လံာ်မၢ်ကူး 6:15 - Sgaw Karen Common Bible

¹⁵ ပှၤအဂၤတနီၤစံးဝဲ, “အဝဲဒၣ်မ့ၢ်စီၤအ့ၤလံယၤလီၤ.” ပှၤအဂၤကဒီးတနီၤစံးဝဲ, “အဝဲဒၣ်မ့ၢ်ဝံတဂၤဒ်ဝံလၢအအိၣ် တ့ၢ်လၢပျၢၤတဖၣ်အသိးန့ၣ်လီၤ.”

လံာ်မၢ်ကူး 6:15 Iomraidhean Croise

လံာ်မၤလကံ 4:5

ဘၣ်ဆၣ်, တချုးလၢယွၤအမုၢ်နံၤဖးဒိၣ်ဒီးမုၢ်နံၤလၢအလီၤပျံၤ လီၤဖုးဟဲဒံးဘၣ်န့ၣ်, ယကဆှၢလီၤန့ၢ်သုဝံအ့ၤလံယၤန့ၣ်လီၤ.

လံာ်မးသဲ 16:14

ဒီးအဝဲသ့ၣ်စံးဝဲဒၣ်, “ပှၤတနီၤစံးလၢနမ့ၢ်ပှၤဘျၢတၢ်စီၤယိၤဟၣ်, တနီၤစံးလၢစီၤအ့ၤလံယၤ, ဒီးအဂၤတနီၤစံးဝဲမ့ၢ်စီၤယံးရမံယၤ, မ့တမ့ၢ်ဘၣ်ဒီးဝံအဂၤတဂၤဂၤလီၤ.”

လံာ်မးသဲ 21:11

ဒီးပှၤဂီၢ်မုၢ်တဖၣ်စံးဆၢဝဲ, “အအံၤမ့ၢ်ဝံယ့ၣ်ၡူးလၢဝ့ၢ်နစၤရ့းဘၣ်ဃးဒီး ကီၢ်ကၤလံၤလါန့ၣ်လီၤ.”

လံာ်မၢ်ကူး 6:16

မ့မ့ၢ်တုၤစီၤပၤဟ့ၤရိာ်နၢ်ဟူတၢ်ဂ့ၢ်အံၤဒီးစံးဝဲ, “အဝဲဒၣ်မ့ၢ်စီၤယိၤဟၣ်လၢယမၢပှၤဒီၣ်တဲာ်ကွံာ်အကိာ် တဂၤလီၤ. အဝဲဒၣ်မူထီၣ်က့ၤလံ.”

လံာ်မၢ်ကူး 8:28

အဝဲသ့ၣ်စံးဆၢက့ၤအီၤ, “တနီၤစံးဝဲလၢနမ့ၢ်ပှၤဘျၢတၢ် စီၤယိၤဟၣ်, အဂၤတနီၤစံးဝဲလၢနမ့ၢ်ဝံအ့ၤလံယၤ, ဒီးအဂၤတနီၤစံးဝဲလၢနမ့ၢ်ဝံတဂၤဂၤလီၤ.”

လံာ်လူၤကၣ် 1:17

အဝဲဒၣ်ကလဲၤလၢကစၢ်အမဲာ်ညါအိၣ်ဒီးသးအဂံၢ်အဘါဒီးတၢ်စိတၢ် ကမီၤဒ်ဝံအ့ၤလံယၤအသိးန့ၣ်လီၤ. အဝဲဒၣ်ကဘိးဃၣ်က့ၤပၢ်တဖၣ်အသးဆူဖိတဖၣ်အအိၣ်, အဝဲဒၣ်ကဃၣ်ကဒါက့ၤပှၤတဒိကနၣ်တၢ်တဖၣ်ဆူပှၤတီပှၤလိၤ အတၢ်ဆိကမိၣ်အကျဲ, အဝဲဒၣ်ကကတဲာ်ကတီၤကစၢ်ယွၤ အပှၤဂီၢ်မုၢ်တဖၣ်လၢယွၤအဂီၢ်လီၤ.”

လံာ်လူၤကၣ် 7:16

ပှၤကိးဂၤဒဲးပှဲၤဒီးတၢ်ပျံၤတၢ်ဖုး, ဒီးစံးထီၣ်တြၢၤကစၢ်ယွၤဒီးစံးဝဲ, “ဝံဖးဒိၣ်တဂၤဟဲအိၣ်ဖျါထီၣ်လၢပသိးပကျါလံ. ဒီး, ကစၢ်ယွၤဟဲဝဲဒ်သိးအကအုၣ်က့ၤခီၣ်က့ၤအပှၤဂီၢ်မုၢ်လံ.”

လံာ်လူၤကၣ် 7:39

ဖဲပှၤဖၤရံၤၡဲလၢအကွဲယ့ၣ်ၡူးတဂၤထံၣ်တၢ်တမံၤအံၤန့ၣ်, အဝဲဒၣ်ဆိကမိၣ်ဝဲလၢအသးပူၤ, “ပှၤတဂၤအံၤမ့မ့ၢ်စဲဃဲၤဝံတဂၤန့ၣ်, အဝဲဒၣ်ကသ့ၣ်ညါပိာ်မုၣ်လၢအထိးအီၤတဂၤအံၤမ့ၢ်မတၤလဲၣ်န့ၣ်လီၤ. ပိာ်မုၣ်တဂၤအံၤအိၣ်မူတ့ၢ်တၢ်ဒဲးဘးအတၢ်အိၣ်မူဒ်လဲၣ် တကလုာ်န့ၣ်အဝဲဒၣ်ကသ့ၣ်ညါဝဲလီၤ.”

လံာ်လူၤကၣ် 9:19

အဝဲသ့ၣ်စံးဆၢဝဲ, “ပှၤတနီၤစံးလၢနမ့ၢ်ပှၤဘျၢတၢ်စီၤယိၤဟၣ်, တနီၤစံးလၢနမ့ၢ်စီၤအ့ၤလံယၤ, ဒီးအဂၤတနီၤစံးလၢနမ့ၢ်ဝံလၢပျၢၤ အကျါတဂၤလၢအဂဲၤဆၢထၢၣ်သမူထီၣ်က့ၤဝဲန့ၣ်လီၤ.”

လံာ်လူၤကၣ် 9:8

ပှၤအဂၤတဖၣ်စံးဝဲလၢစီၤအ့ၤလံယၤလီၣ်ဖျါထီၣ်လံအသး, ဖဲအဂၤတနီၤစံးဝဲလၢဝံလၢပျၢၤအကျါတဂၤဂဲၤဆၢထၢၣ် သမူထီၣ်က့ၤလံဝဲဒၣ်န့ၣ်လီၤ.

လံာ်ယိၤဟၣ် 1:21

ဒီးအဝဲသ့ၣ်သံကွၢ်အီၤ, “မ့မ့ၢ်ဒ်န့ၣ်ဒီးနမ့ၢ်မတၤလဲၣ်. နမ့ၢ်ဝံအ့ၤလံယၤဧါ.” ဒီးစီၤယိၤဟၣ်စံးဆၢဝဲ, “တမ့ၢ်ဘၣ်.” သံကွၢ်ကဒီးဝဲ, “နမ့ၢ်ဝံလၢယွၤကမၢလီၤဝဲန့ၣ်ဧါ.” ဒီးအဝဲဒၣ်စံးဆၢဝဲ, “တမ့ၢ်ဘၣ်.”

လံာ်ယိၤဟၣ် 1:25

အဝဲသ့ၣ်သံကွၢ်စီၤယိၤဟၣ်, “နမ့တမ့ၢ်ခရံာ်, မ့တမ့ၢ်ဘၣ်ဒီးဝံအ့ၤလံယၤ, မ့တမ့ၢ်ဘၣ်ဝံလၢယွၤကမၢလီၤအီၤန့ၣ်ဘၣ်ဒီး, ဘၣ်မနုၤအဃိလၢနဘျၢတၢ်လဲၣ်.”

လံာ်ယိၤဟၣ် 6:14

ပှၤဂီၢ်မုၢ်ဖဲန့ၣ်တဖၣ်ထံၣ်ဘၣ်ယ့ၣ်ၡူးမၤတၢ်လီၤလးအံၤသတး ဒီးစံးဝဲ, “အဝဲဒၣ်အံၤမ့ၢ်နီၢ်နီၢ်ဝံလၢအကဟဲဆူဟီၣ်ခိၣ် တဂၤန့ၣ်လီၤ.”

လံာ်ယိၤဟၣ် 7:40

ပှၤအိၣ်ဝဲတနီၤလၢပှၤဂီၢ်မုၢ်အကျါနၢ်ဟူယ့ၣ်ၡူးအတၢ် ကတိၤဒီးစံး, “ပှၤတဂၤအံၤမ့ၢ်နီၢ်နီၢ်ဝံတဂၤန့ၣ်လီၤ.”

လံာ်ယိၤဟၣ် 9:17

ပှၤဖၤရံၤၡဲတဖၣ်သံကွၢ်ကဒီးပှၤတဂၤအံၤ, “နစံးလၢအဝဲမၤဘျါက့ၤနၤလၢနတၢ်မဲာ်ဘျီၣ်လီၤ. ဂ့ၤလံ. နဲတခီနစံးလၢအဝဲအဂ့ၢ်ဒ်လဲၣ်.” အဝဲစံးဆၢဝဲ, “အဝဲဒၣ်မ့ၢ်ဝံတဂၤလီၤ.”