လံာ်မၢ်ကူး 7:22 - Sgaw Karen Common Bible

²² တၢ်အဲၣ်ဘၢမါအဲၣ်ဘၢဝၤ, တၢ်မၤတၢ်သူၣ်လီသးကွံတၢ်, တၢ်အၢတၢ်သီကိးကလုာ်ဒဲး, တၢ်လီတၢ်ဝ့ၤ, တၢ်တဃံတလၤ, တၢ်သးကါ, တၢ်ဒုၣ်ဒွဲၣ်စံးအၢ, တၢ်ပာ်ထီၣ်ထီသး, ဒီးတၢ်သူၣ်တဆးသးတဆးတဖၣ်လီၤ.

လံာ်မၢ်ကူး 7:22 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 32:31

ဒီးဖဲကီၢ်ဘၤဘူၤလိၣ်အမီၣ်သီတဖၣ်ဟဲတ့ၢ်ဝဲလၢကဃုသ့ၣ်ညါတၢ် မၤအသးလီၤတိၢ်လီၤဆီလၢအကဲထီၣ်တ့ၢ်လၢထံကီၢ်အပူၤအခါဒၣ် လဲာ်န့ၣ်, ကစၢ်ယွၤပျဲစီၤဃံးစကံယၤလၢကမၤဒ်အတၢ်ဘၣ်အသးဒၣ်ဝဲဒ်သိး အကမၤကွၢ်အသကဲးပဝးအဂီၢ်ဧိၤန့ၣ်လီၤ.

စံးထီၣ်ပတြၢၤ 10:4

လၢအတၢ်ပာ်အသးထီၣ်ထီအပူၤန့ၣ်ပှၤတတီတလိၤ, အသးတအိၣ်ဃုယွၤဘၣ်. လၢအတၢ်ဆိကမိၣ်ခဲလၢာ်အပူၤန့ၣ်, “ကစၢ်ယွၤတအိၣ်ဘၣ်.”

စံးထီၣ်ပတြၢၤ 119:36

ဘိးဃၣ်ယသးဆူနတၢ်သိၣ်တၢ်သီတဖၣ်, ဒီးသုတမ့ၢ်ဆူတၢ်သးကွံန့ၣ်တဂ့ၤ.

တၢ်ကတိၤဒိ. 12:23

ပှၤလၢအသူၣ်ထံအသးဆးတဖၣ်န့ၣ်အိၣ်ဘှီၣ်ဝဲဘၣ်ဃးတၢ်လၢအသ့ၣ်ညါ ဝဲအဂ့ၢ်လီၤ. မ့မ့ၢ်ပှၤလၢအသူၣ်တထံအသးတဆးတဖၣ်န့ၣ်ဒုးဟူထီၣ်သါလီၤ အတၢ်တမၤလိမၤဒိးဘၣ်တၢ်န့ၣ်လီၤ.

တၢ်ကတိၤဒိ. 22:15

ဖိလံၤတဖၣ်ညီနူၢ်လိာ်မၢးအသးဒီးမၤတၢ်နါစံၢ်နါစိၤတဖၣ်လီၤ. ဘၣ်ဆၣ်ဒီးတၢ်သိၣ်ဃီၣ်အနီၣ်တီၢ်တဘိကသိၣ်လိအဝဲသ့ၣ်လၢကဘၣ်အိၣ် မူပာ်သူၣ်ပာ်သးဒ်လဲၣ်ဒ်လဲၣ်န့ၣ်လီၤ.

တၢ်ကတိၤဒိ. 23:6

အီၣ်တၢ်လၢပှၤအပံာ်အကီအစီၢ်နီၤခိၣ်မ့ၢ်ဂ့ၤ, သးကွံအတၢ်အီၣ်ဝံၣ်အီဆၢလၢအပာ်လီၤဝဲမ့ၢ်ဂ့ၤန့ၣ်တဂ့ၤ.

တၢ်ကတိၤဒိ. 24:9

ပှၤဟးဂီၤဖိတဂၤအတၢ်ဆိကမိၣ်ထီၣ်တၢ်ကူၣ်ကျဲၤတမံၤဂ့ၤတမံၤ ဂ့ၤန့ၣ်မ့ၢ်တၢ်ဒဲးဘးလီၤ. ပှၤဂီၢ်မုၢ်သးဟ့ပှၤတဂၤလၢအအိၣ်ဒၣ်ထဲ တၢ်သးဘၣ်အၢဒီးတၢ်တပာ်ကဲပှၤဂၤတဖၣ်ဘၣ်န့ၣ်လီၤ.

တၢ်ကတိၤဒိ. 27:22

နမ့ၢ်ဒိတီၢ်ပှၤအမၢးတဂၤတုၤအသံတယူာ်ဘၣ်အသးဒၣ်လဲာ်န့ၣ်, နဒိတီၢ်ထုးထီၣ်ကွံာ်အတၢ်မၢးလၢအပူၤတန့ၢ်ဒံးဘၣ်.

တၢ်ကတိၤဒိ. 28:22

ပှၤလၢအအဲၣ်လီၤအသးတဖၣ်န့ၣ်မၤဝဲချ့ချ့ဒ်န့ၣ်သိး လၢအကထူးထီၣ်တီၤထီၣ်အဂီၢ်ဒီးတၢ်ဖှီၣ်တၢ်ယာ်ကလီၤဘၣ် အဝဲသ့ၣ်အခါဖဲလဲၣ်တသ့ၣ်ညါဝဲဘၣ်.

လံာ်ပှၤစံၣ်တဲၤတဲလီၤတၢ် 7:25

ဘၣ်ဆၣ်ဒီးယဟ့ၣ်လီၤယသးဆူတၢ်သ့ၣ်ညါဒီးတၢ်မၤလိ န့ၢ်တၢ်လီၤ. ယပာ်လီၤယသးလၢယကဃုန့ၢ်တၢ်ကူၣ်သ့ဒီးတၢ်စံးဆၢ တဖၣ်လၢယတၢ်သံကွၢ်တဖၣ်အဂီၢ်, ဒီးလၢယကမၤလိတၢ်သူၣ်တထံသးတဆးအံၤအၢဆံးအါဆံးအါမၢး ဆံးအါဆံးအါအဂ့ၢ်န့ၣ်လီၤ.

လံာ်ယၡါယၤ 59:13

ပပူထီၣ်တ့ၢ်တၢ်ထီဒါနၤ, ပညိကွံာ်တ့ၢ်နၤ, ဒီးဂ့ၢ်လိာ်တ့ၢ်လၢ ပကပိာ်နခံအဂီၢ်လီၤ. ပမၤအၢမၤနးတ့ၢ်ပှၤဂၤတဖၣ်ဒီးဃၣ်ဒူ ချၢတ့ၢ်ပသးလၢနၤလီၤ. ပတၢ်ဆိကမိၣ်တဖၣ်ကမၣ်ဝဲ, ဒီးပတၢ်ကတိၤတဖၣ်အိၣ်ထဲတၢ်လီတၢ်ဝ့ၤလီၤ.

လံာ်ယၡါယၤ 59:7

ထီဘိန့ၣ်သုကူၣ်ကျဲၤတၢ်အၢတၢ်သီတမံၤမံၤ, ဒီးသုကမၤအီၤန့ၣ်သုခိးတကဲဒၣ်လဲာ်ဘၣ်. သုတမၤယံာ်မၤနီၢ်သုသးနီတစဲးလၢသုကမၤသံပှၤဂီၢ်မုၢ်လၢအ တၢ်ကမၣ်တအိၣ်န့ၣ်ဘၣ်. ဖဲသုလဲၤတပူၤလၢ်လၢ်န့ၣ်, သုပာ်တီၢ်တၢ်ဟးဂီၤဒီးတၢ်မၤဟးဂီၤ,

လံာ်ယံးရမံယၤ 17:9

မတၤသ့ၣ်ညါနၢ်ပၢၢ်ပှၤကညီအသးကသ့တဂၤလဲၣ်. တၢ်အဂၤလၢအလီန့ၢ်တၢ်သ့ထဲထဲန့ၣ်တအိၣ်ဘၣ်. အၢဝဲသီဝဲကဲၣ်ဆိးလၢတၢ်ကမၤဘျါက့ၤအီၤ အဂီၢ်န့ၣ်လီၤ.

လံာ်မးသဲ 20:15

မ့ၢ်ယတအိၣ်ဘၣ်ဒီးတၢ်အခွဲးအယာ်လၢယကသူယကျိၣ်ယစ့ဒၣ်ယဲ, ဒ်ယသးအိၣ်အသိးဘၣ်ဧါ. မ့တမ့ၢ်ဘၣ်ဒီး, မ့ၢ်ယသးအိၣ်ဟ့ၣ်ညီတၢ်အဃိဒီး, နသးကါနဲစ့ၢ်ကီးဧါ.’

လံာ်မးသဲ 6:23

ဘၣ်ဆၣ်ဒီးသုမဲာ်ချံမ့ၢ်ယုာ်ဒီးသုနီၢ်ဒီဂၤညါကပှဲၤဒီး တၢ်ခံးတၢ်နၤလီၤ. တၢ်ကပီၤလၢအအိၣ်လၢသုပူၤမ့မ့ၢ်တၢ်ခံးတၢ်နၤဒီး, တၢ်ခံးတၢ်နၤန့ၣ် ကနးဝဲဆံးဒိၣ်လဲၣ်.

လံာ်မၢ်ကူး 7:21

အဂ့ၢ်ဒ်လဲၣ်န့ၣ်, တၢ်လၢအဟဲထီၣ်လၢပှၤအသးကံၢ်ပူၤ မ့ၢ်တၢ်ဆိကမိၣ်အအၢအသီတဖၣ်လၢအဒုးမၤအီၤလၢတၢ်မၤ ကမၣ်မုၣ်ကမၣ်ခွါ, တၢ်ဟုၣ်တၢ်ဘျၣ်, တၢ်မၤသံပှၤကညီ,

လံာ်မၢ်ကူး 7:23

တၢ်တဂ့ၤတဘၣ်တဖၣ်အံၤဟဲထီၣ်လၢပှၤကညီတဂၤအပူၤဒီး ဒုးကဲထီၣ်အီၤလၢပှၤတကဆှီဘၣ်တဂၤလီၤ.”

၂ ကရံၣ်သူး 10:5

ပဒုးလီၤမၢ်ကွံာ်ကယဲၢ်တၢ်တြီမၤတံာ်တာ်လၢအအိၣ်ဒီးတၢ်ပာ် ကဖၢလၢသးတမံၤလၢ်လၢ်, လၢအဘၣ်တၢ်ယူာ်ထီၣ်အီၤထီဒါတၢ်သ့ၣ်ညါဘၣ်ဃးဒီး ကစၢ်ယွၤ, ပဖီၣ်န့ၢ်ကယဲၢ်တၢ်ဆိကမိၣ်တမံၤလၢ်လၢ်ဒီးစူၢ်အီၤလၢ ခရံာ်အကလုၢ်န့ၣ်လီၤ.

လံာ်သိၣ်လီၤသီလီၤတၢ် 15:9

မ့ၢ်လၢနံၣ်လၢဒ့ၣ်ကမၢ်တဖၣ်ကဘၣ်တၢ်တြူာ်ကွံာ်အီၤန့ၣ်ဘူးထီၣ် လံအဃိ, ဂ့ၢ်လိာ်လၢသုကဒုးလိၢ်အီၤလၢတၢ်တမံၤမံၤန့ၣ်တဂ့ၤ. ပျဲတၢ်ဆိကမိၣ်အအၢအသီဒ်န့ၣ်အသိးတမံၤအိၣ်လၢသုသးပူၤတဂ့ၤ. သုမ့ၢ်ဂ့ၢ်လိာ်လၢသုကဟ့ၣ်ဒုးလိၢ်တၢ်န့ၣ်, အဝဲကကိးထီၣ်တၢ်ဆူယွၤအအိၣ်ထီဒါသုဒီးသုကဘၣ်တၢ်ပာ်တၢ်ကမၣ် လၢသုလိၤန့ၣ်လီၤ.

လံာ်သိၣ်လီၤသီလီၤတၢ် 28:54

ပှၤအိၣ်ဖျဲၣ်လၢတူၢ်ဒိၣ်ကီၤဒိၣ်, ပှၤပိာ်ခွါလၢအလုၢ်ဂ့ၤလၢ်ဝါ ကတၢၢ်တဂၤဒၣ်လဲာ်, ကဘၣ်ကီဘၣ်ခဲနးမးလၢတၢ်မုၢ်လၢ်လၢာ်ကွံာ်လၢတၢ်အီၣ်အဃိဖဲတၢ် ကဝီၤဃာ်ဝ့ၢ်အဆၢကတီၢ်အံၤတုၤအဝဲကအီၣ်ကွံာ်အဖိဒၣ်ဝဲတဖၣ် အကျါတနီၤ, မ့ၢ်လၢအဝဲတအိၣ်ဒီးတၢ်အီၣ်အဂ့ၤနီတမံၤဘၣ်အဃိန့ၣ်လီၤ.

လံာ်သိၣ်လီၤသီလီၤတၢ် 28:56

ပှၤအိၣ်ဖျဲၣ်လၢတူၢ်ဒိၣ်ကီၤဒိၣ်, ပှၤပိာ်မုၣ်လၢအလုၢ်ဂ့ၤလၢ်ဝါ ကတၢၢ်တဂၤ, ပှၤထူးဝဲတီၤဝဲဒိၣ်မးတုၤဒၣ်လဲာ်တဟးဘၣ်တ့ၢ်လၢအခိၣ်နီ တတီၤန့ၣ်, ကမၤစ့ၢ်ကီးတၢ်ဒ်န့ၣ်အသိးလီၤ.

၁ ပ့းတရူး 2:15

အဂ့ၢ်ဒ်လဲၣ်န့ၣ်, ကစၢ်ယွၤအသးအိၣ်လၢသုကမၤဘှ့ၣ်မၤဘှီၣ် ပှၤဟးဂီၤဖိတဖၣ်အတၢ်ကတိၤလၢအခီပညီတအိၣ်ဘၣ်, ခီဖျိသုတၢ်မၤအဂ့ၤတဖၣ်န့ၣ်လီၤ.

၁ ပ့းတရူး 5:5

လၢကျဲဒ်န့ၣ်အသိး, သုဝဲလၢအသးစၢ်တဖၣ်သုကဘၣ်ဆီၣ်လီၤသုသးလၢပှၤ သးပှၢ်သ့ၣ်တဖၣ်အဖီလာ်န့ၣ်လီၤ. ဒီးသုဝဲသ့ၣ်ခဲလၢာ်သုကဘၣ်ကူထီၣ်သိးထီၣ်တၢ်ဆီၣ်လီၤသး အဆ့ကၤလၢသုကမၤစၢၤလိာ်သုသးတဂၤဒီးတဂၤအဂီၢ် န့ၣ်လီၤ. အဂ့ၢ်ဒ်အံၤ, တၢ်ကွဲးအသးစံးဝဲ, “ကစၢ်ယွၤထီဒါ ပှၤပာ်ထီၣ်ထီအသး, ဘၣ်ဆၣ်ဟ့ၣ်လီၤတၢ်ဘျုးတၢ်ဖှိၣ်လၢပှၤလၢအဆီၣ်လီၤအသး တဖၣ်န့ၣ်လီၤ” (ကူၣ်သ့ ၃:၃၄),