လံာ်မၢ်ကူး 6:46 - Sgaw Karen Common Bible

⁴⁶ အဝဲပျၢ်ကွံာ်ပှၤသ့ၣ်တဖၣ်န့ၣ်မုာ်မုာ်ဝံၤအလီၢ်ခံ, လဲၤထီၣ်ဝဲဆူကစၢၢ်ဒီခိၣ် လၢကဃ့ထုကဖၣ်ယွၤအဂီၢ်လီၤ.

လံာ်မၢ်ကူး 6:46 Iomraidhean Croise

လံာ်မးသဲ 14:23

တုၤအဝဲပျၢ်ကွံာ်ပှၤဂီၢ်မုၢ်တဖၣ်ဝံၤဒီး, လဲၤထီၣ်ဝဲဆူတၢ်လူၢ်အဒီခိၣ်အလိၤထဲတဂၤဧိၤ, ဒ်သိးကဃ့ဘါထုကဖၣ်ယွၤလီၤ. တုၤမုၢ်ဟါလီၤအကတီၢ်ဘၣ်ဒီး, အိၣ်ဝဲဖဲန့ၣ်ထဲတဂၤဧိၤလီၤ.

လံာ်မးသဲ 6:6

ဘၣ်ဆၣ်တုၤသုဘါထုကဖၣ်ယွၤဒီး က့ၤနုာ်လၢသုဒၢးပူၤ, ကးတံာ်ဃာ်သုတြဲၤဒီးဘါထုကဖၣ်တၢ်ဆူသုပၢ်လၢပှၤတထံၣ်အီၤ တဂၤအအိၣ်ဒီးသုပၢ်လၢအထံၣ်တၢ်လၢတၢ်ကစုဒုအပူၤတဂၤန့ၣ်, ကဟ့ၣ်သုတၢ်အဘူးအလဲလီၤ.

လံာ်မၢ်ကူး 1:35

လၢခံတဂီၤ, ဂီၤဂီၤကလဲာ်တချုးမုၢ်ဆ့ၣ်ထီၣ်န့ၣ်, ယ့ၣ်ၡူးဂဲၤဆၢထၢၣ်ဒီးဟးထီၣ်လၢဟံၣ်ပူၤဒီးလဲၤဝဲဆူတၢ် လီၢ်လၢပှၤတအိၣ်ဝဲနီတဂၤဘၣ်ဒီးဖဲန့ၣ်ဘါထုကဖၣ်တၢ်လီၤ.

လံာ်မၢ်ကူး 6:47

တုၤမုၢ်ဟါလီၤဒီးချံန့ၣ်လဲၤတုၤလၢပီၣ်လဲၣ်အခၢၣ်သး, ဖဲယ့ၣ်ၡူးတခီအိၣ်တီၢ်ထဲတဂၤဧိၤလၢခိန့ၣ်လီၤ.

လံာ်လူၤကၣ် 6:12

ဖဲအဆၢကတီၢ်အဝဲန့ၣ်, ယ့ၣ်ၡူးလဲၤထီၣ်ဆူတၢ်လူၢ်တလူၢ်အလိၤဒ်သိး အကဃ့ဘါထုကဖၣ်တၢ်အဂီၢ်ဒီးဃ့ထုကဖၣ်တၢ်လၢ ယွၤဒီနၤညါန့ၣ်လီၤ.

မၤတၢ် 18:18

စီၤပီလူးအိၣ်ဒံးဝဲဖဲဝ့ၢ်ကရံၣ်သူးဒီးအပျဲၢ်အဘီၣ်တဖၣ် အါနံၤအါသီဝံၤအလီၢ်ခံ, အဝဲဒၣ်ဟးထီၣ်ကွံာ်လၢအဝဲသ့ၣ်အအိၣ်ဒီးဒိးထီၣ်ကဘီလၢ အလဲၤဆူကီၢ်စူၤရံဃုာ်ဒီးနီၢ်ပြံစကံးလၤဒီးစီၤအကူလၤန့ၣ်လီၤ. တချုးအဒိးထီၣ်ကဘီန့ၣ်, အဝဲဒၣ်အိၣ်ဒီးတၢ်ဆိၣ်လီၤ အသးဖဲဝ့ၢ်က့ၣ်ဃရ့းဒီးလူၤကျိကွံာ်အခိၣ်လီၤ.

မၤတၢ် 18:21

ဘၣ်ဆၣ်ဒီးဖဲအဟးထီၣ်န့ၣ်စံးဘၣ်အဝဲသ့ၣ်, “ကစၢ်ယွၤမ့ၢ်ဘၣ်အသးဒီးယကဟဲက့ၤကဒါက့ၤဆူ သုအိၣ်လီၤ.” ဒီးအဝဲဒၣ်ဒိးထီၣ်ကဘီဒီးဟးထီၣ်ကွံာ် လၢဝ့ၢ်အ့းဖ့းစူးန့ၣ်လီၤ.

၂ ကရံၣ်သူး 2:13

ဘၣ်ဆၣ်ဒီး, ယသူၣ်အုးသးအုးယဲအဒိၣ်အအါ မ့ၢ်လၢယတထံၣ်ပဒီပုၢ်ဝဲၢ်စီၤတံတူးဘၣ်အဃိလီၤ. လၢတၢ်န့ၣ် အဃိ, ယဆၢဂ့ၤဆၢဝါပှၤဝ့ၢ်ဖိတဖၣ်ဒီးပာ်တီၢ်အဝဲသ့ၣ်, ဒီးလဲၤကဒီးယဲဆူကီၢ်မၤက့းဒနံန့ၣ်လီၤ.

၁ ပ့းတရူး 2:21

ကစၢ်ယွၤကိးထီၣ်သုလၢတၢ်အံၤအဂီၢ်, အဂ့ၢ်ဒ်လဲၣ်န့ၣ်ခရံာ်အကစၢ်ဒၣ်ဝဲတူၢ်တ့ၢ်တၢ်လၢသုဂီၢ်, ဒီးပာ်တီၢ်န့ၢ်သုတၢ်အဒိအတဲာ်ဒ်သိးသုကယီၢ်အခီၣ်လီၢ် တဖၣ်အဂီၢ်န့ၣ်လီၤ.