လံာ်မၢ်ကူး 6:24 - Sgaw Karen Common Bible

²⁴ လၢတၢ်န့ၣ်အဃိ, ပိာ်မုၣ်သးစၢ်အံၤဟးထီၣ်ဆူတၢ်ချၢဒီးသံကွၢ်အမိၢ်, “မ့ၢ်ယကဘၣ်ဃ့တၢ်မနုၤတမံၤလဲၣ်.” အမိၢ်စံးဆၢအီၤ, “ပှၤဘျၢတၢ်စီၤယိၤဟၣ်အခိၣ်လီၤ.”

လံာ်မၢ်ကူး 6:24 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 13:5

စီၤယိနဒာ်စံးဘၣ်အီၤ, “ပာ်မၤနသးဒ်နဆူးနဆါအသိးဒီးမံလီၤလၢလီၢ်မံဖီခိၣ်တက့ၢ်. ဖဲနပၢ်ဟဲဒ်သိးကကွၢ်နၤန့ၣ်တဲဘၣ်အီၤလၢ ဝံသးစူၤမၢယဒီပုၢ်ဝဲၢ်မုၣ်နီၢ်တၤမၢ်ဟဲဒီးဒုးအီၣ်ယၤတၢ်အီၣ်တက့ၢ်. ယအဲၣ်ဒိးလၢအဝဲကကတဲာ်ကတီၤတၢ်အီၣ်တၢ်အီဖဲအံၤ, ဖဲယထံၣ်ဘၣ်အီၤသ့ဒီးဒုးအီၣ်ယၤလၢအနီၢ်ကစၢ်ဒၣ်ဝဲန့ၣ်လီၤ.”

လံာ်စီၤယိၤဘး 31:31

ကယဲၢ်ယပှၤမၤတၢ်ဖိခဲလၢာ်သ့ၣ်ညါလၢယတူၢ်လိာ်တ့ၢ် ပှၤသမှံၤတဖၣ်ထီဘိန့ၣ်လီၤ.

စံးထီၣ်ပတြၢၤ 27:2

တုၤပှၤအၢပှၤသီတဖၣ်ထီဒါယၤဒ်သိး အကအီၣ်ကွံာ်ယဖံးယညၣ်န့ၣ်ဒီး, အဝဲသ့ၣ်အခီၣ်ဘၣ်တိၢ်ဒီးလီၤဃံၤဝဲန့ၣ်လီၤ.

စံးထီၣ်ပတြၢၤ 37:12

ပှၤအၢပှၤသီကူၣ်ထီဒါပှၤအဂ့ၤအဝါ ဒီးအ့ၣ်စဃံးအမဲလၢအီၤလီၤ.

စံးထီၣ်ပတြၢၤ 37:14

ပှၤအၢပှၤသီဘီၣ်ထီၣ်အနးတဖၣ်ဒီးဖ့ၣ်ထီၣ်အချံၣ်တဖၣ် ဒ်သိးကမၤလီၤဃံၤပှၤဖှီၣ်ဖိယာ်ဖိ ဒီးပှၤလၢအလိၣ်ဘၣ်တၢ်, ဒ်သိးကမၤသံပှၤလၢအလဲၤတၢ်လၢ တၢ်တီတၢ်လိၤအပူၤန့ၣ်လီၤ.

လံာ်မးသဲ 14:8

ဒ်အမိၢ်ဟ့ၣ်ကူၣ်အီၤအသိးအဝဲစံးဝဲ, “ဟ့ၣ်ယၤပှၤဘျၢ တၢ်စီၤယိၤဟၣ်အခိၣ်လၢသီတ့ၤအပူၤအခဲအံၤတက့ၢ်.”

လံာ်မးသဲ 3:1

လၢမုၢ်နံၤတဖၣ်န့ၣ်, ပှၤဘျၢတၢ်စီၤယိၤဟၣ်တဂၤလဲၤဝဲဆူပှၢ်မုၢ်ကနၢ လၢကီၢ်ယူဒၤအပူၤဒီးစံၣ်တဲၤတဲလီၤတၢ်လီၤ.

လံာ်မၢ်ကူး 6:23

အဝဲဆိၣ်လီၤအသးဒီးစံးဝဲ, “တၢ်တမံၤလၢ်လၢ်လၢနဃ့န့ၣ်ယကဟ့ၣ်လီၤနၤပၢၢ်တုၤလၢယဘီယမုၢ် တဝာ်ဒၣ်လဲာ်လီၤ.”

လံာ်မၢ်ကူး 6:25

တဘျီဃီပိာ်မုၣ်သးစၢ်န့ၣ်ဟဲက့ၤနုာ်ဝဲချ့သဒံးဆူစီၤပၤ အအိၣ်ဒီးစံးဝဲ, “ယအဲၣ်ဒိးလၢနကဟ့ၣ်ယၤဘျၢတၢ်စီၤယိၤဟၣ်အခိၣ်, အခဲအံၤဒီးဖဲအံၤလၢလီခီကဘျၣ်လၣ်အပူၤလီၤ.”