လံာ်မၢ်ကူး 6:48 - Sgaw Karen Common Bible

⁴⁸ အဝဲထံၣ်စိဃီၤအပျဲၢ်အဘီၣ်တဖၣ်ဘၣ်ကၢၤချံဒီးဝၢ်ချံကီကီခဲ ခဲမ့ၢ်လၢကလံၤတလိၤအဃိန့ၣ်လီၤ. ဒီးဘၣ်ဖဲဂီၤသၢနၣ်ရံၣ်ဒီးဃုနၣ်ရံၣ်အဘၢၣ်စၢၤန့ၣ်, ယ့ၣ်ၡူးဟးဝဲလၢပီၣ်လဲၣ်ထံဖံးခိၣ်ဒီးလဲၤဝဲဆူအဝဲသ့ၣ် အအိၣ်မၤအသးဒ်အကလဲၤပူၤကွံာ်အဝဲသ့ၣ်လီၤ.

လံာ်မၢ်ကူး 6:48 Iomraidhean Croise

လံာ်တၢ်ကဲထီၣ်အခီၣ်ထံး 19:2

ဒီးစံးဝဲ, “တၢ်ဒိၣ်သ့ၣ်ဧၢ, ယအိၣ်ဖဲအံၤလၢတၢ်တူၢ်လိာ်သု အဂီၢ်လီၤ. ဝံသးစူၤဟဲနုာ်လၢယဟံၣ်ပူၤတက့ၢ်. သုသ့သုခီၣ်ဒီးမံဖဲအံၤသ့ဝဲလီၤ. ဒီးလၢမုၢ်ဂီၤန့ၣ်သု ပၢၢ်ထီၣ်ဂီၤဂီၤဒီးသုလဲၤသုကျဲသ့ဝဲလီၤ.” ဘၣ်ဆၣ်အဝဲသ့ၣ်စံးဆၢဝဲ, “ပကမၤလၢာ်မုၢ်နၤလၢဝ့ၢ်အဂၢၤပူၤန့ၣ်လီၤ.”

လံာ်တၢ်ကဲထီၣ်အခီၣ်ထံး 32:26

ပှၤတဂၤန့ၣ်စံးဘၣ်အီၤ, “ပျၢ်ယၤတက့ၢ်. မုၢ်ဆ့ၣ်ထီၣ်လံ.” ဒီးစီၤယၤကိာ်စံးဆၢအီၤ, “မ့တမ့ၢ်ဘၣ်လၢနဆိၣ်ဂ့ၤယၤဘၣ် န့ၣ်, ယတပျၢ်နၤဘၣ်.”

လံာ်စီၤယိၤဘး 9:8

အဝဲမ့ၢ်ပှၤထဲတဂၤဧိၤလၢသလၣ်ထီၣ်မူကပိာ်လိၤဒီးမၤနၢၤပီၣ် လဲၣ်အလပီသ့ၣ်တဖၣ်န့ၣ်လီၤ.

စံးထီၣ်ပတြၢၤ 104:3

ဒီးနသူၣ်ထီၣ်နဟံၣ်လၢ ထံဖီခိၣ်လီၤ နသူတၢ်အၢၣ်တဖၣ်ဒ် နလ့ၣ်ကဟၣ်အသိး ဒီးလဲၤတၢ်လၢကလံၤအဒံးဆ့အဖီခိၣ်လီၤ.

စံးထီၣ်ပတြၢၤ 93:4

ယွၤပၢတၢ်အိၣ်ဒီးအစိဒိၣ်ကမီၤထီလၢမူခိၣ်, ဒိၣ်န့ၣ်ဒံးပီၣ်လဲၣ်မိၢ်ပှၢ်အတၢ်သီၣ်, ဒီးအသဟီၣ်ဆူၣ်န့ၢ်ဒံးပီၣ်လဲၣ်အလပီတဖၣ်တက့ၢ်န့ၣ်လီၤ.

လံာ်တၢ်ဟးထီၣ်ကွံာ် 14:24

ဘူးလၢမုၢ်ကဆ့ၣ်ထီၣ်ဂီၤထၢၣ်သၢန့ၣ်ယွၤကွၢ်လီၤတၢ်ဆူ ပှၤအဲၤကူပတူးဖိတဖၣ်အအိၣ်လၢမ့ၣ်အူဒီးတၢ်အၢၣ်အထူၣ်အလိၤ ဒီးမၤပျံၤမၤဖုးအဝဲသ့ၣ်နးနးကလဲာ်လီၤ.

လံာ်ယၡါယၤ 54:11

ယွၤစံးဝဲ, “အိ, ဝ့ၢ်ယရူၤၡလ့ၣ်, ဝ့ၢ်လၢဘၣ်တူၢ်တၢ်, မၤစၢၤလီၤအသးတသ့ဘၣ်, ဒီးပှၤကမၤမုာ်အသးတအိၣ်နီ တဂၤဘၣ်နဲဒၣ်ဧၢ, ယကသူၣ်ထီၣ်က့ၤနတၢ်အခီၣ်ထံးတဖၣ်လၢလၢၢ်လုၢ်ဒိၣ်ပှ့ၤဒိၣ်တဖၣ်လီၤ.

လံာ်မးသဲ 14:24

အကတီၢ်ဖဲန့ၣ်ချံလဲၤတၢ်ယံၤထီၣ်ဒီးကၢၢ်ပၤနံၤဖးယံၤလံ. ဒီးချံန့ၣ်ဟူးဝးဝဲလၢလပီစံၣ်စုးအဃိ, အဂ့ၢ်မ့ၢ်လၢကလံၤတလိၤဘၣ်အဃိလီၤ.

လံာ်မးသဲ 24:43

ဟံၣ်ကစၢ်မ့ၢ်သ့ၣ်ညါဆိတၢ်ဘျၣ်ကဟဲအဆၢကတီၢ်ဒီး, သပှၢ်ကတၢၢ်အဝဲဒၣ်ကပာ်သူၣ်ပာ်သး, ဒီးကအိၣ်ခိးဝဲ, ဒီးတမ့ၢ်လၢအကပျဲတၢ်ဘျၣ်ဘၢၣ်ဖျိနုာ်ဆူ အဟံၣ်ပူၤန့ၣ်ဘၣ်လီၤ.

လံာ်မၢ်ကူး 13:35

လၢတၢ်န့ၣ်အဃိဆိးသီတက့ၢ်. အဂ့ၢ်ဒ်လဲၣ်န့ၣ်ဟံၣ်ကစၢ်ကဟဲက့ၤအကတီၢ်ဖဲလဲၣ်, လၢဟါခီ, လၢဖးဖီမုၢ်, လၢဆီဖါအိၣ်အိအကတီၢ်, လၢမုၢ်ဆ့ၣ်ထီၣ်ဧါန့ၣ်, သုတသ့ၣ်ညါသုဝဲဘၣ်.

လံာ်မၢ်ကူး 6:47

တုၤမုၢ်ဟါလီၤဒီးချံန့ၣ်လဲၤတုၤလၢပီၣ်လဲၣ်အခၢၣ်သး, ဖဲယ့ၣ်ၡူးတခီအိၣ်တီၢ်ထဲတဂၤဧိၤလၢခိန့ၣ်လီၤ.

လံာ်မၢ်ကူး 6:49

ဘၣ်ဆၣ်ဒီးအဝဲသ့ၣ်ထံၣ်အဟးလၢထံဖံးခိၣ်ဒီးဆိကမိၣ်ဝဲလၢ အမ့ၢ်တၢ်တဃၣ်ဒီးကိးပသူထီၣ်ဝဲ, “တၢ်တဃၣ်” န့ၣ်လီၤ.

လံာ်လူၤကၣ် 12:38

အဝဲမ့ၢ်ဟဲက့ၤလၢဖးဖီမုၢ်, မ့တမ့ၢ်စဲၤခံန့ၢ်အဝဲန့ၣ်ဒၣ်လဲာ်, ဒီးထံၣ်အဝဲသ့ၣ်အိၣ်ကတဲာ်ကတီၤအသးန့ၣ်, အဝဲသ့ၣ်ကဘၣ်ဆိၣ်ဂ့ၤဝဲဆံးဒိၣ်လဲၣ်.

လံာ်လူၤကၣ် 24:28

ဖဲအဝဲသ့ၣ်ဟဲဘူးထီၣ်ဒီးသဝီလၢအကလဲၤဝဲန့ၣ်, ယ့ၣ်ၡူးမၤအသးဒ်အကလဲၤယံၤထီၣ်ဒံးဆူညါအသိးန့ၣ်လီၤ.

လံာ်ယိၤဟၣ် 1:13

တၢ်အံၤမၤအသးတမ့ၢ်လၢအဝဲသ့ၣ်အိၣ်ဖျဲၣ်ထီၣ်လၢမိၢ်ပၢ် တဖၣ်, မ့တမ့ၢ်လၢတၢ်ဖံးတၢ်ညၣ်အသးအတၢ်ဆၢန့ၢ်, မ့တမ့ၢ်လၢပှၤကညီအသးန့ၣ်ဘၣ်. မ့မ့ၢ်ကဲထီၣ်ဝဲလၢ ကစၢ်ယွၤအသးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 11:11

မုၢ်ဆ့ၣ်ထီၣ်တနံၤဂီၤဂီၤန့ၣ်စီၤစီလူးနီၤဖးအပှၤပိာ်ခွါ တဖၣ်သၢဖုဒီးဖဲမုၢ်ဆ့ၣ်ထီၣ်လၢဂီၤဂီၤတၢ်ခံးဒံးန့ၣ်, အဝဲသ့ၣ်ဃ့ၢ်သဖှိဃီၤဆူဒုၣ်ဒါအသူၣ်လီၤဒဲအလီၢ်န့ၣ်ဒီးဒုးတၢ်ထီဒါ ပှၤဧၣ်မိၣ်ဖိတဖၣ်လီၤ. တုၤမုၢ်ထူၣ်ဒီးအဝဲသ့ၣ်ကျီသံကွံာ်ပှၤဧၣ်မိၣ်ဖိတဖၣ်န့ၣ်လီၤ. ပှၤအိၣ်မူတ့ၢ်တဖၣ်န့ၣ်လီၤမုၢ်ပြံပြါဝဲဒီးပှၤတဂၤစုာ်စုာ် န့ၣ်ဃ့ၢ်ဝဲဒၣ်ထဲအနီၢ်ကစၢ်ဒၣ်ဝဲဧိၤန့ၣ်လီၤ.