လံာ်မၢ်ကူး 5:37 - Sgaw Karen Common Bible

³⁷ အန့ၣ်ဒီးအဝဲဒၣ်တပျဲပှၤအဂၤကလဲၤပိာ်အခံဆူညါနီတဂၤလၢၤဘၣ်. ပျဲဝဲထဲစီၤပ့းတရူးဒီးစီၤယၤကိာ်, ဒီးအဒီပုၢ်ဝဲၢ်စီၤယိၤဟၣ်ဧိၤလီၤ.

လံာ်မၢ်ကူး 5:37 Iomraidhean Croise

လံာ်မးသဲ 17:1

ဃုသီဝံၤအလီၢ်ခံဒီး, ယ့ၣ်ၡူးကိးန့ၢ်စီၤပ့းတရူး, စီၤယၤကိာ်ဒီးအဒီပုၢ်ဝဲၢ်စီၤယိၤဟၣ်, ဒီးလဲၤဆှၢထီၣ်အဝဲသ့ၣ်ဆူကစၢၢ်ဖးထီတဖျၢၣ်အလိၤ, ဒီးအိၣ်ဝဲဖဲန့ၣ်ထဲအဝဲသ့ၣ်ဧိၤလီၤ.

လံာ်မးသဲ 26:37

အဝဲလဲၤကိးဃုာ်စီၤပ့းတရူးဒီးစီၤစ့းဘ့းဒဲအဖိခွါခံဂၤန့ၣ်လီၤ. အသူၣ်အုးသးအုးဒီးသူၣ်ကိၢ်သးဂီၤဝဲဒိၣ်မးလီၤ.

လံာ်မၢ်ကူး 14:33

အဝဲဒၣ်ကိးန့ၢ်ဝဲစီၤပ့းတရူး, စီၤယၤကိာ်, ဒီးစီၤယိၤဟၣ်လၢအကလဲၤသကိးဒီးအီၤလီၤ. အကတီၢ်ဖဲန့ၣ်အသးဘၣ်တံာ်တာ်ဒီးတၢ်သူၣ်ကိၢ်သးဂီၤအိၣ်ဝဲလၢ အပူၤဒိၣ်ဒိၣ်မုၢ်မုၢ်,

လံာ်မၢ်ကူး 9:2

လၢခံဃုသီပူၤကွံာ်န့ၣ်, ယ့ၣ်ၡူးကိးထီၣ်စီၤပ့းတရူး, စီၤယၤကိာ် ဒီးစီၤယိၤဟၣ်ဒီးလဲၤထီၣ်ဝဲဆူကစၢၢ်ဖးထီတဖျၢၣ်အလိၤလီၤ. ဒီးဖဲအအိၣ်ဒၣ်ထဲအဝဲသ့ၣ်ဧိၤန့ၣ်, ယ့ၣ်ၡူးအက့ၢ်အဂီၤလဲလိာ်အသးလၢအဝဲသ့ၣ်အမဲာ်ညါလီၤ.

လံာ်လူၤကၣ် 8:51

ဖဲအဝဲဒၣ်လဲၤတုၤလၢဟံၣ်န့ၣ်, အဝဲတပျဲပှၤလဲၤနုာ်ဃုာ်ဒီးအီၤနီတဂၤဘၣ်. ပျဲဒၣ်ဝဲထဲစီၤပ့းတရူး, စီၤယိၤဟၣ်, စီၤယၤကိာ် ဒီးဖိသၣ်မုၣ်အမိၢ်အပၢ်တဖၣ်လီၤ.

မၤတၢ် 9:40

စီၤပ့းတရူးမၢပှၤကိးဂၤဒဲးဟးထီၣ်ကွံာ်ဆူတၢ်ချၢဝံၤ, ချံးလီၤအခီၣ်ဒီးဃ့ထုကဖၣ်ယွၤလီၤ. အန့ၣ်ဝံၤအဝဲဒၣ်ဃၣ်ဃီၤအသးဆူပှၤစိၣ်အအိၣ်ဒီးစံး, “နီၢ်တဘံၤသါဧၢ, ဂဲၤဆၢထၢၣ်တက့ၢ်.” ပိာ်မုၣ်န့ၣ်အိးထီၣ်အမဲာ်ဒီးတုၤအထံၣ်ဘၣ်စီၤပ့းတရူးန့ၣ်ဒီး, ဂဲၤထၢၣ်ဒီးဆ့ၣ်နီၤဝဲဒၣ်လီၤ.

၂ ကရံၣ်သူး 13:1

အဝဲအံၤ မ့ၢ်ယတၢ်ဟဲသၢဘျီတဘျီလၢယကအိၣ်သကိးသု အဂီၢ်လီၤ. ဒ်တၢ်ကွဲးအသးစံးဝဲအသိးန့ၣ်, “တၢ်ပာ်တၢ်ကမၣ်တမံၤမံၤကြၢးဘၣ်တၢ်ကတိၤဂၢၢ်ကတိၤ ကျၢၤအီၤလၢပှၤခံဂၤမ့တမ့ၢ်သၢဂၤအတၢ်အုၣ်အသးလီၤ.”