လံာ်မၢ်ကူး 6:25 - Sgaw Karen Common Bible

²⁵ တဘျီဃီပိာ်မုၣ်သးစၢ်န့ၣ်ဟဲက့ၤနုာ်ဝဲချ့သဒံးဆူစီၤပၤ အအိၣ်ဒီးစံးဝဲ, “ယအဲၣ်ဒိးလၢနကဟ့ၣ်ယၤဘျၢတၢ်စီၤယိၤဟၣ်အခိၣ်, အခဲအံၤဒီးဖဲအံၤလၢလီခီကဘျၣ်လၣ်အပူၤလီၤ.”

လံာ်မၢ်ကူး 6:25 Iomraidhean Croise

တၢ်ကတိၤဒိ. 1:16

အဂ့ၢ်ဒ်အံၤ, အဝဲသ့ၣ်တဖၣ်အခီၣ်ဃ့ၢ်ဝဲချ့ချ့ကလဲာ်ဆူတၢ် အၢတၢ်သီအပူၤလီၤ. ဒီးအိၣ်ကတဲာ်ကတီၤအသးထီဘိလၢကမၤသံတၢ်အဂီၢ်လီၤ.

လံာ်မးသဲ 14:8

ဒ်အမိၢ်ဟ့ၣ်ကူၣ်အီၤအသိးအဝဲစံးဝဲ, “ဟ့ၣ်ယၤပှၤဘျၢ တၢ်စီၤယိၤဟၣ်အခိၣ်လၢသီတ့ၤအပူၤအခဲအံၤတက့ၢ်.”

လံာ်မးသဲ 3:1

လၢမုၢ်နံၤတဖၣ်န့ၣ်, ပှၤဘျၢတၢ်စီၤယိၤဟၣ်တဂၤလဲၤဝဲဆူပှၢ်မုၢ်ကနၢ လၢကီၢ်ယူဒၤအပူၤဒီးစံၣ်တဲၤတဲလီၤတၢ်လီၤ.

လံာ်မၢ်ကူး 6:24

လၢတၢ်န့ၣ်အဃိ, ပိာ်မုၣ်သးစၢ်အံၤဟးထီၣ်ဆူတၢ်ချၢဒီးသံကွၢ်အမိၢ်, “မ့ၢ်ယကဘၣ်ဃ့တၢ်မနုၤတမံၤလဲၣ်.” အမိၢ်စံးဆၢအီၤ, “ပှၤဘျၢတၢ်စီၤယိၤဟၣ်အခိၣ်လီၤ.”

လံာ်မၢ်ကူး 6:26

အန့ၣ်တဘျီစီၤပၤအသးအုးဒိၣ်ဒိၣ်ကလဲာ်ဘၣ်ဆၣ် မ့ၢ်လၢအဆိၣ်လီၤဘၣ်အသးလၢပိာ်မုၣ်သးစၢ်န့ၣ်လၢအပှၤသမှံၤ တဖၣ်အမဲာ်ညါအဃိ, တအဲၣ်ဒိးမၤဟးဂီၤအတၢ်အၢၣ်လီၤအီလီၤဒီးအီၤဘၣ်န့ၣ်လီၤ.

ရိမ့ၤ 3:15

အဝဲသ့ၣ်ပ့ၢ်ချ့လၢကမၤဆါဒီးမၤသံတၢ်လီၤ.