လံာ်မၢ်ကူး 6:39 - Sgaw Karen Common Bible

³⁹ တုၤနုၤတစုယ့ၣ်ၡူးမၤလိာ်အဝဲသ့ၣ်လၢကဒုးပာ်ဖှိၣ်ထီၣ်ပှၤ ဂီၢ်မုၢ်တဖၣ်ဒီးဒုးဆ့ၣ်နီၤအဝဲသ့ၣ်တဖုဘၣ်တဖုလၢနီၣ်လါဟ့ အဖီခိၣ်န့ၣ်လီၤ.

လံာ်မၢ်ကူး 6:39 Iomraidhean Croise

လံာ်စီၤပၤအခီၣ်ထံးတဘ့ၣ် 10:5

အဝဲထံၣ်ဘၣ်တၢ်အီၣ်တၢ်အီလၢအဘၣ်တၢ်ပာ်လီၤအီၤလၢအစီၢ်နီၤ ခိၣ်, အပဒိၣ်ပပှၢ်တဖၣ်အတၢ်အိၣ်တၢ်ဆိးအလီၢ်သ့ၣ်တဖၣ်, အဝဲအတၢ်ကရၢကရိထီၣ်ပှၤမၤတၢ်လၢနီပူၤတဖၣ်ဒီးတၢ်ကူတၢ်ကၤ လၢအဒ်သိးသိးလၢအဝဲသ့ၣ်ကူသိးဝဲ, အခ့အပှၤတဖၣ်လၢအပာ်လီၤန့ၢ်အီၤလီခီတဖၣ်ဖဲအဝဲအီၣ်တၢ်အခါ ဒီးတၢ်လုၢ်တၢ်ပာ်တဖၣ်လၢအဝဲလုၢ်ထီၣ်ဝဲလၢယွၤအတၢ်လုၢ်ဟံၣ် အပူၤန့ၣ်လီၤ. တၢ်န့ၣ်မ့ၢ်တၢ်လၢအဒုးကမၢကမၣ်အီၤဒီးမၤသးလီၤကတုၤအီၤန့ၣ် လီၤ.

လံာ်မးသဲ 15:35

တုၤနုၤတစုယ့ၣ်ၡူးမၤလိာ်ပှၤဂီၢ်မုၢ်လၢကဆ့ၣ်နီၤလၢဟီၣ်ခိၣ်အလိၤလီၤ.

လံာ်မၢ်ကူး 6:38

အန့ၣ်ဒီးယ့ၣ်ၡူးသံကွၢ်အဝဲသ့ၣ်, “သုကိၣ်အိၣ်ပှံၤဖျၢၣ်လဲၣ်. လဲၤကွၢ်တက့ၢ်.” တုၤအဝဲသ့ၣ်ဃုထံၣ်ဝဲဒီးစံးဘၣ်အီၤ, “ကိၣ်အိၣ်ယဲၢ်ဖျၢၣ်ဒီးညၣ်အိၣ်ခံဘ့ၣ်လီၤ.”

လံာ်မၢ်ကူး 6:40

သတးဒီးအဝဲသ့ၣ်ဆ့ၣ်နီၤဝဲတဂ့ၢ်ဘၣ်တဂ့ၢ်တဖုဘၣ်တဖု, တနီၤအိၣ်အဂၤလၢအကယၤဒီးတနီၤအိၣ်အဂၤယဲၢ်ဆံလီၤ.

လံာ်လူၤကၣ် 9:14

(ပှၤပိာ်ခွါအိၣ်ဝဲဒၣ်အဂၤယဲၢ်ကထိဃၣ်ဃၣ်ဖဲတၢ်လီၢ်အဝဲန့ၣ်လီၤ.) ယ့ၣ်ၡူးစံးဘၣ်အပျဲၢ်အဘီၣ်သ့ၣ်တဖၣ်, “မၢပှၤဂီၢ်မုၢ်တဖၣ်ဆ့ၣ်နီၤအဂၤယဲၢ်ဆံတကရူၢ်, အဂၤယဲၢ်ဆံတကရူၢ်တက့ၢ်.”

လံာ်ယိၤဟၣ် 6:10

ယ့ၣ်ၡူးစံးဘၣ်အပျဲၢ်အဘီၣ်တဖၣ်, “မၢပှၤသ့ၣ်တဖၣ်ဆ့ၣ်နီၤ တက့ၢ်.” (အဂ့ၢ်ဒ်အံၤ, ဖဲတၢ်လီၢ်န့ၣ်တပံၢ်အိၣ်အါမးလီၤ.) အန့ၣ်ဒီး, ပှၤခဲလၢာ်ဆ့ၣ်နီၤဝဲဒီးအနီၣ်ဂံၢ်ထဲပိာ်ခွါန့ၣ်အိၣ်ဝဲ အဂၤယဲၢ်ကထိဃၣ်ဃၣ်န့ၣ်လီၤ.

1 ကရံၣ်သူး 14:33

အဂ့ၢ်ဒ်အံၤ, ကစၢ်ယွၤတဘၣ်အသးလၢပကအိၣ်ဒီးတၢ်တၢထီၣ် တၢလီၤဘၣ်. မ့ၢ်အဘၣ်အသးလၢပကအိၣ်လၢတၢ်ဃူတၢ်ဖိးဒီးတၢ်မုာ်တၢ်ခုၣ် အပူၤလီၤ. ဒ်လၢယွၤအပှၤဂီၢ်မုၢ်အတၢ်အိၣ်ဖှိၣ်ခဲလၢာ်အပူၤအသိးန့ၣ်,

1 ကရံၣ်သူး 14:40

တၢ်ကိးမံၤဒဲးကြၢးဘၣ်တၢ်မၤအီၤလၢအလီၢ်အကျဲဒီးလၢအဂ့ၢ် အဝီန့ၣ်လီၤ.