လံာ်မၢ်ကူး 7:18 - Sgaw Karen Common Bible

¹⁸ ယ့ၣ်ၡူးစံးဘၣ်အဝဲသ့ၣ်, “သုတၢ်သ့ၣ်ညါနၢ်ပၢၢ်တထီၣ်ဘးဒ်ပှၤဂၤတဖၣ်အသိးလီၤမးလဲၣ်. တၢ်အိၣ်လၢတၢ်ချၢလၢအလဲၤနုာ်ဆူပှၤတဂၤအပူၤ ဒီးကမၤတကဆှီအီၤတအိၣ်နီတမံၤဘၣ်န့ၣ်, သုတနၢ်ပၢၢ်ဘၣ်ဧါ.

လံာ်မၢ်ကူး 7:18 Iomraidhean Croise

လံာ်မးသဲ 15:11

တၢ်လၢအလဲၤနုာ်ဆူပှၤအကိာ်ပူၤန့ၣ်, တမ့ၢ်ဘၣ်တၢ်လၢအမၤတကဆှီဘၣ်ပှၤကညီဘၣ်. မ့မ့ၢ်တၢ်လၢအဟဲထီၣ်လၢပှၤအကိာ်ပူၤန့ၣ်, မ့ၢ်တၢ်လၢအမၤတကဆှီဘၣ်ပှၤကညီန့ၣ်လီၤ.”

လံာ်မးသဲ 16:11

ဖဲယစံးဘၣ်သု, ပလီၢ်သုသးလၢပှၤဖၤရံၤၡဲဒီး ပှၤစးဒူၤကဲအကိၣ်မံၣ်န့ၣ်, ယတကတိၤတၢ်ဘၣ်ဃးဒီးကိၣ်ဘၣ်န့ၣ်, ဘၣ်မနုၤလၢသုတနၢ်ပၢၢ်ဘၣ်လဲၣ်.”

လံာ်မၢ်ကူး 4:13

အန့ၣ်ဒီး ယ့ၣ်ၡူးသံကွၢ်အဝဲသ့ၣ်, “တၢ်ကတိၤဒိအဝဲအံၤမ့ၢ်သုတနၢ်ပၢၢ်ဘၣ်ဧါ. သုမ့ၢ်တနၢ်ပၢၢ်ဘၣ်ဒီးတၢ်ကတိၤဒိအဂၤတခါဂ့ၤတခါဂ့ၤသုနၢ် ပၢၢ်ကသ့ဒ်လဲၣ်.

လံာ်မၢ်ကူး 7:17

တုၤမ့ၢ်အဟးထီၣ်ကွံာ်လၢပှၤဂီၢ်မုၢ်အအိၣ်ဒီးက့ၤနုာ်ဝဲဆူဟံၣ်ပူၤန့ၣ်, အပျဲၢ်အဘီၣ်တဖၣ်သံကွၢ်အီၤတၢ်ကတိၤဒိအခီပညီန့ၣ်လီၤ.

လံာ်မၢ်ကူး 7:19

အဂ့ၢ်မ့ၢ်လၢအတလဲၤနုာ်ဆူအသးကံၢ်ပူၤဘၣ်, မ့မ့ၢ်လဲၤနုာ်ဝဲဆူအဟၢဖၢပူၤဝံၤဒီးဟးထီၣ်ကွံာ်ဝဲလၢ အနီၢ်ခိအပူၤလီၤ.” (ယ့ၣ်ၡူးစံးတၢ်ဒ်သိးအံၤန့ၣ်မ့ၢ်အတဲဖျါထီၣ်ဝဲလၢ တၢ်အီၣ်ခဲလၢာ်မ့ၢ်တၢ်လၢအကဆှီဝဲန့ၣ်လီၤ.)

လံာ်လူၤကၣ် 24:25

တုၤနုၤတစုယ့ၣ်ၡူးစံးဘၣ်အဝဲသ့ၣ်, “ပှၤသူၣ်တဆးသးတဆး သ့ၣ်ဧၢ, သုကစူၢ်ကနာ်တၢ်ခဲလၢာ်လၢဝံတဖၣ်စံးတ့ၢ်ဝဲန့ၣ် ကီမးလဲၣ်.

လံာ်ယိၤဟၣ် 3:10

ယ့ၣ်ၡူးစံးဆၢအီၤ, “နမ့ၢ်သရၣ်ဖးဒိၣ်တဂၤလၢပှၤအံၣ်စရ့လးဖိ အကျါဒီးနတသ့ၣ်ညါတၢ်အံၤဘၣ်ဧါ.

1 ကရံၣ်သူး 3:2

ယဘၣ်ဒုးအီသုလၢတၢ်နုၢ်ထံလီၤ. တမ့ၢ်တၢ်အီၣ်လၢအအိၣ်ဒီးအသံးအကာ်ဘၣ်. အဂ့ၢ်မ့ၢ်လၢသုတအိၣ်ကတဲာ်ကတီၤဒံးသုသးလၢသုကဟံးန့ၢ်အီၣ် တၢ်အီၣ်လၢအအိၣ်ဒီးအသံးအကာ်ဒံးဘၣ်အဃိန့ၣ်လီၤ. ဒီးခဲကနံၣ်အံၤဒၣ်လဲာ်န့ၣ်, သုတအိၣ်ကတဲာ်ကတီၤသုသးလၢတၢ်တမံၤန့ၣ်အဂီၢ်ဒံးဘၣ်န့ၣ်လီၤ.

ဧ့ၤဘြံၤ 5:11

ဘၣ်ဃးတၢ်ဂ့ၢ်အံၤတၢ်လၢပကဘၣ်တဲဘၣ်သုအိၣ်အါမးလီၤ. ဘၣ်ဆၣ်မ့ၢ်လၢသုနူၤဃၢနၢ်ဃၢအဃိ, ပကတဲနၢ်ပၢၢ်သုမ့ၢ် တၢ်ကီဝဲလီၤ.