒီးအဝဲဒၣ်သံကွၢ်အဝဲသ့ၣ်, “သုနာ်လၢယမၤဘျါက့ၤသုသ့ဧါ.” အဝဲသ့ၣ်စံးဆၢ, “မ့ၢ်ကစၢ်ဧၢ, ပနာ်လီၤ.”

လံာ်မၢ်ကူး 2:1

စှၤနံၤစှၤသီပူၤကွံာ်ဝံၤအလီၢ်ခံဒီး, ယ့ၣ်ၡူးက့ၤကဒါက့ၤဝဲဆူဝ့ၢ် ကပ့းရနီၣ်ဒီးတၢ်ကစီၣ်ဟူထီၣ်သါလီၤလၢအဝဲဒၣ်အိၣ်လၢဟံၣ်ပူၤလီၤ.

လံာ်မၢ်ကူး 7:23

တၢ်တဂ့ၤတဘၣ်တဖၣ်အံၤဟဲထီၣ်လၢပှၤကညီတဂၤအပူၤဒီး ဒုးကဲထီၣ်အီၤလၢပှၤတကဆှီဘၣ်တဂၤလီၤ.”

လံာ်မၢ်ကူး 7:25

ပိာ်မုၣ်လၢအဖိမုၣ်ဖိတၢ်နါဒိးအီၤတဂၤန့ၣ်, နၢ်ဟူယ့ၣ်ၡူးအဂ့ၢ်တဘျီဃီဟဲဝဲဆူအအိၣ်ဒီးထိၣ်လီၤပှီၤ အသးဖဲအခီၣ်ထံးန့ၣ်လီၤ.

လံာ်မၢ်ကူး 7:31

အန့ၣ်ဝံၤယ့ၣ်ၡူးဟးထီၣ်လၢတၢ်လီၢ်ကဝီၤဘူးဒီးဝ့ၢ်ထါယၢၣ်, လဲၤခီဖျိဝ့ၢ်စံဒိၣ်ဆူပီၣ်လဲၣ်ကၤလံၤလါ, ဒီးလၢကျဲန့ၣ်လဲၤခီဂာ်ဘၣ်ဝဲဒ့းကၤပလံၣ်လၢအမ့ၢ်ဝ့ၢ် အဖျၢၣ်တဆံအတၢ်ပၢန့ၣ်လီၤ.

၁ တံၤမသ့း 5:25

ဒ်န့ၣ်အသိး, တၢ်မၤဂ့ၤတဖၣ်ဘၣ်တၢ်ထံၣ်န့ၢ်အီၤဖျါဖျါ, ဒီးလၢအတအိၣ်ဖျါတဖၣ်ဒၣ်လဲာ်န့ၣ် တၢ်ပာ်ခူသူၣ်အီၤတန့ၢ်ဘၣ်.