လံာ်မၢ်ကူး 6:34 - Sgaw Karen Common Bible

³⁴ တုၤယ့ၣ်ၡူးစံၣ်လီၤလၢချံပူၤဝံၤဒီးထံၣ်ဘၣ်ပှၤဂီၢ်မုၢ်ဖး ဒိၣ်အံၤန့ၣ်သးကညီၤဘၣ်အဝဲသ့ၣ်, မ့ၢ်လၢအဝဲသ့ၣ်လီၤဂာ်ဒီးသိတဖုလၢပှၤကွၢ်အီၤတအိၣ်ဘၣ် အသိးအဃိန့ၣ်လီၤ. လၢတၢ်န့ၣ်အဃိ, အဝဲစးထီၣ်သိၣ်လီၤသီလီၤအဝဲသ့ၣ်လၢတၢ်မၤလိအါထံၣ်အါဘီလီၤ.

လံာ်မၢ်ကူး 6:34 Iomraidhean Croise

လံာ်စီၤပၤအခီၣ်ထံးတဘ့ၣ် 22:17

စီၤမံၤကါယၤစံးဆၢဝဲ, “ယထံၣ်ဘၣ်ကီၢ်အံၣ်စရ့လးအသုးမုၢ် လီၤပြံလီၤပြါလၢကစၢၢ်ကလိအလိၤဒ်သိးလၢအပှၤကွၢ်သိ တအိၣ်ဘၣ်အသိန့ၣ်လီၤ. ဒီးယွၤစံးဝဲ, ပှၤတဖၣ်အံၤအခိၣ်အနၢ်တအိၣ်နီတဂၤဘၣ်. မ်အဝဲသ့ၣ်က့ၤကဒါက့ၤမုာ်မုာ်ဆူအဟံၣ်တက့ၢ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 18:16

စီၤမံၤကါယၤစံးဆၢဝဲ, “ယထံၣ်ဘၣ်ကီၢ်အံၣ်စရ့လးအသုးမုၢ်လီၤပြံလီၤပြါဝဲလၢတၢ်လူၢ် တဖၣ်အလိၤဒ်သိလၢအတအိၣ်ဒီးပှၤကွၢ်သိအသိးန့ၣ်လီၤ. ဒီးယွၤစံးဝဲဒၣ်, ပှၤတဖၣ်အံၤတအိၣ်ဒီးအခိၣ်အနၢ်ဘၣ်. မ်အဝဲသ့ၣ်က့ၤဆူ အဟံၣ်မုာ်မုာ်တက့ၢ်.”

လံာ်ယၡါယၤ 13:14

ပှၤတခီဘီမုၢ်ဖိတဖၣ်လၢအအိၣ်လၢကီၢ်ဘၤဘူၤလိၣ်အပူၤကထွးထီၣ် ဃ့ၢ်ဆူအထံအကီၢ်ဒၣ်ဝဲ, လီၤဂာ်ဒီးတၤဟိလၢအထူၣ်ဖျဲးထီၣ် လၢပှၤခးတၢ်ဖိတဖၣ်အစုပူၤ, ဒီးကလီၤဂာ်ဒ်သိလၢအပှၤကွၢ် သိတအိၣ်ဘၣ်အသိးန့ၣ်လီၤ.

လံာ်ယံးရမံယၤ 50:6

ယပှၤဂီၢ်မုၢ်တဖၣ်န့ၣ်လီၤဂာ်ဒ်သိလၢ အပှၤကွၢ်သိတဖၣ် ပျဲအဝဲသ့ၣ်လီၤမၢ်ကွံာ်လၢ ကစၢၢ်ကလိတဖၣ်အကျါအသိး န့ၣ်လီၤ. အဝဲသ့ၣ်ဟးဝ့ၤဝီၤဒ်သိတဖၣ်အသိးလၢ ကစၢၢ်တဖျၢၣ်ဆူအဂၤတဖျၢၣ်, ဒီးအဝဲသ့ၣ်သးပ့ၤနီၣ်ကွံာ်အဟံၣ်အိၣ်ဖဲလဲၣ်န့ၣ်လီၤ.

လံာ်ယဃ့းစက့လး 34:5

မ့ၢ်လၢသိတအိၣ်ဒီးအပှၤကွၢ်သိနီတဂၤအဃိအဝဲသ့ၣ်လီၤပြံ လီၤပြါဝဲဒီးဆၣ်ဖီကီၢ်ဖိအမံၤတဖၣ်မၤသံအဝဲသ့ၣ်ဒီးအီၣ်ကွံာ် အဝဲသ့ၣ်န့ၣ်လီၤ.

လံာ်စကၤရယၤ 10:2

ပှၤဂီၢ်မုၢ်ဃ့တၢ်ဟ့ၣ်ကူၣ်လၢတၢ်ဂီၤတၢ်ဖီၣ်တဖၣ်ဒီးပှၤဖးတၢ် ဟဲဝံဟဲစိာ်တဖၣ်အအိၣ်ဘၣ်ဆၣ်ဒီးတၢ် စံးဆၢတဖၣ်လၢအမၤန့ၢ်ဝဲန့ၣ်မ့ၢ်ဒၣ်တၢ်ကဘျံးကဘျၣ် ဒီးတၢ်ကလီကလီလီၤ. ပှၤတနီၤဖးတၢ်မံမီၢ်တဖၣ်အခီပညီ, ဘၣ်ဆၣ်မ့ၢ်ဒၣ်တၢ်ဆှၢကမၣ်သုလီၤ. တၢ်မၤမုာ်ထီၣ်လၢအဝဲသ့ၣ်ဟ့ၣ်သုန့ၣ်မ့ၢ်ဒၣ်တၢ်ကလီကလီလီၤ. လၢတၢ်န့ၣ်အဃိပှၤဂီၢ်မုၢ်ဟးဝ့ၤဝီၤဒ်သိလၢအဟးဖျိးကျဲအသိးန့ၣ်လီၤ. အဝဲသ့ၣ်အိၣ်လၢတၢ်ကိၢ်တၢ်ဂီၤအပူၤမ့ၢ်လၢအခိၣ်အနၢ် တအိၣ်ဘၣ်နီတဂၤအဃိန့ၣ်လီၤ.

လံာ်တၢ်ဂံၢ် 27:17

ဒီးကဘၣ်မ့ၢ်ဝဲပှၤလၢအပၢဆှၢအဝဲသ့ၣ်လၢတၢ်ဒုးတၢ်ယၤ အပူၤဒ်သိးနပှၤဂီၢ်မုၢ်အသုတကဲထီၣ်ဒ်သိတဖၣ်လၢအပှၤကွၢ်သိ တအိၣ်ဘၣ်ဝဲအသိးန့ၣ်တဂ့ၤ.”

လံာ်မးသဲ 14:14

ဖဲယ့ၣ်ၡူးစံၣ်လီၤလၢချံအလိၤဒီးထံၣ်ပှၤဂီၢ်မုၢ်ဖးဒိၣ်န့ၣ်, အသူၣ်ကညီၤသးကညီၤဘၣ်အဝဲသ့ၣ်ဒီး, မၤဘျါက့ၤအဝဲသ့ၣ်အပှၤဆူးပှၤဆါတဖၣ်လီၤ.

လံာ်မးသဲ 15:32

ယ့ၣ်ၡူးကိးန့ၢ်အပျဲၢ်အဘီၣ်တဖၣ်ဆူအအိၣ်ဒီးစံးဘၣ်အဝဲသ့ၣ်, “ယသးကညီၤဘၣ်ပှၤဂီၢ်မုၢ်တဖၣ်အံၤလီၤ. အဂ့ၢ်ဒ်အံၤ, အဝဲသ့ၣ်အိၣ်တ့ၢ်ဒီးယၤသၢနံၤလံ. ဒီးအခဲအံၤ အတၢ်အီၣ်တအိၣ်ဘၣ်နီတမံၤဘၣ်. ယတအဲၣ်ဒိးဒုးက့ၤအဝဲသ့ၣ်လၢ တၢ်သၣ်ဝံၤသၣ်စ့ၤအပူၤဘၣ်. ကလီၤဘှံးလီၤဘှါဘၣ်ဖုးလၢကျဲလီၤ.”

လံာ်မးသဲ 9:36

တုၤအဝဲထံၣ်ပှၤဂီၢ်မုၢ်တဖၣ်ဒီးအသးပှဲၤဒီးတၢ်သးကညီၤဘၣ် အဝဲသ့ၣ်လီၤ. အဂ့ၢ်ဒ်အံၤ, အဝဲသ့ၣ်အသူၣ်ကိၢ်သးဂီၤဒီးပှၤမၤစၢၤအီၤတအိၣ်ဘၣ်ဒီး လီၤဂာ်ဒ်သိလၢအပှၤကွၢ်သိတအိၣ်ဘၣ်တဖၣ်အသိးလီၤ.

လံာ်မၢ်ကူး 6:33

ဘၣ်ဆၣ်ပှၤအါဂၤထံၣ်အဝဲသ့ၣ်ဟးထီၣ်ဒီးအဝဲသ့ၣ်မ့ၢ် မတၤတဖၣ်လဲၣ်န့ၣ်သ့ၣ်ညါဝဲသတးဒီး, ပှၤတဖၣ်လၢဝ့ၢ်ကိးဝ့ၢ်ဒဲးဃ့ၢ်ဝဲချ့သဒံးလၢခိတခီဒီး လဲၤတုၤလၢတၢ်လီၢ်န့ၣ်လၢယ့ၣ်ၡူးဒီး အပျဲၢ်အဘီၣ်တဖၣ်အမဲာ်ညါလီၤ.

လံာ်မၢ်ကူး 6:35

တုၤအအိၣ်ဝဲဖဲန့ၣ်ယံာ်ထီၣ်ဒီးဘူးထီၣ်လၢမုၢ်ကလီၤနုာ်န့ၣ်, အပျဲၢ်အဘီၣ်တဖၣ်ဟဲဆူအအိၣ်ဒီးစံးဝဲ, “တၢ်လီၢ်အံၤမ့ၢ်တၢ်လီၢ်လၢပှၤတအိၣ်ဘၣ်, တၢ်ဆၢကတီၢ်စ့ၢ်ကီးယံာ်ထီၣ်ဒီးမုၢ်ကဟါန့ၢ်ပှၤလီၤ.

လံာ်မၢ်ကူး 8:1

လၢခံတယံာ်ဘၣ်န့ၣ်, ပှၤဂီၢ်မုၢ်ဖးဒိၣ်ဟဲအဂၤတဖုပာ်ဖှိၣ်ထီၣ် ကဒီးအသးန့ၣ်လီၤ. တုၤမ့ၢ်အဝဲသ့ၣ်အတၢ်အီၣ်လၢာ်ကွံာ်ဒီး, ယ့ၣ်ၡူးကိးဃီၤအပျဲၢ်အဘီၣ်တဖၣ်ဆူအအိၣ်ဒီးစံးဝဲ,

လံာ်မၢ်ကူး 8:2

“ယသးကညီၤဘၣ်ပှၤတဖၣ်အံၤမ့ၢ်လၢအဟဲအိၣ်တ့ၢ်ဝဲဒီးယၤသၢ သီလံ, ဒီးခဲကနံၣ်အံၤတၢ်အီၣ်လၢကအီၣ်ဝဲအဂီၢ်တအိၣ်လၢၤဘၣ်န့ၣ်လီၤ.

လံာ်လူၤကၣ် 9:11

ဖဲပှၤဂီၢ်မုၢ်တဖၣ်နၢ်ဟူတၢ်အံၤန့ၣ်, အဝဲသ့ၣ်လဲၤပိာ်အခံလီၤ. အဝဲဒၣ်တူၢ်လိာ်ခီၣ်ဆၢအဝဲသ့ၣ်, ကတိၤတၢ်ဒီးအဝဲသ့ၣ်ဘၣ်ဃးကစၢ်ယွၤအဘီအမုၢ်, ဒီးမၤဘျါပှၤလၢအလိၣ်ဘၣ်တၢ်မၤဘျါက့ၤအီၤတဖၣ်လီၤ.

ဧ့ၤဘြံၤ 2:17

လၢတၢ်န့ၣ်အဃိအဝဲဘၣ်ကဲထီၣ်ဒ်အဒီပုၢ်ဝဲၢ်တဖၣ်အသိး လၢတၢ်ကိးမံၤဒဲးအပူၤဒ်သိးလၢအတၢ်မၤကစၢ်ယွၤအတၢ်မၤ အပူၤန့ၣ်ကမ့ၢ်ပှၤလုၢ်တၢ်အခိၣ်အဒိၣ်ကတၢၢ်လၢအသူၣ် ကညီၤသးကညီၤတၢ်ဒီးအကလုၢ်တီဝဲတဂၤသတးဒီးကမၤ ပူၤဖျဲးတၢ်လၢပှၤကညီအတၢ်ဒဲးဘးအဂီၢ်န့ၣ်လီၤ.

ဧ့ၤဘြံၤ 4:15

ပပှၤလုၢ်တၢ်အခိၣ်အဒိၣ်ကတၢၢ်အံၤ တမ့ၢ်ပှၤလၢအနၢ် ပၢၢ်စၢၤပတၢ်ဂံၢ်စၢ်ဘါစၢ်တသ့ဘၣ်တဂၤန့ၣ်ဘၣ်. မ့ၢ်ပှၤတဂၤလၢအဘၣ်တၢ်လ့ပစီအီၤလၢကျဲကိးဘိဒဲးဒ်ပဝဲဒၣ် အသိးဘၣ်ဆၣ်အတၢ်ဒဲးဘးတအိၣ်ဘၣ်.