လံာ်မၢ်ကူး 5:36 - Sgaw Karen Common Bible

³⁶ တၢ်လၢအဝဲသ့ၣ်တဖၣ်စံးဝဲန့ၣ်ယ့ၣ်ၡူးတကနၣ်ဃုာ်ဝဲဘၣ်ဒီးစံး ဘၣ်စီၤယၤအ့ၤရူး, “ပျံၤတၢ်တဂ့ၤ. ထဲနာ်တၢ်တက့ၢ်.”

လံာ်မၢ်ကူး 5:36 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 20:20

လၢမုၢ်ဆ့ၣ်ထီၣ်ဂီၤဂီၤန့ၣ်, ပှၤဂီၢ်မုၢ်လဲၤဃီၤဝဲဆူပှၢ်မုၢ် ကနၢဘူးဒီးသဝီတကိၤန့ၣ်လီၤ. တချုးလၢအဝဲသ့ၣ်စးထီၣ်လဲၤတၢ်ဒံးန့ၣ်, စီၤယဟိၡၤဖးကတိၤလီၤတၢ်ဆူအဝဲသ့ၣ်အအိၣ်လၢတၢ်ကတိၤတဖၣ်အံၤ န့ၣ်လီၤ. “ပှၤကီၢ်ယူဒၤဒီးဝ့ၢ်ယရူၤၡလ့ၣ်ဖိသ့ၣ်ဧၢ, ပာ်သုတၢ်နာ်လၢယွၤ, သုကစၢ်ယွၤအပူၤဒီး, သုကဆၢထၢၣ်ဂၢၢ်ကျၢၤန့ၣ်လီၤ. စူၢ်က့ၤနာ်က့ၤတၢ်လၢအဝဲအဝံတဖၣ်တဲဘၣ်သု, ဒီးသု ကမၤနၢၤတၢ်န့ၣ်လီၤ.”

လံာ်မးသဲ 17:20

အဝဲစံးဆၢအဝဲသ့ၣ်, “မ့ၢ်လၢသုတၢ်နာ်န့ၢ်ယွၤဆံးဝဲစှၤဝဲအဃိလီၤ. နာ်ယၤတက့ၢ်. သုတၢ်နာ်မ့ၢ်အိၣ်ထဲသိးဒီးသဘၣ်အချံတဖျၢၣ်ဒီး, သုမ့ၢ်စံးဘၣ်ကစၢၢ်အံၤ, ‘သုးကွံာ်နသးဖဲအံၤဆူန့ၣ်တက့ၢ်.’ ဒီးကသုးကွံာ်အသးလီၤ. ဒီးတၢ်လၢသုမၤတသ့ဘၣ်န့ၣ်, တအိၣ်ဘၣ်နီတမံၤဘၣ်လီၤ.

လံာ်မးသဲ 9:18

ဖဲယ့ၣ်ၡူးကတိၤတၢ်ဒ်အံၤအဖၢမုၢ်န့ၣ်, ပှၤယူဒၤဖိအခိၣ်အနၢ် တဂၤဟဲဝဲချံးခီၣ်တီၤလီၤဝဲလၢယ့ၣ်ၡူးအမဲာ်ညါဒီးစံး, “ယဖိမုၣ်တဂၤသံသီသီဒံးလီၤ. ဟဲပိာ်ယခံဒီးပာ်နစုလၢ အလိၤတက့ၢ်. ဒီးအဝဲဒၣ်ကမူထီၣ်က့ၤလီၤ.”

လံာ်မၢ်ကူး 5:22

အကတီၢ်ဖဲန့ၣ်, ဘူၣ်ဘျီၣ်လၢအမ့ၢ်တၢ်ဘါလီၢ်အခိၣ်လၢ အမံၤမ့ၢ်ဝဲစီၤယၤအ့ၤရူးတဂၤဟဲတုၤဝဲဒီး တုၤအထံၣ်ယ့ၣ်ၡူးဒီးထိၣ်လီၤပှီၤအသးလၢအမဲာ်ညါဝံၤ

လံာ်မၢ်ကူး 5:34

ယ့ၣ်ၡူးစံးဘၣ်အီၤ, “ဖိမုၣ်ဧၢ, နတၢ်နာ်န့ၣ်မၤဘျါက့ၤနၤလံ. က့ၤမုာ်မုာ်တက့ၢ်. နတၢ်ဆါဘျါလံ.”

လံာ်မၢ်ကူး 9:23

ယ့ၣ်ၡူးစံးဘၣ်အီၤ, “နနာ်တၢ်မ့ၢ်သ့ဒီး, ပှၤလၢအအိၣ်ဒီးတၢ်နာ်န့ၣ်တၢ်မၤသးလၢအဂီၢ်သ့ခဲလၢာ်လီၤ.”

လံာ်လူၤကၣ် 8:50

ဘၣ်ဆၣ်ဒီးယ့ၣ်ၡူးနၢ်ဟူတၢ်အံၤဒီးစံးဘၣ်စီၤယၤအ့ၤရူး, “တဘၣ်ဘၣ်ယိၣ်တၢ်တဂ့ၤ. ထဲနာ်တၢ်တက့ၢ်. ဒီးအဝဲဒၣ်ကအိၣ်ဆူၣ်ထီၣ်က့ၤဝဲလီၤ.”

လံာ်ယိၤဟၣ် 11:40

ယ့ၣ်ၡူးစံးဘၣ်အီၤ, “မ့ၢ်ယတတဲဘၣ်လံနၤလၢနမ့ၢ်နာ်တၢ်ဒီး နကထံၣ်ဘၣ်ကစၢ်ယွၤအလၤကပီၤန့ၣ်ဘၣ်ဧါ.”