လံာ်မၢ်ကူး 7:13 - Sgaw Karen Common Bible

¹³ သုမၤဒ်အံၤန့ၣ်, မ့ၢ်သုဒုးကဲထီၣ်ကစၢ်ယွၤအကလုၢ်ကထါလၢတၢ် ကလီကလီခီဖျိသုဟ့ၣ်ယုၢ်လီၤမိၢ်ပၢ်ဖံဖုလၢပျၢၤ အတၢ်သိၣ်လိသီလိတဆီဘၣ်တဆီအဃိန့ၣ်လီၤ. ဒီးတၢ်ဒ်သိးအံၤလၢသုမၤအီၤန့ၣ်, အိၣ်အါမံၤလီၤ.”

လံာ်မၢ်ကူး 7:13 Iomraidhean Croise

လံာ်ယၡါယၤ 8:20

သုကဘၣ်စံးဆၢက့ၤအဝဲသ့ၣ်, “ဒိကနၣ်တၢ်လၢယွၤသိၣ်လိ သီလိသုတက့ၢ်. ဒိကနၣ်ပှၤကွဲပှၤသံအကလၤတဖၣ်တဂ့ၤ. တၢ်လၢအစံးဘၣ်သုန့ၣ်တမၤဂ့ၤသုနီတမံၤဘၣ်.”

လံာ်ယဃ့းစက့လး 18:14

ခဲအံၤ, ပစံးဒၣ်ကလိာ်, ပှၤခံဂၤတဂၤအံၤအိၣ်ဒီးအဖိခွါတဂၤလီၤ. အဝဲထံၣ်ဘၣ်ကယဲၢ်တၢ်ဒဲးဘးတဖၣ်အပၢ်လၢမၤတ့ၢ်ဝဲဘၣ်ဆၣ် တပိာ်ထွဲဘၣ်အပၢ်အဒိအတဲာ်အခံဘၣ်.

လံာ်ဟိၤၡ့ 8:12

ယကွဲးလီၤတၢ်သိၣ်လိတဖၣ်လၢပှၤဂံၢ်အီၤတသ့ဘၣ်လၢပှၤဂီၢ်မုၢ်အံၤ အဂီၢ်, ဘၣ်ဆၣ်အဝဲသ့ၣ်စူးကွံာ်ညိကွံာ်ဝဲဒ် တၢ်လၢအတညီနုၢ်ဒီးအီၤဒီးတသ့ၣ်ညါဘၣ်ဝဲတမံၤအသိးန့ၣ်လီၤ.

လံာ်မးသဲ 15:6

အလီၢ်တအိၣ်ဘၣ်လၢအကယူးယီၣ်အမိၢ်အပၢ်လၢၤဘၣ်န့ၣ်လီၤ. လၢကျဲဒ်အံၤ, သုမၤဟးဂီၤကွံာ်ယွၤအတၢ်မၤလိာ်, ဒ်သိးသုကမၤဘၣ်သုလုၢ်သုလၢ်ဒၣ်ဝဲန့ၣ်လီၤ.

လံာ်မၢ်ကူး 7:12

ပှၤအဝဲန့ၣ်, တလိၣ်အမၤတၢ်လၢအပၢ်ဒီးအမိၢ်အဂီၢ်နီတမံၤ လၢၤဘၣ်န့ၣ်လီၤ.

လံာ်မၢ်ကူး 7:14

အန့ၣ်ဝံၤယ့ၣ်ၡူးကိးဃီၤကဒီးပှၤဂီၢ်မုၢ်တဖၣ်ဆူအအိၣ်ဒီးစံးဝဲ, “သုဝဲသ့ၣ်ခဲလၢာ်ကနၣ်ယတၢ်ကတိၤဒီးနၢ်ပၢၢ်ဘၣ်တက့ၢ်.

လံာ်မၢ်ကူး 7:3

(အဂ့ၢ်မ့ၢ်လၢပှၤဖၤရံၤၡဲဒီးပှၤယူဒၤဖိအဂၤတဖၣ်စ့ၢ်ကီး မၤဝဲဒ်မိၢ်ပၢ်ဖံဖုလၢပျၢၤအလုၢ်အလၢ်အသိးအဃိဒီး အဝဲသ့ၣ်မ့ၢ်တသ့ကဆှီဘၣ်အစုဒ်တၢ်သိၣ်တၢ်သီအိၣ်ဝဲအသိး ဘၣ်ဒီးတအီၣ်တၢ်နီတမံၤဘၣ်.

လံာ်မၢ်ကူး 7:5

အန့ၣ်သတးဒီး ပှၤဖၤရံၤၡဲဒီးပှၤသ့တၢ်ဘူၣ်တၢ်ဘါ အတၢ်သိၣ်တၢ်သီတဖၣ်သံကွၢ်ယ့ၣ်ၡူးဒီးစံးဝဲ, “ဘၣ်မနုၤနပျဲၢ်နဘီၣ်တဖၣ်တအိၣ်မူဒ်မိၢ်ပၢ်ဖံဖုလၢပျၢၤ အလုၢ်အလၢ်အသိးဘၣ်, မ့မ့ၢ်အီၣ်တၢ်အီတၢ်လၢအစုလၢအတကဆှီဘၣ်န့ၣ်လဲၣ်.”

လံာ်မၢ်ကူး 7:9

ယ့ၣ်ၡူးစံးကဒီးဝဲ, “ဒ်သိးသုကဟံးဃာ်ဘၣ်သုတၢ်သိၣ်လိသီလိလၢ အဟဲလီၤစၢၤလၢမိၢ်ပၢ်ဖံဖုလၢပျၢၤတဖၣ်အအိၣ်အဂီၢ်န့ၣ်, သုဃုထံၣ်န့ၢ်ကျဲလၢသုကညိကွံာ်ကစၢ်ယွၤအတၢ်မၤလိာ်န့ၣ်သ့ဒိၣ်မးလီၤ.

ကလၤတံ 1:14

လၢယတၢ်ဘူၣ်ထီၣ်ဘါထီၣ်ယွၤဒ်ပှၤယူဒၤဖိအလုၢ်အလၢ်အိၣ်ဝဲ အသိးအပူၤန့ၣ်, ယလဲၤလၢပှၤယူဒၤဖိတကျဲကျဲဒီးယၤတဖၣ် အမဲာ်ညါဒီးယဟ့ၣ်လီၤယသးဒိၣ်န့ၢ်အဝဲသ့ၣ်ဖဲလၢအဘၣ် ဃးဒီးတၢ်လူၤထွဲပိာ်ထွဲပမိၢ်ပၢ်ဖံဖုလၢပျၢၤအလုၢ်လၢ်လီၤစၢၤတဖၣ် န့ၣ်လီၤ.

ကလၤတံ 5:21

တၢ်သူၣ်က့ၣ်သးကါ, တၢ်မၤသံပှၤကညီ, တၢ်အီမူၤသံး, တၢ်မၤမူးဧိၤပွဲဧိၤ, ဒီးတၢ်မၤတၢ်အဂၤဒ်သိးအံၤတဖၣ်လီၤ. ဒ်လၢအပူၤကွံာ်အသိးန့ၣ်ယဟ့ၣ်ပလီၢ်ကဒီးသုခဲအံၤလီၤ. ပှၤလၢအမၤတၢ်ဒ်အံၤတဖၣ်န့ၣ်, တန့ၢ်ဘၣ်သါကစၢ်ယွၤအဘီ အမုၢ်ဘၣ်.

တံတူး 1:14

ဒီးအသုတဟံးဃာ်လၢၤပှၤယူဒၤဖိအတၢ်စံၣ်ဃဲၤတဲဃဲၤလၢပျၢၤတဖၣ်, ဒီးပှၤကညီအတၢ်မၤလိာ်တဖၣ်လၢအဟဲလၢပှၤလၢအဃၣ်ကွံာ် အသးလၢတၢ်ဒိကနၣ်တၢ်မ့ၢ်တၢ်တီတဖၣ်အအိၣ်တဂ့ၤအဂီၢ်န့ၣ်လီၤ.