လံာ်မၢ်ကူး 5:38 - Sgaw Karen Common Bible

³⁸ တုၤအလဲၤတုၤဝဲလၢစီၤယၤအ့ၤရူးအဟံၣ်ဒီးယ့ၣ်ၡူးထံၣ်ဘၣ်တၢ် သဘံၣ်ဘုၣ်မၤအသးဒီးနၢ်ဟူတၢ်ဟီၣ်တၢ်ယၢၤဒီးတၢ်ကိးပသူကိး ပသီလီၤ.

လံာ်မၢ်ကူး 5:38 Iomraidhean Croise

လံာ်မးသဲ 11:17

‘ပအူန့ၢ်သုတၢ်ဖျီအတၢ်သးဝံၣ်အသီၣ်လၢပံဘၣ်ဆၣ်ဒီးသုတဂဲၤ ကလံာ်ဘၣ်. ပသးဝံၣ်န့ၢ်သုတၢ်သံအတၢ်သးဝံၣ် ဘၣ်ဆၣ်သုတဟီၣ်တယၢၤဘၣ်.’

လံာ်မးသဲ 9:18

ဖဲယ့ၣ်ၡူးကတိၤတၢ်ဒ်အံၤအဖၢမုၢ်န့ၣ်, ပှၤယူဒၤဖိအခိၣ်အနၢ် တဂၤဟဲဝဲချံးခီၣ်တီၤလီၤဝဲလၢယ့ၣ်ၡူးအမဲာ်ညါဒီးစံး, “ယဖိမုၣ်တဂၤသံသီသီဒံးလီၤ. ဟဲပိာ်ယခံဒီးပာ်နစုလၢ အလိၤတက့ၢ်. ဒီးအဝဲဒၣ်ကမူထီၣ်က့ၤလီၤ.”

လံာ်မၢ်ကူး 5:22

အကတီၢ်ဖဲန့ၣ်, ဘူၣ်ဘျီၣ်လၢအမ့ၢ်တၢ်ဘါလီၢ်အခိၣ်လၢ အမံၤမ့ၢ်ဝဲစီၤယၤအ့ၤရူးတဂၤဟဲတုၤဝဲဒီး တုၤအထံၣ်ယ့ၣ်ၡူးဒီးထိၣ်လီၤပှီၤအသးလၢအမဲာ်ညါဝံၤ

လံာ်မၢ်ကူး 5:39

လဲၤနုာ်ဝဲဆူဟံၣ်ပူၤဒီးစံးဘၣ်ပှၤတဖၣ်န့ၣ်, “ဘၣ်မနုၤသုဘၣ်မၤသဘံၣ်ဘုၣ်တၢ်ဒီးဟီၣ်တၢ်ယၢၤတၢ် ထဲထဲအံၤန့ၣ်လဲၣ်. ဖိသၣ်မုၣ်တသံဘၣ်, မ့ၢ်ဒၣ်အမံဘၣ်အသး လီၤ.”

မၤတၢ် 9:39

အန့ၣ်သတးဒီး, စီၤပ့းတရူးကတဲာ်ကတီၤထီၣ်အသးဒီးလဲၤ သကိးဝဲဒီးအဝဲသ့ၣ်လီၤ. တုၤအလဲၤတုၤဝဲဒီး, အဝဲသ့ၣ်ကိးထီၣ်အီၤဆူဒၢးအိၣ်လၢဟံၣ်ထးခီတဆီန့ၣ်လီၤ. ကယဲၢ်ပှၤမုၣ်ကမဲအိၣ်ဖဲန့ၣ်တဖၣ်ဆၢထၢၣ်ဝးတရံးစီၤပ့းတရူး, အိၣ်ဒီးမဲာ်ထံမဲာ်နိ, ဒီးဒုးနဲၣ်အီၤလၢဆ့ကၤဖီလာ်ဒီးဆ့ကၤဖီခိၣ် တဖၣ်လၢနီၢ်ဒီၢ်ကါဆးန့ၢ်အဝဲသ့ၣ်ဖဲအအိၣ်မူဒံးလၢ အဝဲသ့ၣ်အသိးအကျါအကတီၢ်န့ၣ်လီၤ.