လံာ်မၢ်ကူး 5:21 - Sgaw Karen Common Bible

²¹ ယ့ၣ်ၡူးဒိးထီၣ်ချံဒီးခီဃီၤကဒါက့ၤဆူပီၣ်လဲၣ်ဝၢ်ဘးခီ လီၤ. တုၤအတုၤလၢဘးခီဒီးအိၣ်ဒံးလၢပီၣ်လဲၣ်နံၤအဖၢမုၢ်န့ၣ် ပှၤဂီၢ်မုၢ်ဖးဒိၣ်ဟဲအိၣ်ဝးတရံးအီၤလီၤ.

လံာ်မၢ်ကူး 5:21 Iomraidhean Croise

လံာ်မးသဲ 9:1

ယ့ၣ်ၡူးလဲၤနုာ်ဝဲဆူချံပူၤဝံၤ ခီဂာ်က့ၤဝဲဆူထံဝၢ်ဘး ခီဆူအဝ့ၢ်ဒၣ်ဝဲန့ၣ်လီၤ.

လံာ်မၢ်ကူး 4:1

ယ့ၣ်ၡူးသိၣ်လီၤသီလီၤကဒီးတၢ်လၢပီၣ်လဲၣ်ကၤလံၤလါအနံၤ လီၤ. ပှၤဂီၢ်မုၢ်ဟဲပာ်ဖှိၣ်အသးဝးတရံးအီၤအါဝဲတုၤဒၣ်လဲာ်ယ့ၣ်ၡူး လဲၤနုာ်ဆူချံတဘ့ၣ်အပူၤဒီးဆ့ၣ်နီၤဝဲလီၤ. ချံန့ၣ်အိၣ်ဝဲလၢပီၣ်လဲၣ်ထံဖံးခိၣ်ဒီးပှၤဂီၢ်မုၢ်အိၣ်ဆၢ ထၢၣ်ဒိကနၣ်အီၤလၢပီၣ်လဲၣ်အနံၤန့ၣ်လီၤ.

လံာ်မၢ်ကူး 4:36

အန့ၣ်ဝံၤအဝဲသ့ၣ်ဟးထီၣ်ကွံာ်လၢပှၤဂီၢ်မုၢ်အကျါလီၤ. အပျဲၢ်အဘီၣ်တဖၣ်ဒိးထီၣ်ချံတဘ့ၣ်ဃီလၢယ့ၣ်ၡူးအိၣ်ပာ်တ့ၢ်လံ လၢအပူၤဒီးခီသကိးပီၣ်လဲၣ်ဒီးအီၤလီၤ. ချံအဂၤတဖၣ် အိၣ်စ့ၢ်ကီးဖဲန့ၣ်လီၤ.

လံာ်မၢ်ကူး 5:2

အဝဲဒၣ်စံၣ်လီၤလၢချံပူၤတယံာ်ဘၣ်ဒီး ပှၤလၢတၢ်နါဒိးအီၤတဂၤဟးထီၣ်လၢတၢ်သွၣ်ခိၣ်အပူၤဒီးဟဲ သဂၢၢ်အီၤလီၤ.

လံာ်လူၤကၣ် 8:40

ဖဲယ့ၣ်ၡူးက့ၤကဒါက့ၤဆူနိၣ်အဝၢ်ဘးခီတကပၤန့ၣ်, ပှၤဂီၢ်မုၢ်တူၢ်လိာ်ခီၣ်ဆၢအီၤ, အဂ့ၢ်မ့ၢ်လၢအဝဲသ့ၣ်အိၣ်ခိးကွၢ်လၢ်တ့ၢ်အကျဲအဃိန့ၣ်လီၤ.