လံာ်မၢ်ကူး 5:43 - Sgaw Karen Common Bible

⁴³ ဘၣ်ဆၣ်ယ့ၣ်ၡူးမၤလိာ်အဝဲသ့ၣ်လၢတၢ်ကတိၤလၢအဆူၣ် ဒ်သိးအသုတစံးဘၣ်တဲဘၣ်တၢ်ဂ့ၢ်အံၤလၢပှၤနီတဂၤတဂ့ၤ, ဒီးမၢပှၤဟ့ၣ်ဒုးအီၣ်ဖိသၣ်န့ၣ်လၢတၢ်အီၣ်တမံၤမံၤလီၤ.

လံာ်မၢ်ကူး 5:43 Iomraidhean Croise

လံာ်မးသဲ 17:9

ဒီးဟဲက့ၤလီၤဝဲလၢကစၢၢ်လိၤအဖၢမုၢ်ဒီး, ယ့ၣ်ၡူးမၤလိာ်အဝဲသ့ၣ်ဒီးစံး, “တချုးလၢပှၤကညီဖိခွါဂဲၤဆၢထၢၣ်က့ၤလၢတၢ်သံဒံးဘၣ် န့ၣ်, တၢ်လၢသုထံၣ်ဘၣ်အံၤ, တဘၣ်စံးဘၣ်တဲဘၣ်ပှၤနီတဂၤတဂ့ၤ.”

လံာ်မးသဲ 8:4

ယ့ၣ်ၡူးစံးဘၣ်အီၤ, “ပလီၢ်နသးဒ်သိးနသုတဟးဒုးသ့ၣ်ညါပှၤနီတဂၤလၢ တၢ်ဂ့ၢ်အံၤတဂ့ၤ. လဲၤလိၤလိၤဆူပှၤလုၢ်တၢ်အခိၣ်အအိၣ်ဒီးဒုးနဲၣ် နသးလၢအီၤ, ဝံၤလုၢ်ထီၣ်တၢ်လုၢ်ဒ်စီၤမိၤၡ့မၤလိာ်ဝဲအသိး လၢအကကဲထီၣ်တၢ်အုၣ်အသးလၢပှၤကိးဂၤဒဲးအမဲာ်ညါလၢနဘျါက့ၤ လံအဂီၢ်န့ၣ်တက့ၢ်.”

လံာ်မးသဲ 9:30

ဒီးအဝဲသ့ၣ်ထံၣ်ထီၣ်က့ၤတၢ်လီၤ. ယ့ၣ်ၡူးတြီအဝဲသ့ၣ်ဆူၣ်ဆူၣ် ကလဲာ်ဒီးစံး, “တဘၣ်စံးဘၣ်တဲဘၣ်ပှၤလၢတၢ်ဂ့ၢ်အဝဲအံၤနီတဂၤတဂ့ၤ.”

လံာ်မၢ်ကူး 1:43

အန့ၣ်တစုယ့ၣ်ၡူးမၢအဟးထီၣ်ဒီးမၤလိာ်အီၤဆူၣ်ဆူၣ် ကလဲာ်ဒီးစံးဝဲ,

လံာ်မၢ်ကူး 3:12

ယ့ၣ်ၡူးမၤလိာ်တၢ်နါတဖၣ်န့ၣ်လၢတၢ်ကတိၤဆူၣ်ဆူၣ်ကလဲာ်အပူၤ ဒ်သိးအသုတတဲဖျါထီၣ်အဝဲအဂ့ၢ်လၢပှၤနီတဂၤတဂ့ၤအဂီၢ်န့ၣ် လီၤ.

လံာ်မၢ်ကူး 5:42

ဖိသၣ်မုၣ်န့ၣ်ဂဲၤဆၢထၢၣ်ဒီးဟးဝဲတဘျီဃီလီၤ. (အဝဲဒၣ်အသးအိၣ်တဆံခံနံၣ်လီၤ) တၢ်မၤအသးအံၤဒုးကမၢကမၣ်ပှၤတဖၣ်န့ၣ်ဒိၣ်မးလီၤ.

လံာ်မၢ်ကူး 7:36

ဝံၤဒီးယ့ၣ်ၡူးမၤလိာ်အဝဲသ့ၣ်ဒ်သိးအသုတစံးဘၣ်တဲဘၣ်တၢ် ဂ့ၢ်အံၤလၢပှၤနီတဂၤတဂ့ၤလီၤ. ဘၣ်ဆၣ်ဒီးဒံးမၤလိာ်ဝဲသပှၢ်ပှၢ်, အဝဲသ့ၣ်ရၤလီၤတၢ်ကစီၣ်ဒ်အါထီၣ်တခီန့ၣ်လီၤ.

လံာ်မၢ်ကူး 9:9

ဖဲအဝဲသ့ၣ်ဟဲက့ၤလီၤလၢကစၢၢ်လိၤအခါ, ယ့ၣ်ၡူးမၤလိာ်အဝဲသ့ၣ်လၢတၢ်လၢအထံၣ်ဘၣ်တ့ၢ်ဝဲအံၤန့ၣ်, အသုတစံးဘၣ်တဲဘၣ်ပှၤနီတဂၤတဂ့ၤလီၤ. မ့မ့ၢ်တုၤပှၤကညီအဖိခွါအံၤဂဲၤဆၢထၢၣ်သမူထီၣ်က့ၤလၢတၢ် သံတစုဒီး, စံးဘၣ်တဲဘၣ်ပှၤသ့ဝဲဒၣ်လီၤ.

လံာ်လူၤကၣ် 24:30

အဝဲဒၣ်ဆ့ၣ်နီၤလၢစီၢ်နီၤခိၣ်တပူၤဃီဒီးအဝဲသ့ၣ်, ဟံးန့ၢ်ကိၣ်ဒီးဆိၣ်ဂ့ၤတၢ်အီၣ်လီၤ. အန့ၣ်ဝံၤဒီး, အဝဲဒၣ်စိၢ်ဘျဲးကိၣ်ဒီးဟ့ၣ်လီၤအဝဲသ့ၣ်လီၤ.

လံာ်လူၤကၣ် 5:14

ယ့ၣ်ၡူးခါလီၤအကလုၢ်ဒီးစံးဝဲ, “တဘၣ်စံးဘၣ်တဲဘၣ်ပှၤနီတဂၤတဂ့ၤ. မ့မ့ၢ်လဲၤတဘျီဃီဆူပှၤလုၢ်တၢ်အခိၣ်အအိၣ်ဒီးဒုးနဲၣ်နသးလၢအီၤတက့ၢ်. အန့ၣ်ဝံၤအလီၢ်ခံ, ဒ်သိးတၢ်အုၣ်အသးကအိၣ်လၢပှၤကိးဂၤဒဲးအမဲာ်ညါ လၢနဘၣ်တၢ်မၤဘျါနၤလံအဂီၢ်န့ၣ်, လုၢ်ထီၣ်ပာ်ထီၣ်တၢ်ဒ်စီၤမိၤၡ့မၤလိာ်တ့ၢ်ဝဲအသိးန့ၣ်တက့ၢ်.”

လံာ်လူၤကၣ် 8:56

ပိာ်မုၣ်ဖိသၣ်အမိၢ်အပၢ်တဖၣ်ကမၢကမၣ်ဝဲ, ဘၣ်ဆၣ်ဒီးယ့ၣ်ၡူးမၤလိာ်အဝဲသ့ၣ်ဒ်သိးအသု တစံးဘၣ်တဲဘၣ်ပှၤနီတဂၤလၢတၢ်မၤတ့ၢ်အသးအံၤအဂ့ၢ်တဂ့ၤန့ၣ်လီၤ.

လံာ်ယိၤဟၣ် 5:41

ယတဃုမၤန့ၢ်ပှၤဟီၣ်ခိၣ်ဖိအတၢ်စံးပတြၢၤယၤဘၣ်.

မၤတၢ် 10:41

လၢပှၤကိးဂၤဒဲးအမဲာ်ညါတမ့ၢ်ဘၣ်. မ့ၢ်ထဲပဝဲစှၤဂၤဧိၤလၢအမ့ၢ်ပှၤအုၣ်အသးလၢကစၢ်ယွၤဃုထၢတ့ၢ်ဝဲ အမဲာ်ညါ, ပဝဲလၢအအီၣ်ဃုာ်အီဃုာ်တၢ်ဒီးအီၤဖဲ အဝဲဒၣ်ဂဲၤဆၢထၢၣ်က့ၤလၢတၢ်သံဝံၤအလီၢ်ခံန့ၣ်လီၤ.