လံာ်မၢ်ကူး 6:31 - Sgaw Karen Common Bible

³¹ ပှၤဟဲထီၣ်က့ၤလီၤတဖၣ်အိၣ်အါအါဂီၢ်ဂီၢ်တုၤဒၣ်လဲာ်ယ့ၣ်ၡူး ဒီးအပျဲၢ်အဘီၣ်တဖၣ်ကအီၣ်ကအီတၢ်အဆၢကတီၢ်တအိၣ်ဘၣ် အဃိ, ယ့ၣ်ၡူးစံးဘၣ်အပျဲၢ်အဘီၣ်တဖၣ်, “မ်ပကလဲၤသကိးထဲပဝဲဒၣ်တဖၣ်ဧိၤဆူတၢ်လီၢ်တပူၤလၢပှၤ တအိၣ်နီတဂၤဘၣ်, လၢသုကအိၣ်ဘှံးအိၣ်သါတစိၢ်တလီၢ်အဂီၢ်တက့ၢ်.”

လံာ်မၢ်ကူး 6:31 Iomraidhean Croise

လံာ်မးသဲ 14:13

တုၤယ့ၣ်ၡူးနၢ်ဟူတၢ်ကစီၣ်ဘၣ်ဃးစီၤယိၤဟၣ်ဒီး, အဝဲဟးထီၣ်ဖဲတၢ်လီၢ်န့ၣ်, ဒိးထီၣ်ချံတဘ့ၣ်ဒီးလဲၤဝဲဆူတၢ်လီၢ်ဖဲပှၤတအိၣ်နီတဂၤဘၣ် လီၤ. ဘၣ်ဆၣ်တုၤပှၤဂီၢ်မုၢ်တဖၣ်နၢ်ဟူဝဲဒီး, အဝဲသ့ၣ်ဟးထီၣ်လၢအဝ့ၢ်တဖၣ်ဒီးပိာ်ထီၣ်အခံလၢအခီၣ်လီၤ.

လံာ်မၢ်ကူး 1:45

ဘၣ်ဆၣ်ဒီးပှၤအံၤဟးထီၣ်ဒီးရၤလီၤတၢ်ဂ့ၢ်အံၤသကုၤဆးဒး ဒီးတဲတၢ်အါဒိၣ်မးတုၤဒၣ်လဲာ်ယ့ၣ်ၡူးလဲၤနုာ်ဖျိဖျိဖျါဖျါ ဆူဝ့ၢ်ပူၤတသ့လၢၤဘၣ်. မ့မ့ၢ်ဘၣ်အိၣ်ဝဲလၢတၢ်လီၢ်လၢပှၤ တအိၣ်နီတဂၤ, ဒီးပှၤလၢတၢ်လီၢ်ကိးပူၤဒဲးဟဲဆူအအိၣ်လီၤ.

လံာ်မၢ်ကူး 3:20

အန့ၣ်ဝံၤဒီး ယ့ၣ်ၡူးက့ၤဝဲဆူဟံၣ်လၢအလဲၤအိၣ်တ့ၢ်ဝဲန့ၣ်လီၤ. ပှၤဂီၢ်မုၢ်ဟဲပာ်ဖှိၣ်ထီၣ်ကဒီးအသးတုၤဒၣ်လဲာ် ယ့ၣ်ၡူးဒီးအပျဲၢ်အဘီၣ်တဖၣ်ကအီၣ်တၢ်အဂီၢ် တၢ်ဆၢကတီၢ်တအိၣ်လၢၤဘၣ်န့ၣ်လီၤ.

လံာ်မၢ်ကူး 3:7

ယ့ၣ်ၡူးသုးကစီၤကွံာ်အသးဃုာ်ဒီးအပျဲၢ်အဘီၣ်တဖၣ်ဒီးလဲၤဝဲ ဆူပီၣ်လဲၣ်ကၤလံၤလါအနံၤ, ဒီးပှၤဂီၢ်မုၢ်ဖးဒိၣ်ပိာ်ထီၣ်အခံလီၤ. အဝဲသ့ၣ်တဖၣ်ဟဲဝဲလၢကီၢ်ကၤလံၤလါ, လၢကီၢ်ယူဒၤ,

လံာ်ယိၤဟၣ် 6:1

တၢ်အံၤဝံၤဒီး, ယ့ၣ်ၡူးခီဂာ်ပီၣ်လဲၣ်ကၤလံၤလါ (လၢအဘၣ်တၢ်ကိးစ့ၢ်ကီးအီၤလၢပီၣ်လဲၣ်တံၤဘ့ၤရံ) ဆူဝၢ်ဘးခီန့ၣ်လီၤ.