လံာ်မၢ်ကူး 6:6 - Sgaw Karen Common Bible

⁶ ဒီးကမၢကမၣ်ဝဲဒိၣ်မးလၢပှၤသ့ၣ်တဖၣ်အတၢ်နာ်အီၤတအိၣ်ဘၣ်အဃိ လီၤ. ယ့ၣ်ၡူးဟးဝ့ၤဝီၤလၢသဝီအိၣ်ဘူးအိၣ်တံၢ်တဖၣ်အပူၤဒီးသိၣ် လီၤသီလီၤတၢ်လီၤ.

လံာ်မၢ်ကူး 6:6 Iomraidhean Croise

လံာ်ယၡါယၤ 59:16

အဝဲကမၢကမၣ်လၢတထံၣ်န့ၢ်ဘၣ်ပှၤနီတဂၤလၢကမၤစၢၤ ပှၤလၢအဘၣ်တၢ်မၤအၢမၤနးအီၤတဖၣ်ဘၣ်အဃိလီၤ. သတးဒီးအဝဲကသူအတၢ်စိကမီၤဒၣ်ဝဲလၢကမၤထူၣ်ဖျဲး အဝဲသ့ၣ်ဒ်သိးကမၤနၢၤတၢ်အဂီၢ်လီၤ.

လံာ်ယံးရမံယၤ 2:11

ပှၤကလုာ်အဂၤလၢအကစၢ်တဖၣ်တမ့ၢ်ဘၣ် ကစၢ်နီၢ်နီၢ်ဒၣ်လဲာ် တလဲလိာ်တ့ၢ်ဝဲဒ်သိးအံၤနီတကလုာ်နီတစုဘၣ်. ဘၣ်ဆၣ်ဒီးယပှၤဂီၢ်မုၢ်ခီလဲလိာ်ယၤ, ကစၢ်ယွၤတဂၤလၢအဟဲစိာ်န့ၢ်အဝဲသ့ၣ်တၢ်လၤကပီၤန့ၣ်, ဒီးကစၢ်တဖၣ်လၢအမၤတၢ်လၢအဝဲသ့ၣ်အဂီၢ် တသ့နီတမံၤဘၣ်န့ၣ်လီၤ.

လံာ်မးသဲ 4:23

ယ့ၣ်ၡူးဟးဝ့ၤဝီၤသကုၤကီၢ်ကၤလံၤလါ, သိၣ်လီၤသီလီၤတၢ်လၢဘူၣ်ဘျီၣ် လၢအမ့ၢ်တၢ်ဘါလီၢ်တဖၣ်အပူၤ, စံၣ်တဲၤတဲလီၤတၢ်သးခုကစီၣ်ဘၣ်ဃးယွၤအဘီအမုၢ် ဒီးမၤဘျါက့ၤပှၤဘၣ်ဆူးဘၣ်ဆါလၢကယဲၢ်မ့ၢ်တၢ်ဆူးတၢ် ဆါခဲလၢာ်လီၤ.

လံာ်မးသဲ 8:10

တုၤယ့ၣ်ၡူးနၢ်ဟူတၢ်အံၤဒီး, ကမၢကမၣ်ဝဲဒီးစံးဘၣ်ပှၤလၢအပိာ်အခံတဖၣ်, “ယတဲသုတၢ်မ့ၢ်တၢ်တီလီၤ. ယတထံၣ်န့ၢ်ပှၤအိၣ်ဒီးတၢ်နာ်ဒ်အံၤအသိးလၢကီၢ်အံၣ်စရ့လး အပူၤနီတဂၤဘၣ်.

လံာ်မးသဲ 9:35

ယ့ၣ်ၡူးလဲၤဝ့ၤဝီၤတၢ်လၢဝ့ၢ်တဖၣ်ဒီးသဝီတဖၣ်လီၤ. အဝဲသိၣ်လီၤသီလီၤတၢ်လၢဘူၣ်ဘျီၣ်လၢအမ့ၢ်တၢ်ဘါလီၢ်တဖၣ်အပူၤ, စံၣ်တဲၤတဲလီၤတၢ်သးခုကစီၣ်ဘၣ်ဃးဘီမုၢ်, ဒီးမၤဘျါက့ၤပှၤတဖၣ်လၢအအိၣ်ဒီးတၢ်ဆူးတၢ်ဆါတၢ်က့တၢ် ကွဲၣ်ကိးအကလုာ်ဒဲးလီၤ.

လံာ်မၢ်ကူး 1:39

ဒီးလဲၤဝဲသကုၤကီၢ်ကၤလံၤလါ, စံၣ်တဲၤတဲလီၤတၢ်လၢဘူၣ်ဘျီၣ်လၢ အမ့ၢ်တၢ်ဘါလီၢ်တဖၣ်အပူၤဒီးဟီထီၣ်ကွံာ်တၢ်နါတဖၣ်လီၤ.

လံာ်မၢ်ကူး 10:1

ဝံၤဒီးယ့ၣ်ၡူးဟးထီၣ်ဖဲတၢ်လီၢ်န့ၣ်ဒီးလဲၤဝဲဆူကီၢ်ယူဒၤ, ဒီးခီဂာ်ဝဲဆူယၢ်ဒ့ၣ်ကျိအဝၢ်ဘးခီလီၤ. ပှၤဂီၢ်မုၢ်တဖၣ်ဟဲပာ်ဖှိၣ်ထီၣ်ကဒီးအသးဝးတရံးအီၤ, ဒီးအဝဲဒၣ်သိၣ်လီၤသီလီၤအဝဲသ့ၣ်, ဒ်အညီနုၢ်မၤတ့ၢ်ဝဲအသိးလီၤ.

လံာ်လူၤကၣ် 13:22

ဖဲယ့ၣ်ၡူးလဲၤတၢ်ဆူဝ့ၢ်ယရူၤၡလ့ၣ်အကျဲန့ၣ်, အဝဲလဲၤခီဂာ်ဝ့ၢ်တဖၣ်ဒီးသဝီတဖၣ်, ဒီးသိၣ်လီၤသီလီၤတၢ်လီၤ.

လံာ်လူၤကၣ် 4:31

တၢ်န့ၣ်ဝံၤအလီၢ်ခံ, ယ့ၣ်ၡူးလဲၤဝဲဆူကပ့းရနီၣ်, ဝ့ၢ်တဖျၢၣ်လၢအအိၣ်ဝဲဖဲကီၢ်ကၤလံၤလါ, ဒီးဖဲန့ၣ်အဝဲဒၣ်သိၣ်လီၤသီလီၤပှၤဂီၢ်မုၢ်တဖၣ်ဖဲ မုၢ်အိၣ်ဘှံးအနံၤလီၤ.

လံာ်လူၤကၣ် 4:44

လၢတၢ်န့ၣ်အဃိ, အဝဲဒၣ်စံၣ်တဲၤတဲလီၤတၢ်လၢဘူၣ်ဘျီၣ်လၢ အမ့ၢ်တၢ်ဘါလီၢ်တဖၣ်အပူၤသကုၤကီၢ်န့ၣ်လီၤ.

လံာ်ယိၤဟၣ် 9:30

ပှၤအမဲာ်ထံၣ်ထီၣ်က့ၤတၢ်တဂၤန့ၣ်စံးဆၢတၢ်ဒီးစံးဝဲ, “တၢ်တမံၤအံၤမ့ၢ်တၢ်လီၤကမၢကမၣ်ဒိၣ်မးလီၤ. ပှၤတဂၤအံၤဟဲလၢလဲၣ်န့ၣ်သုတသ့ၣ်ညါဘၣ်. ဘၣ်ဆၣ်အဝဲမၤဘျါက့ၤယၤလၢယတၢ်မဲာ်ဘျီၣ်န့ၣ်လီၤ.

မၤတၢ် 10:38

သုသ့ၣ်ညါဘၣ်ဃးပှၤဝ့ၢ်နစၤရ့းဖိယ့ၣ်ၡူး, လၢကစၢ်ယွၤလူလီၤဂၢ်လီၤသးစီဆှံဒီးတၢ်စိတၢ် ကမီၤလၢအလိၤဒ်လဲၣ်အဂ့ၢ်န့ၣ်လီၤ. အဝဲဒၣ်လဲၤသကုၤဆးဒး, မၤဂ့ၤတၢ်ဒီးမၤဘျါက့ၤကယဲၢ်ပှၤအိၣ်လၢမုၣ်ကီၤလံၢ်အတၢ်စိတၢ် ကမီၤအဖီလာ်, အဂ့ၢ်မ့ၢ်လၢကစၢ်ယွၤအိၣ်ဒီးအီၤအဃိလီၤ.