လံာ်မၢ်ကူး 6:26 - Sgaw Karen Common Bible

²⁶ အန့ၣ်တဘျီစီၤပၤအသးအုးဒိၣ်ဒိၣ်ကလဲာ်ဘၣ်ဆၣ် မ့ၢ်လၢအဆိၣ်လီၤဘၣ်အသးလၢပိာ်မုၣ်သးစၢ်န့ၣ်လၢအပှၤသမှံၤ တဖၣ်အမဲာ်ညါအဃိ, တအဲၣ်ဒိးမၤဟးဂီၤအတၢ်အၢၣ်လီၤအီလီၤဒီးအီၤဘၣ်န့ၣ်လီၤ.

လံာ်မၢ်ကူး 6:26 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 14:21

လၢခံက့ၤဒီး, စီၤပၤစံးဘၣ်စီၤယိၤအာ်, “ယပာ်လီၤယသးလၢယကမၤတၢ်လၢနအဲၣ်ဒိးန့ၣ်လီၤ. လဲၤဒီးကိးန့ၢ်ပှၤသးစၢ်စီၤအးဘၡါလိၣ်ဒီးဟဲက့ၤကိးအီၤဆူအံၤတက့ၢ်.”

လံာ်ဒၤနံးယ့လး 6:14

ဖဲစီၤပၤနၢ်ဟူဘၣ်တ့ၢ်တၢ်အံၤဒီးအသူၣ်ကိၢ်သးဂီၤဝဲဒီးပာ်လီၤ အသးလၢကဃုထံၣ်န့ၢ်ကျဲတဘိဘိဒ်သိးကမၤပူၤဖျဲးစီၤဒၤ နံးယ့လးန့ၣ်လီၤ. ကျဲးစၢးဝဲသပှၢ်ပှၢ်တုၤမုၢ်လီၤနုာ်တစုန့ၣ်လီၤ.

လံာ်မးသဲ 14:9

စီၤပၤအသးအုး, ဘၣ်ဆၣ်မ့ၢ်လၢအတၢ်အၢၣ်လီၤအီလီၤလၢ အမၤတ့ၢ်ဝဲလၢပှၤသမှံၤတဖၣ်အမဲာ်ညါအဃိ, အဝဲဟ့ၣ်လီၤအကလုၢ်လၢတၢ်ကဟ့ၣ်အီၤတၢ်လၢအဃ့ဝဲန့ၣ်လီၤ.

လံာ်မၢ်ကူး 6:25

တဘျီဃီပိာ်မုၣ်သးစၢ်န့ၣ်ဟဲက့ၤနုာ်ဝဲချ့သဒံးဆူစီၤပၤ အအိၣ်ဒီးစံးဝဲ, “ယအဲၣ်ဒိးလၢနကဟ့ၣ်ယၤဘျၢတၢ်စီၤယိၤဟၣ်အခိၣ်, အခဲအံၤဒီးဖဲအံၤလၢလီခီကဘျၣ်လၣ်အပူၤလီၤ.”

လံာ်မၢ်ကူး 6:27

လၢတၢ်န့ၣ်အဃိ, စီၤပၤဟ့ၣ်လီၤအကလုၢ်တဘျီဃီဒီးမၢလီၤ ပှၤသုးဖိခိးတၢ်တဂၤလၢအကဟဲက့ၤစိာ်စီၤယိၤဟၣ်အခိၣ်အဂီၢ်လီၤ. အဝဲလဲၤဝဲဆူဃိာ်ပူၤဒီးဒီၣ်တဲာ်ကွံာ်စီၤယိၤဟၣ်အကိာ်လီၤ.