လံာ်မၢ်ကူး 5:23 - Sgaw Karen Common Bible

²³ ဃ့ကညးအီၤသပှၢ်ပှၢ်ဒီးစံးဝဲ, “ယဖိမုၣ်ဖိဆါနးမးဒီးဘူးတ့ၢ်မးလၢအကသံလီၤ. ဝံသးစူၤဟဲဒီးပာ်နစုလၢအလိၤဒ်သိးကဘျါက့ၤဝဲဒီးကအိၣ် မူဘၣ်ဒံးဝဲအဂီၢ်န့ၣ်တက့ၢ်.”

လံာ်မၢ်ကူး 5:23 Iomraidhean Croise

လံာ်စီၤပၤခံဘ့ၣ်တဘ့ၣ် 5:11

ဘၣ်ဆၣ်စီၤနဧၤမၣ်ဟးထီၣ်ကွံာ်လၢတၢ်သးကဲၤထီၣ်အပူၤဒီးစံး ဝဲဒၣ်, “ယဆိကမိၣ်လၢအစှၤကတၢၢ်အဝဲကဟဲထီၣ်ဆူယအိၣ်, ဘါထုကဖၣ်တၢ်ဆူအယွၤအဝဲအကစၢ်ယွၤအအိၣ်, ယၤထီၣ်အစုလၢတၢ်ဆါအပူၤလီၢ်အဖီခိၣ်ဒီးမၤဘျါက့ၤယၤန့ၣ် လီၤ.

စံးထီၣ်ပတြၢၤ 107:19

အန့ၣ်ဒီး အဝဲသ့ၣ်ကိးထီၣ်ယွၤလၢအတၢ်ကိၢ်တၢ်ဂီၤအပူၤ, ဒီးယွၤမၤပူၤဖျဲးအဝဲသ့ၣ်လၢ အတၢ်နးတၢ်ဖှီၣ်န့ၣ်လီၤ.

စံးထီၣ်ပတြၢၤ 50:15

လၢတၢ်ကိၢ်တၢ်ဂီၤအမုၢ်တနံၤန့ၣ်ကိးထီၣ်ယၤတက့ၢ်. ယကမၤပူၤဖျဲးနၤ ဒီးနကမၤလၤကပီၤယၤလီၤ.

လံာ်မးသဲ 8:3

ယ့ၣ်ၡူးယူာ်ဃီၤအစု, ထိးဘၣ်အီၤဒီးစံး, “ယသးအိၣ်လီၤ. ကဆှီထီၣ်က့ၤနဲတက့ၢ်.” တဘျီဃီအတၢ်ဆါအၢန့ၣ်ဘျါက့ၤဝဲလီၤ.

လံာ်မၢ်ကူး 16:18

အဝဲသ့ၣ်မ့ၢ်ဖီၣ်ထီၣ်ဂုၢ်, ဒီးမ့ၢ်အီဘၣ်တၢ်စုၣ်တၢ်ပျၢ်အထံနာ် သက့, တဘၣ်တၢ်နီတမံၤဘၣ်. အဝဲသ့ၣ်ကပာ်အစုလၢပှၤဆူးပှၤဆါတဖၣ်အလိၤ, ဒီးပှၤဆူးပှၤဆါတဖၣ်ကဘျါက့ၤဝဲလီၤ.

လံာ်မၢ်ကူး 5:24

အန့ၣ်ဒီးယ့ၣ်ၡူးလဲၤသကိးဒီးအီၤလီၤ. ပှၤလၢအပိာ်ထီၣ်ယ့ၣ်ၡူးအခံအိၣ်အါအါဂီၢ်ဂီၢ်တုၤဒၣ်လဲာ် ဘၣ်တၢ်ဆီၣ်သနံးအီၤကိးကပၤဒဲးလီၤ.

လံာ်မၢ်ကူး 6:13

အဝဲသ့ၣ်ဟီထီၣ်ကွံာ်တၢ်နါတဘျုးဒု, ဖှူပှၤဘၣ်ဆူးဘၣ်ဆါတဘျုးဂၤလၢသိဒီးမၤဘျါက့ၤအဝဲသ့ၣ် လီၤ.

လံာ်မၢ်ကူး 7:32

ပှၤတနီၤဟဲကိးပှၤနၢ်တအၢဒီးအုးအးကတာ်ပျ့ၤတဂၤဆူအအိၣ်, ဒီးအဝဲသ့ၣ်ဃ့သကွံၢ်ကညးယ့ၣ်ၡူးဒ်သိးအကပာ်ထီၣ်အစုလၢအလိၤ အဂီၢ်လီၤ.

လံာ်မၢ်ကူး 8:23

ယ့ၣ်ၡူးဟံးန့ၢ်ပှၤမဲာ်ဘျီၣ်န့ၣ်အစုဒီးမိၤထီၣ်အီၤဆူသဝီ အချၢဒီးထူးပှဲာ်ဝဲဒၣ်အမဲာ်ချံတဖၣ်ဝံၤပာ်ထီၣ်အစုလၢ အလိၤဒီးသံကွၢ်အီၤ, “နထံၣ်တၢ်တမံၤမံၤဧါ.”

လံာ်လူၤကၣ် 13:13

အဝဲဒၣ်ပာ်ထီၣ်အစုလၢအလိၤဒီးတဘျီဃီ, အဝဲဒၣ်အပျိၢ်ဘျၢထီၣ်က့ၤဒီးစံးထီၣ်ပတြၢၤကစၢ်ယွၤလီၤ.

လံာ်လူၤကၣ် 4:38

ယ့ၣ်ၡူးဟးထီၣ်ကွံာ်ဖဲဘူၣ်ဘျီၣ်လၢအမ့ၢ်တၢ်ဘါလီၢ်ဒီးလဲၤဝဲဒၣ်ဆူ စီၤၡံမိၣ်အဟံၣ်လီၤ. စီၤၡံမိၣ်အမံၤပှၢ်ပိာ်မုၣ်ဆိးက့ဝဲဒီးအလိၤကိၢ်ဒိၣ်နီၢ် မး, ဒီးအဝဲသ့ၣ်ကတိၤတၢ်ဒီးယ့ၣ်ၡူးလၢအဝဲဒၣ်အဂ့ၢ်လီၤ.

လံာ်လူၤကၣ် 4:40

ဖဲမုၢ်လီၤနုာ်ဝံၤအလီၢ်ခံန့ၣ်, ကယဲၢ်ပှၤအိၣ်ဒီးတံၤသကိးလၢအအိၣ်ဒီး တၢ်ဆူးတၢ်ဆါအကလုာ်ကလုာ်တဖၣ်ဟဲဆှၢပှၤဆါတဖၣ်န့ၣ်ဆူ ယ့ၣ်ၡူးအအိၣ်, ဒီးအဝဲဒၣ်ပာ်ထီၣ်အစုခံခီလၢ အဝဲသ့ၣ်တဂၤဘၣ်တဂၤအလိၤ, ဒီးမၤဘျါအဝဲသ့ၣ်ကိးဂၤဒဲးလီၤ.

လံာ်လူၤကၣ် 7:12

ဖဲအဝဲဒၣ်လဲၤတုၤဝ့ၢ်အကျဲစၢၤန့ၣ်, ပှၤတဖုလၢအကလဲၤခူၣ်လီၤပှၤသံဟဲဟးထီၣ်ဝဲဒၣ်လီၤ. ပှၤလၢအသံတဂၤန့ၣ်မ့ၢ်ဝဲပိာ်မုၣ်လၢအမ့ၢ်မုၣ်ကမဲတဂၤ အဖိခွါထဲတဂၤဧိၤန့ၣ်လီၤ. ဒီးပှၤဂီၢ်မုၢ်ဖးဒိၣ်လၢဝ့ၢ်အဝဲန့ၣ်အပူၤ အိၣ်ဝဲဒီးမုၣ်ကမဲတဂၤန့ၣ်လီၤ.

လံာ်ယိၤဟၣ် 11:3

ပှၤဒီပုၢ်ဝဲၢ်မုၣ်ခံဂၤအံၤဆှၢလီၤန့ၢ်ယ့ၣ်ၡူးအတၢ်ကစီၣ်လၢ အစံးဝဲ, “ကစၢ်ဧၢ, နတံၤသကိးလၢနအဲၣ်အီၤတဂၤဆိးက့ဝဲန့ၣ်လီၤ.”

မၤတၢ် 28:8

တၢ်မၤအသးလၢစီၤပီးပျံၤအပၢ်မံလၢအလီၢ်မံခိၣ်မ့ၢ်လၢ အလိၤကိၢ်ဒီးအဟၢဖၢဝံာ်အဃိလီၤ. စီၤပီလူးလဲၤနုာ်ဆူအဒၢးပူၤ, ဃ့ဘါထုကဖၣ်တၢ်, ပာ်ထီၣ်အစုလၢအလိၤဒီးမၤဘျါက့ၤအီၤလီၤ.

မၤတၢ် 6:6

အဝဲသ့ၣ်ဆှၢထီၣ်ပှၤတဖၣ်အံၤဆူပှၤတၢ်မၢဖိတဖၣ်အမဲာ်ညါ, ဒီးပှၤတၢ်မၢဖိတဖၣ်ဃ့ထုကဖၣ်ယွၤဒီးပာ်အစုလၢပှၤတဖၣ် အံၤအခိၣ်လိၤလီၤ.

မၤတၢ် 8:17

အန့ၣ်ဒီးစီၤပ့းတရူးဒီးစီၤယိၤဟၣ်ပာ်ထီၣ်အစုလၢအဝဲသ့ၣ်အခိၣ် ဖီခိၣ်, ဒီးအဝဲသ့ၣ်ဒိးန့ၢ်ဘၣ်သးစီဆှံန့ၣ်လီၤ.

မၤတၢ် 9:12

အခဲအံၤဘၣ်ဖဲအဝဲဒၣ်ဃ့ဘါထုကဖၣ်တၢ်အခါ, ဒီးထံၣ်ဘၣ်တၢ်ထံၣ်လၢညါခီ, ဖဲပှၤတဂၤလၢအမံၤမ့ၢ်စီၤအနၤနံန့ၣ်, ဟဲနုာ်ဆူအဝဲအအိၣ်ဒီးပာ်ထီၣ်အစုလၢအလိၤလၢအကထံၣ် ထီၣ်က့ၤတၢ်အဂီၢ်လီၤ.”

မၤတၢ် 9:17

အန့ၣ်သတးဒီး, စီၤအနၤနံလဲၤဝဲဒီးလဲၤနုာ်ဝဲဆူဟံၣ်လၢ စီၤစီလူးအိၣ်ဝဲလၢအပူၤန့ၣ်လီၤ. အဝဲဒၣ်ပာ်ထီၣ်အစုလၢစီၤစီလူးအလိၤဒီးစံးဘၣ်အီၤ, “ယဒီပုၢ်ဝဲၢ်စီၤစီလူးဧၢ, ကစၢ်ယ့ၣ်ၡူးလၢနထံၣ်ဘၣ်အီၤလၢ ကျဲလၢနဟဲန့ၣ်, မၢလီၤယၤလၢနကထံၣ်ထီၣ်က့ၤတၢ်ဒီး နကလၢထီၣ်ပှဲၤထီၣ်ဒီးသးစီဆှံအဂီၢ်လီၤ.”