လံာ်မၢ်ကူး 5:24 - Sgaw Karen Common Bible

²⁴ အန့ၣ်ဒီးယ့ၣ်ၡူးလဲၤသကိးဒီးအီၤလီၤ. ပှၤလၢအပိာ်ထီၣ်ယ့ၣ်ၡူးအခံအိၣ်အါအါဂီၢ်ဂီၢ်တုၤဒၣ်လဲာ် ဘၣ်တၢ်ဆီၣ်သနံးအီၤကိးကပၤဒဲးလီၤ.

လံာ်မၢ်ကူး 5:24 Iomraidhean Croise

လံာ်မၢ်ကူး 3:20

အန့ၣ်ဝံၤဒီး ယ့ၣ်ၡူးက့ၤဝဲဆူဟံၣ်လၢအလဲၤအိၣ်တ့ၢ်ဝဲန့ၣ်လီၤ. ပှၤဂီၢ်မုၢ်ဟဲပာ်ဖှိၣ်ထီၣ်ကဒီးအသးတုၤဒၣ်လဲာ် ယ့ၣ်ၡူးဒီးအပျဲၢ်အဘီၣ်တဖၣ်ကအီၣ်တၢ်အဂီၢ် တၢ်ဆၢကတီၢ်တအိၣ်လၢၤဘၣ်န့ၣ်လီၤ.

လံာ်မၢ်ကူး 5:23

ဃ့ကညးအီၤသပှၢ်ပှၢ်ဒီးစံးဝဲ, “ယဖိမုၣ်ဖိဆါနးမးဒီးဘူးတ့ၢ်မးလၢအကသံလီၤ. ဝံသးစူၤဟဲဒီးပာ်နစုလၢအလိၤဒ်သိးကဘျါက့ၤဝဲဒီးကအိၣ် မူဘၣ်ဒံးဝဲအဂီၢ်န့ၣ်တက့ၢ်.”

လံာ်မၢ်ကူး 5:25

အကတီၢ်ဖဲန့ၣ်, ပှၤပိာ်မုၣ်အိၣ်ဝဲတဂၤလၢအအိၣ်ဒီး တၢ်ဆါသွံၣ်လီၤတဆံခံနံၣ်လီၤ.

လံာ်မၢ်ကူး 5:31

အပျဲၢ်အဘီၣ်တဖၣ်စံးဆၢအီၤ, “နထံၣ်ပှၤဂီၢ်မုၢ်ဆီၣ်သနံးနၤထဲအံၤညါန့ၣ် မ့ၢ်နစံးဒံးလၢမတၤထိးယၤတဂၤလဲၣ်န့ၣ်ဧါ.”

လံာ်လူၤကၣ် 11:29

ဖဲပှၤဂီၢ်မုၢ်အိၣ်ဝးတရံးယ့ၣ်ၡူးအါထီၣ်ဝဲန့ၣ်, အဝဲဒၣ်ကတိၤထီၣ်တၢ်ဒီးစံးဝဲ, “ပှၤကညီလၢမုၢ်မဆါတနံၤအံၤတဖၣ်အၢဝဲသီဝဲဆံးဒိၣ်လဲၣ်. အဝဲသ့ၣ်ဃ့တၢ်လီၤလးတမံၤ, ဘၣ်ဆၣ်ဒီးတၢ်တဟ့ၣ်အီၤလၢတၢ်လီၤလးနီတမံၤဘၣ်. တၢ်ကဟ့ၣ်အီၤထဲတၢ်လီၤလးတမံၤလၢအဘၣ်ဃးဒီး စီၤယိၤနါန့ၣ်လီၤ.

လံာ်လူၤကၣ် 12:1

ဖဲပှၤဂီၢ်မုၢ်လၢအကထိတဖၣ်ပာ်ဖှိၣ်ထီၣ်အသးပှဲၤကတံာ်မး တုၤဒၣ်လဲာ်ယီၢ်လိာ်ဘၣ်အသးတဂၤဒီးတဂၤအဆၢကတီၢ်န့ၣ်, ယ့ၣ်ၡူးစံးဘၣ်ဆိအပျဲၢ်အဘီၣ်တဖၣ်, “ပလီၢ်သုသးလၢပှၤဖၤရံၤၡဲတဖၣ်အကိၣ်မံၣ်လၢ အမ့ၢ်အဝဲသ့ၣ်အတၢ်ပာ်မၤအသးန့ၣ်တက့ၢ်.

လံာ်လူၤကၣ် 19:3

အဝဲဒၣ်ဂုာ်ကျဲးစၢးဒ်သိးအကထံၣ်ဘၣ်လၢယ့ၣ်ၡူးမ့ၢ်မတၤတဂၤလဲၣ် န့ၣ်လီၤ. ဘၣ်ဆၣ်အဝဲမ့ၢ်ပှၤလၢအနီၢ်ဖုၣ်တဂၤဒီးပှၤဂီၢ်မုၢ်အိၣ်အါအဃိ, ထံၣ်ယ့ၣ်ၡူးတသ့ဘၣ်.

လံာ်လူၤကၣ် 7:6

လၢတၢ်န့ၣ်အဃိ, ယ့ၣ်ၡူးလဲၤဒီးအဝဲသ့ၣ်လီၤ. ဖဲအဝဲဒၣ်ဘူးထီၣ်ဒီးဟံၣ်အဝဲန့ၣ်န့ၣ်, သုးခိၣ်ဆှၢလီၤအတံၤသကိးတဖၣ်ဆူအအိၣ်ဒ်သိးအကတဲဘၣ်အီၤ, “ကစၢ်ဧၢ, တဘၣ်မၤတံာ်တာ်နသးတဂ့ၤ. ယတကြၢးယဲလၢနကဟဲနုာ်ဆူယဟံၣ်ပူၤအဂီၢ်ဘၣ်.

လံာ်လူၤကၣ် 8:42

အဂ့ၢ်မ့ၢ်လၢအဝဲဒၣ်အဖိမုၣ်လၢအအိၣ်ထဲတဂၤဧိၤ, ဒီးအသးအိၣ်ဝဲတဆံခံနံၣ်န့ၣ်ဘူးတ့ၢ်လၢကသံအဃိန့ၣ်လီၤ. ဖဲယ့ၣ်ၡူးလဲၤတၢ်လၢကျဲန့ၣ်, ပှၤဂီၢ်မုၢ်တဖၣ်သနံးအီၤကိးကပၤဒဲးလီၤ.

လံာ်လူၤကၣ် 8:45

ယ့ၣ်ၡူးသံကွၢ်ဝဲ, “မတၤထိးယၤလဲၣ်.” ပှၤကိးဂၤဒဲးသမၢဝဲ, ဒီးစီၤပ့းတရူးစံးဝဲ, “ကစၢ်ဧၢ, ပှၤဂီၢ်မုၢ်အိၣ်ဝးတရံးနၤဒီးသနံးနၤလီၤ.”

မၤတၢ် 10:38

သုသ့ၣ်ညါဘၣ်ဃးပှၤဝ့ၢ်နစၤရ့းဖိယ့ၣ်ၡူး, လၢကစၢ်ယွၤလူလီၤဂၢ်လီၤသးစီဆှံဒီးတၢ်စိတၢ် ကမီၤလၢအလိၤဒ်လဲၣ်အဂ့ၢ်န့ၣ်လီၤ. အဝဲဒၣ်လဲၤသကုၤဆးဒး, မၤဂ့ၤတၢ်ဒီးမၤဘျါက့ၤကယဲၢ်ပှၤအိၣ်လၢမုၣ်ကီၤလံၢ်အတၢ်စိတၢ် ကမီၤအဖီလာ်, အဂ့ၢ်မ့ၢ်လၢကစၢ်ယွၤအိၣ်ဒီးအီၤအဃိလီၤ.