လံာ်မၢ်ကူး 6:11 - Sgaw Karen Common Bible

¹¹ သုလဲၤတၢ်လီၢ်တပူၤဂ့ၤတပူၤ ဂ့ၤပှၤမ့ၢ်တတူၢ်လိာ်သုဒီးတဒိကနၣ်သုဘၣ်ဒီး, ဟးထီၣ်ကွံာ်ဖဲန့ၣ်ဒီးတရုၤလီၤကွံာ်ဟီၣ်ခိၣ် ကမူၣ်လၢသုခီၣ်အလိၤတက့ၢ်. တၢ်န့ၣ်ကကဲထီၣ်တၢ်ပနီၣ်လၢ အဝဲသ့ၣ်မၤကမၣ်ဘၣ်လံတၢ်လံန့ၣ်လီၤ.”

လံာ်မၢ်ကူး 6:11 Iomraidhean Croise

လံာ်စီၤနဃ့မယၤ 5:13

ဒီးယထုးထီၣ်ယကူယသိးလၢယကူအီၤလၢယယီၢ်ဒ့ဒီးတြုၤအီၤန့ၣ် လီၤ. ဒီးယစံး “အအံၤကစၢ်ယွၤကတြုၤသု ဒ်သိးအံၤလၢပှၤလၢအတပၢၤဃးအတၢ်အၢၣ်လီၤဘၣ်န့ၣ်လီၤ. ကစၢ်ယွၤကဟံးထီၣ်ကွံာ်သုဟံၣ်သုဃီတဖၣ်ဒီးကယဲၢ်တၢ်အိၣ်ဒီး သုခဲလၢာ်, ဒီးတပာ်တီၢ်န့ၢ်သုတၢ်နီတမံၤလၢၤဘၣ်န့ၣ်လီၤ.” ဒီးပှၤအိၣ်ဝဲဖဲန့ၣ်ခဲလၢာ်စံးဝဲ, “အၤမ့ၣ်” ဒီးစံးထီၣ်ပတြၢၤယွၤလီၤ. ဒီးပှၤခိၣ်ပှၤနၢ်တဖၣ်ပၢၤဃးအတၢ်အၢၣ်လီၤန့ၣ်လီၤ.

လံာ်မးသဲ 12:36

နာ်ယၤတက့ၢ်. လၢတၢ်စံၣ်ညီၣ်အမုၢ်တနံၤန့ၣ်, ပှၤကိးဂၤဒဲးကဘၣ်စံးဆၢတၢ်လၢကယဲၢ်အတၢ်ကတိၤကလီ ကလီကိးဘီဒဲးအဂီၢ်လီၤ.

လံာ်မၢ်ကူး 6:10

စံးဘၣ်စ့ၢ်ကီးအဝဲသ့ၣ်, “ဖဲသုလဲၤတၢ်လီၢ်တပူၤဂ့ၤတပူၤဂ့ၤန့ၣ်, ပှၤမ့ၢ်တူၢ်လိာ်သုလၢဟံၣ်တဖျၢၣ်ဖျၢၣ်အပူၤဒီးအိၣ်ဖဲန့ၣ်တုၤ သုဟးထီၣ်လၢတၢ်လီၢ်အဝဲန့ၣ်တစုတက့ၢ်.

လံာ်လူၤကၣ် 9:5

ဖဲတၢ်လီၢ်တပူၤလၢ်လၢ်လၢပှၤတတူၢ်လိာ်မုာ်သုန့ၣ်, ဟးထီၣ်ကွံာ်လၢဝ့ၢ်အဝဲန့ၣ်အပူၤ, ဒီးတြုၤလီၤကွံာ်ဖၣ်ဆါကမူၣ်လၢသုခီၣ်လၣ်ဒ်သိး အကပာ်ဖျါထီၣ်တၢ်ပနီၣ်ဘၣ်ဃးတၢ်အုၣ်အသးထီဒါအဝဲသ့ၣ်န့ၣ် တက့ၢ်.”

မၤတၢ် 18:6

ဖဲအဝဲသ့ၣ်ထီဒါဒီးကတိၤဒုၣ်ဒွဲၣ်အီၤန့ၣ်, အဝဲဒၣ်တြုၤလီၤကွံာ် ဟီၣ်ခိၣ်ကမူၣ်လၢအကူအသိးအလိၤဒီးစံးဘၣ်အဝဲသ့ၣ်, “သုမ့ၢ်တုၤလၢတၢ်ဟးဂီၤဒီးမ့ၢ်သုတၢ်ကမၣ်ဒၣ်သုဝဲလီၤ. တၢ်ကမၣ်တလီၤတီလၢယလိၤဘၣ်. စးထီၣ်ခဲအံၤဒီးဆူညါန့ၣ်ယကလဲၤစံၣ်တဲၤတဲလီၤတၢ် လၢပှၤကလုာ်ဂၤတဖၣ်အသိးအကျါလီၤ.”

ရိမ့ၤ 2:16

လၢတၢ်န့ၣ်အဃိ, ဒ်တၢ်သးခုကစီၣ်လၢယစံၣ်တဲၤတဲလီၤ ဟဲဝဲအသိး, လၢမုၢ်နံၤတနံၤန့ၣ်ကစၢ်ယွၤ, ကစံၣ်ညီၣ်ပှၤကညီအတၢ်ဆိကမိၣ်ခူသူၣ်ခဲလၢာ်ခီဖျိယ့ၣ်ၡူး ခရံာ်, န့ၣ်လီၤ.

ရိမ့ၤ 2:5

ဘၣ်ဆၣ်ဒီး, နအိၣ်ဒီးသးလၢအကိၤဒီးသးလၢအတပီၢ်ယၢ်လီၤ က့ၤအသးန့ၣ်လီၤ. လၢတၢ်န့ၣ်အဃိ, နပာ်ဖှိၣ်အါထီၣ်တၢ်သးဒိၣ်လၢနဂီၢ်ဒၣ်နဲလၢ တၢ်သးဒိၣ်အမုၢ်တနံၤ, ဖဲယွၤအတၢ်စံၣ်ညီၣ်တီကဘၣ်တၢ်လီၣ်ဖျါထီၣ်အီၤ အကတီၢ်န့ၣ်လီၤ.

၂ ပ့းတရူး 2:6

ယွၤစံၣ်ညီၣ်ဝ့ၢ်စဒိၣ်ဒီးဝ့ၢ်ဂမိရၤဒီးမၤဟးဂီၤကွံာ်အီၤလၢ မ့ၣ်အူ, ဒီးဒုးကဲထီၣ်အီၤလၢတၢ်အဒိအတဲာ်လၢပှၤလၢ အတယူးတယီၣ်ယွၤအဂီၢ်န့ၣ်လီၤ.

၂ ပ့းတရူး 2:9

လၢတၢ်န့ၣ်အဃိ, ကစၢ်ယွၤသ့ၣ်ညါကျဲလၢအကမၤပူၤဖျဲးပှၤယူးယီၣ်ယွၤလၢ အတၢ်နးတၢ်ဖှီၣ်တဖၣ်အပူၤ, ဒီးကဟံးဃာ်ပှၤအအၢအသီတဖၣ်လၢတၢ်သိၣ်ဃီၣ် အပူၤတုၤလၢမုၢ်စံၣ်ညီၣ်အနံၤ,

၂ ပ့းတရူး 3:7

ဘၣ်ဆၣ်ဒီးဟီၣ်ခိၣ်ဒီးမူခိၣ်လၢအအိၣ်ခဲအံၤတဖၣ်ဘၣ် တၢ်ပာ်ကီၤအီၤလၢကစၢ်ယွၤအကလုၢ်တမံၤဃီ, ဒ်သိးတၢ်ကမၤဟးဂီၤအီၤလၢမ့ၣ်အူအဂီၢ်န့ၣ်လီၤ. တၢ်ပာ်ဃာ်ဒံးအီၤလၢမုၢ်စံၣ်ညီၣ်အနံၤအဂီၢ်, ဖဲပှၤ တယူးတယီၣ်ယွၤတဖၣ်ကဘၣ်တၢ်စံၣ်ညီၣ်ဒီးမၤဟးဂီၤ အီၤန့ၣ်လီၤ.

၁ ယိၤဟၣ် 4:17

တၢ်အဲၣ်တၢ်ကွံဘၣ်တၢ်မၤလၢထီၣ်ပှဲၤထီၣ်လၢပပူၤ, ဒ်သိးပကအိၣ်ဒီးတၢ်သးဒူလၢမုၢ်စံၣ်ညီၣ်အနံၤ အဂီၢ်န့ၣ်လီၤ. အဂ့ၢ်ဒ်အံၤ, လၢဟီၣ်ခိၣ်ချၢအံၤဒၣ်လဲာ် ပတၢ်အိၣ်မူမ့ၢ်တၢ်တမံၤဃီဒီးခရံာ်အတၢ်အိၣ်မူန့ၣ်လီၤ.

ယူဒၤ 1:7

သ့ၣ်နီၣ်ထီၣ်က့ၤဝ့ၢ်စဒိၣ်ဒီးဂမိရၤ, ဒီးဝ့ၢ်အိၣ်လၢအဃၢၤတဖၣ်, အပှၤဝ့ၢ်ဖိတဖၣ်လၢအမၤဝဲဒ်ကလူးတဖၣ်မၤတ့ၢ်ဝဲ အသိးဒီးဟ့ၣ်လီၤအသးဆူမုၣ်ခွါလုၢ်အၢလၢ်သီအပူၤဒီး တၢ်ကလုာ်ကလိၤလၢအထီဒါန့ဆၢၣ်အကျဲန့ၣ်တက့ၢ်. အဝဲသ့ၣ်တူၢ်ဘၣ်တၢ်စံၣ်ညီၣ်မ့ၣ်အူအထူအယိာ်ဒ်အမ့ၢ် တၢ်ဟ့ၣ်ပလီၢ်လၢအအိၣ်ဖျါဆှံဆှံလၢပှၤခဲလၢာ်အဂီၢ် အသိးန့ၣ်လီၤ.