လံာ်မၢ်ကူး 5:26 - Sgaw Karen Common Bible

²⁶ ကသံၣ်သရၣ်အါဂၤဂုာ်ကျဲးစၢးမၤဘျါအီၤဒီးအဝဲဒၣ်အကျိၣ် အစ့လၢာ်ကွံာ်ခဲလၢာ်သနာ်က့, အတၢ်ဆါန့ၣ်တကိညၢ်အမဲာ်ညါနးထီၣ်ကွ့ၢ်ကွ့ၢ်လီၤ.

လံာ်မၢ်ကူး 5:26 Iomraidhean Croise

လံာ်စီၤယိၤဘး 13:4

သုတၢ်တနူၤပၢၢ်နၢ်ဘှါန့ၣ်သုမၤဘံၣ်မၤဘၢအီၤလၢတၢ်ကဘျံး ကဘျၣ်လီၤ. သုလီၤဂာ်ဒီးကသံၣ်သရၣ်တဖၣ်လၢအတဂိာ်တသီၣ် ဘၣ်တၢ်န့ၣ်လီၤ.

စံးထီၣ်ပတြၢၤ 108:12

မၤစၢၤပှၤလၢပတၢ်ထီဒါပဒုၣ်ပဒါန့ၣ်တက့ၢ်. ပှၤကညီအတၢ်မၤစၢၤန့ၣ်, မ့ၢ်တၢ်တဂိာ်တသီၣ်ဘၣ်တၢ်လီၤ.

လံာ်ယံးရမံယၤ 51:8

သတူၢ်ကလာ်, ကီၢ်ဘၤဘူၤလိၣ်လီၤပှီၢ်ဝဲဒီး ဘၣ်တၢ်မၤဟးဂီၤ အီၤလံ. ဟီၣ်တၢ်ယၢၤတၢ်လၢအဃိတက့ၢ်. မၤန့ၢ်ကသံၣ်ကသီလၢအပူၤလီၢ်ပူၤကျဲတဖၣ်အဂီၢ်, ဒီးဘၣ်သ့ၣ်သ့ၣ်, ဘျါက့ၤဝဲကသ့လီၤ.

လံာ်ယံးရမံယၤ 8:22

လၢကီၢ်ကံးလဧးအပူၤန့ၣ်, မ့ၢ်ကသံၣ်ကသီတအိၣ်လၢၤနီတမံၤ ဘၣ်ဧါ. မ့ၢ်ကသံၣ်သရၣ်တဖၣ်တအိၣ်ဖဲန့ၣ်နီတဂၤဘၣ်ဧါ. မ့မ့ၢ်ဒ်န့ၣ်ဒီး, ဘၣ်မနုၤအဃိယပှၤဂီၢ်မုၢ်တဘၣ် တၢ်မၤဘျါက့ၤအီၤန့ၣ်လဲၣ်.

လံာ်မၢ်ကူး 5:25

အကတီၢ်ဖဲန့ၣ်, ပှၤပိာ်မုၣ်အိၣ်ဝဲတဂၤလၢအအိၣ်ဒီး တၢ်ဆါသွံၣ်လီၤတဆံခံနံၣ်လီၤ.

လံာ်မၢ်ကူး 5:27

အဝဲဒၣ်နၢ်ဟူတ့ၢ်လံယ့ၣ်ၡူးအဂ့ၢ်သတးဒီးဝာ်နုာ်ဖျိပှၤဂီၢ် မုၢ်ဆူယ့ၣ်ၡူးအလီၢ်ခံဒီးထိးဘၣ်အဆ့ကၤလၢအစုလီၤ.

လံာ်လူၤကၣ် 8:43

ပိာ်မုၣ်အိၣ်ဝဲဒၣ်တဂၤလၢအတူၢ်ဘၣ်တ့ၢ်ဝဲတၢ်ဆါသွံၣ်လီၤနးမးလၢ တဆံခံနံၣ်အတီၢ်ပူၤဒီးအဝဲဒၣ်လၢာ်ဘူၣ်လၢာ်စ့ၤလၢကသံၣ် သရၣ်တဖၣ်ကမၤဘျါအီၤအဂီၢ်တုၤဒၣ်လဲာ်တၢ်လၢ အအိၣ်ဒီးအီၤလၢာ်ကွံာ်ဝဲခဲလၢာ်ဘၣ်ဆၣ်ဒီးပှၤမၤဘျါအီၤ တန့ၢ်နီတဂၤဘၣ်.