လံာ်မၢ်ကူး 6:56 - Sgaw Karen Common Bible

⁵⁶ ဒီးဖဲယ့ၣ်ၡူးလဲၤတုၤဝဲတပူၤလၢ်လၢ်လၢသဝီပူၤမ့ၢ်ဂ့ၤ, ဝ့ၢ်ပူၤမ့ၢ်ဂ့ၤ, ခိဖဲဟံၣ်အိၣ်စှၤဖျၢၣ်မ့ၢ်ဂ့ၤ, ပှၤသ့ၣ်တဖၣ်န့ၣ်ဟဲစိာ်ဒီးပာ်လီၤပှၤဆါတဖၣ်လၢဖၠါပူၤဒီး ဃ့သကွံၢ်ကညးအီၤလၢအကပျဲအဝဲသ့ၣ်ထိးဘၣ်ထဲ အဆ့ကၤအနွံဧိၤန့ၣ်လီၤ. ဒီးကယဲၢ်ပှၤလၢအထိးဘၣ်ဝဲတဖၣ်ဘျါက့ၤဝဲခဲလၢာ်လီၤ.

လံာ်မၢ်ကူး 6:56 Iomraidhean Croise

လံာ်စီၤပၤခံဘ့ၣ်တဘ့ၣ် 13:21

တဘျီဖဲပှၤလဲၤခူၣ်လီၤပှၤသံအခါန့ၣ်, တၢ်ထံၣ်ဘၣ်ပှၤတဖၣ်န့ၣ် အကျါပှၤတဖု, ဒီးပှၤဂီၢ်မုၢ်တ့ၢ်လီၤကွံာ်ပှၤအစိၣ်န့ၣ်, ဆူအလံၤၡါအတၢ်သွၣ်ခိၣ်အပူၤဒီးထွးထီၣ်ဃ့ၢ်ကွံာ်ဝဲန့ၣ်လီၤ. တစုဃီဖဲပှၤအစိၣ်ဘၣ်ဒိဒီးစီၤအလံၤၡါအဃံန့ၣ်ပှၤတဂၤန့ၣ် မူထီၣ်က့ၤဝဲဒီးဆၢထၢၣ်ဝဲဒၣ်န့ၣ်လီၤ.

လံာ်တၢ်ဂံၢ် 15:37

ယွၤမၤလိာ်စီၤမိၤၡ့, လၢအကစံးဘၣ်ကီၢ်အံၣ်စရ့လးအပှၤဂီၢ်မုၢ်ဒ်အံၤလီၤ. “မၤတၢ်အနွံတဖၣ်လၢသုဆ့ကၤအသနၢၣ်တဖၣ်အလိၤဒီးစၢထီၣ်ပျံၤ အလွဲၢ်လါအဲးတဘိလၢတၢ်အနွံတခါဘၣ်တခါအလိၤတက့ၢ်. သုကဘၣ်မၤတၢ်အံၤအစိၤစိၤအဃၣ်ဃၣ်န့ၣ်လီၤ.

လံာ်မးသဲ 14:36

ဒီးဃ့ကညးအီၤဒ်သိးအကထိးဘၣ်အစှၤကတၢၢ်ထဲအဆ့ဖးထီ အနွံဧိၤန့ၣ်လီၤ. ဒီးကယဲၢ်ပှၤလၢအထိးဘၣ်ဝဲတဖၣ်ဘျါက့ၤဝဲခဲလၢာ်လီၤ.

လံာ်မးသဲ 9:20

ပိာ်မုၣ်လၢအတူၢ်ဘၣ်တ့ၢ်လံတၢ်သွံၣ်လီၤအတၢ်ဆါတဆံခံနံၣ်တဂၤ ဟဲဝဲလၢယ့ၣ်ၡူးအလီၢ်ခံဒီးထိးဘၣ်ယ့ၣ်ၡူးအဆ့ကၤဖးဒိၣ်အနွံန့ၣ်လီၤ.

လံာ်မၢ်ကူး 3:10

အဝဲဒၣ်မၤဘျါက့ၤတ့ၢ်လံပှၤဆူးပှၤဆါအါဒံအါဂၤသတးဒီး, ကယဲၢ်ပှၤအိၣ်ဒီးတၢ်ဆူးတၢ်ဆါတမံၤလၢ်လၢ်တဖၣ်န့ၣ်ဟဲဆီၣ် သနံးလိာ်အသးဆူအအိၣ်ဒ်သိးကထိးဘၣ်အီၤအဂီၢ်န့ၣ်လီၤ.

လံာ်မၢ်ကူး 6:55

အန့ၣ်ဒီးအဝဲသ့ၣ်ဃ့ၢ်ဝ့ၤဝီၤသကုၤကီၢ်န့ၣ်လီၤ. ဒီးဖဲအဝဲသ့ၣ်နၢ်ဟူယ့ၣ်ၡူးအိၣ်ဝဲအလီၢ်တပူၤလၢ်လၢ်န့ၣ်, ဟဲစိာ်ပှၤဆူးပှၤဆါတဖၣ်အိၣ်မံနီၤလၢလီၢ်မံဒါအဖီခိၣ်ဆူ အအိၣ်လီၤ.

လံာ်လူၤကၣ် 22:51

ဘၣ်ဆၣ်ဒီးယ့ၣ်ၡူးစံးဝဲ, “ထဲန့ၣ်ဘၣ်လံ” အဝဲဒၣ်ထိးပှၤတဂၤန့ၣ်အနၢ်ဒီးမၤဘျါက့ၤအီၤလီၤ.

လံာ်လူၤကၣ် 6:19

ပှၤကိးဒံကိးဂၤဒဲးဂုာ်ကျဲးစၢးထိးဘၣ်အီၤ, မ့ၢ်လၢတၢ်စိတၢ်ကမီၤဟဲထီၣ်လၢအဝဲဒၣ်အလိၤ, ဒီးမၤဘျါက့ၤအဝဲသ့ၣ်ကိးဂၤဒဲးအဃိန့ၣ်လီၤ.

လံာ်လူၤကၣ် 8:44

အဝဲဒၣ်ဟဲထီၣ်လၢကမျၢၢ်အကျါလၢယ့ၣ်ၡူးအလီၢ်ခံဒီးထိးယ့ၣ်ၡူး အဆ့ကၤအနွံဒီးအတၢ်သွံၣ်လီၤန့ၣ်ဆိကတီၢ်ကွံာ်ဝဲတဘျီဃီလီၤ.

မၤတၢ် 4:12

ပှၤလၢအအုၣ်က့ၤခီၣ်က့ၤပှၤသ့မ့ၢ်ထဲအဝဲဒၣ်တဂၤဧိၤလီၤ. လၢဟီၣ်ခိၣ်ဒီဘ့ၣ်ညါအပူၤ, မံၤအဂၤလၢကစၢ်ယွၤဟ့ၣ်လီၤဝဲလၢတၢ်အုၣ်က့ၤခီၣ်က့ၤအဂီၢ် န့ၣ်တအိၣ်နီတဖျၢၣ်ဘၣ်.”

မၤတၢ် 4:9

ပမ့ၢ်ဘၣ်တၢ်သံကွၢ်ပှၤလၢမုၢ်မဆါတနံၤအံၤဘၣ်ဃးဒီးတၢ် မၤဂ့ၤဘၣ်ပှၤအခီၣ်ဟးဂီၤတဂၤအံၤဒီးအဝဲဒၣ်ဘၣ်တၢ်မၤဘျါ က့ၤအီၤလၢကျဲဒ်လဲၣ်အဂ့ၢ်န့ၣ်ဒီး,

မၤတၢ် 5:15

မ့ၢ်လၢပှၤတၢ်မၢဖိတဖၣ်မၤတ့ၢ်တၢ်အံၤတဖၣ်အဃိ, ပှၤဟဲစိာ်ထီၣ်ပှၤဆူးပှၤဆါတဖၣ်ဆူကျဲမုၢ်ခိၣ်ဒီးပာ်လီၤ အဝဲသ့ၣ်လၢလီၢ်မံခးဒီးချီၣ်တဖၣ်အဖီခိၣ်, ဒ်သိးဒီးဖဲစီၤပ့းတရူးလဲၤတုၤဘၣ်ဖဲအကပၤထံးအခါ, အစှၤကတၢၢ်အကဒုကလီၤဘၣ်လၢအဝဲသ့ၣ်တနီၤအလိၤန့ၣ်လီၤ.

လံာ်သိၣ်လီၤသီလီၤတၢ် 22:12

ဆးန့ၢ်တၢ်အနွံတဖၣ်လၢသုကူသုသိးတဖၣ်အနၢၣ်လွံၢ်နၢၣ်အလိၤတက့ၢ်.