လံာ်မၢ်ကူး 6:14 - Sgaw Karen Common Bible

¹⁴ စီၤပၤဟ့ၤရိာ်နၢ်ဟူဘၣ်တ့ၢ်ဝဲတၢ်မၤအသးတဖၣ်အံၤအဂ့ၢ်ခဲ လၢာ်, မ့ၢ်လၢယ့ၣ်ၡူးအမံၤဂ့ၤန့ၣ် ဟူထီၣ်သါလီၤသကုၤဆးဒးအဃိလီၤ. ပှၤတနီၤစံးဝဲ, “ပှၤဘျၢတၢ်စီၤယိၤဟၣ်ဂဲၤဆၢထၢၣ်က့ၤလၢတၢ်သံလံ. လၢတၢ်န့ၣ်အဃိအဝဲအိၣ်ဒီးတၢ်စိတၢ်ကမီၤလၢအပူၤ လၢကမၤတၢ်လီၤလးတဖၣ်အံၤအဂီၢ်လီၤ.

လံာ်မၢ်ကူး 6:14 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 26:15

လၢဝ့ၢ်ယရူၤၡလ့ၣ်အပူၤန့ၣ်, အဝဲအပှၤမၤကဲထီၣ်တၢ်တဖၣ်, မၤတၢ်ပီးတၢ်လီတဖၣ်လၢတၢ်ခးပျၢ်အဂီၢ်, ဒီးလၢတၢ်ကွံာ်လၢၢ်ဖးဒိၣ်လၢပှၤပၢၤတၢ်အလီၢ်တဖၣ်ဒီးဝ့ၢ်ခိၣ် ဒူအသနၢၣ်တဖၣ်အဂီၢ်န့ၣ်လီၤ. အဝဲအတၢ်မံၤဟူသၣ်ဖျါရၤလီၤအသးသတုၤဆးဒးဒီးအဝဲအစိ အကမီၤဒိၣ်ထီၣ်ဝဲဒိၣ်ဒိၣ်ကလဲာ်မ့ၢ်လၢတၢ်မၤစၢၤလၢအမၤန့ၢ်ဝဲ လၢကစၢ်ယွၤအအိၣ်အဃိန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 26:8

ပှၤဧၣ်မိၣ်ဖိတဖၣ်ဟ့ၣ်စီၤဧူးစံယါလၢတၢ်ယူးယီၣ်အတၢ်ဟ့ၣ်ဒီး အဝဲအစိအကမီၤဒိၣ်ထီၣ်ဝဲအါမး, တုၤအတၢ်မံၤဟူသၣ်ဖျါအကစီၣ်ရၤလီၤအသးတုၤလၢကီၢ်အဲၤကူ ပတူးဒၣ်လဲာ်န့ၣ်လီၤ.

လံာ်မးသဲ 9:31

ဘၣ်ဆၣ်ဒီးအဝဲသ့ၣ်ဒုးဟူထီၣ်သါလီၤယ့ၣ်ၡူးအဂ့ၢ်လၢကီၢ်ဒီဘ့ၣ်ညါ အပူၤလီၤ.

လံာ်မၢ်ကူး 1:28

လၢတၢ်အံၤအဃိ, ယ့ၣ်ၡူးအကစီၣ်ဟူထီၣ်သါလီၤချ့မးသကုၤကီၢ်ကၤလံၤလါ အပူၤလီၤ.

လံာ်မၢ်ကူး 1:45

ဘၣ်ဆၣ်ဒီးပှၤအံၤဟးထီၣ်ဒီးရၤလီၤတၢ်ဂ့ၢ်အံၤသကုၤဆးဒး ဒီးတဲတၢ်အါဒိၣ်မးတုၤဒၣ်လဲာ်ယ့ၣ်ၡူးလဲၤနုာ်ဖျိဖျိဖျါဖျါ ဆူဝ့ၢ်ပူၤတသ့လၢၤဘၣ်. မ့မ့ၢ်ဘၣ်အိၣ်ဝဲလၢတၢ်လီၢ်လၢပှၤ တအိၣ်နီတဂၤ, ဒီးပှၤလၢတၢ်လီၢ်ကိးပူၤဒဲးဟဲဆူအအိၣ်လီၤ.

လံာ်မၢ်ကူး 8:28

အဝဲသ့ၣ်စံးဆၢက့ၤအီၤ, “တနီၤစံးဝဲလၢနမ့ၢ်ပှၤဘျၢတၢ် စီၤယိၤဟၣ်, အဂၤတနီၤစံးဝဲလၢနမ့ၢ်ဝံအ့ၤလံယၤ, ဒီးအဂၤတနီၤစံးဝဲလၢနမ့ၢ်ဝံတဂၤဂၤလီၤ.”

လံာ်လူၤကၣ် 13:31

တကတီၢ်ဃီဖဲန့ၣ်, ပှၤဖၤရံၤၡဲတနီၤဟဲဆူယ့ၣ်ၡူးအအိၣ်ဒီးစံးဘၣ်အီၤ, “နကဘၣ်ဟးထီၣ်ကွံာ်နဲဖဲအံၤ ဒီးလဲၤဆူတၢ်လီၢ်တၢ်ကျဲအဂၤ တပူၤ, အဂ့ၢ်မ့ၢ်လၢစီၤပၤဟ့ၤရိာ်အဲၣ်ဒိးမၤသံနၤအဃိန့ၣ်လီၤ.”

လံာ်လူၤကၣ် 3:1

အဆၢကတီၢ်မ့ၢ်ဝဲဖဲစီၤပၤဖးဒိၣ်တံၤဘ့းရံပၢတၢ်ပှဲၤထီၣ် တဆံယဲၢ်နံၣ်တနံၣ်, ဖဲစီၤပီၣ်တံၤပံၤလးမ့ၢ်ကီၢ်ယူဒၤအပဒိၣ်ဖးဒိၣ်, စီၤဟ့ၤရိာ်မ့ၢ်ကီၢ်ကၤလံၤလါအပဒိၣ်, ဒီးအဒီပုၢ်ဝဲၢ်စီၤဖံလံးပူးမ့ၢ်ကီၢ်ယတူၢ် ဒီးကီၢ်တြဃိၤန့တံၤအပဒိၣ်, စီၤလူၤစၤနံမ့ၢ်ကီၢ်အဘ့ၤလ့ၣ်အပဒိၣ်,

လံာ်လူၤကၣ် 7:17

တၢ်ကစီၣ်ဘၣ်ဃးဒီးယ့ၣ်ၡူးတမံၤအံၤဟူထီၣ်သါလီၤဝဲသကုၤကီၢ် ယူဒၤဒီဘ့ၣ်ညါဒီးလၢတၢ်လီၢ်အိၣ်ဖဲအဃၢၤဝးဝးန့ၣ်လီၤ.

လံာ်လူၤကၣ် 9:19

အဝဲသ့ၣ်စံးဆၢဝဲ, “ပှၤတနီၤစံးလၢနမ့ၢ်ပှၤဘျၢတၢ်စီၤယိၤဟၣ်, တနီၤစံးလၢနမ့ၢ်စီၤအ့ၤလံယၤ, ဒီးအဂၤတနီၤစံးလၢနမ့ၢ်ဝံလၢပျၢၤ အကျါတဂၤလၢအဂဲၤဆၢထၢၣ်သမူထီၣ်က့ၤဝဲန့ၣ်လီၤ.”

၁ သ့းစၤလနံ 1:8

အဂ့ၢ်ဒ်အံၤ, တမ့ၢ်ထဲလၢတၢ်ကစီၣ်လၢသုရၤလီၤအီၤဘၣ်ဃးဒီး ကစၢ်န့ၣ်လဲၤတုၤကီၢ်မၤက့းဒနံဒီးကီၢ်အဃါယၤဒီကီၢ်န့ၣ်ဘၣ်. မ့မ့ၢ်, တၢ်ကစီၣ်ဘၣ်ဃးဒီးသုတၢ်စူၢ်တၢ်နာ်ကစၢ်ယွၤန့ၣ်လဲၤတုၤ လၢတၢ်လီၢ်ကိးပူၤဒဲးလီၤ. လၢတၢ်န့ၣ်အဃိ, ပစံးတၢ်အလီၢ် တအိၣ်နီတမံၤဘၣ်.

ဧ့ၤဘြံၤ 2:4

တဘျီဃီကစၢ်ယွၤစ့ၢ်ကီးအုၣ်အသးခီဖျိတၢ်ပနီၣ်လီၤလး တဖၣ်, တၢ်လီၤကမၢကမၣ်တဖၣ်ဒီးတၢ်လီၤလးအတၢ်မၤ အကလုာ်ကလုာ်ဒီးခီဖျိအဟ့ၣ်နီၤသးစီဆှံအတၢ်ဟ့ၣ်ဒ် အသးဒၣ်ဝဲအသိးန့ၣ်လီၤ.