လံာ်မၢ်ကူး 5:2 - Sgaw Karen Common Bible

² အဝဲဒၣ်စံၣ်လီၤလၢချံပူၤတယံာ်ဘၣ်ဒီး ပှၤလၢတၢ်နါဒိးအီၤတဂၤဟးထီၣ်လၢတၢ်သွၣ်ခိၣ်အပူၤဒီးဟဲ သဂၢၢ်အီၤလီၤ.

လံာ်မၢ်ကူး 5:2 Iomraidhean Croise

လံာ်ယၡါယၤ 65:4

လၢမုၢ်နၤခီအဆၢကတီၢ်န့ၣ်အဝဲသ့ၣ်လဲၤဆူလၢၢ်ကအိပူၤတဖၣ် ဒီးတၢ်သွၣ်ခိၣ်ပူၤတဖၣ်ဒ်သိးကဃ့တၢ်ဟ့ၣ်ကူၣ်လၢပှၤသံအကလၤ တဖၣ်အအိၣ်န့ၣ်လီၤ. အဝဲသ့ၣ်အီၣ်ထိးညၣ်, ဒီးအီကသူထံလၢအဘၣ်တၢ်ဖီအီၤလၢ တၢ်ညၣ်လၢအဘၣ်တၢ်လုၢ်ထီၣ်တ့ၢ်အီၤလၢပှၤတစူၢ်တနာ်ယွၤ အတၢ်လုၢ်တၢ်ပာ်တဖၣ်အပူၤန့ၣ်လီၤ.

လံာ်မၢ်ကူး 1:23

အကတီၢ်ဖဲန့ၣ်, ပှၤလၢတၢ်နါဒိးအီၤတဂၤဟဲနုာ်ဆူဘူၣ်ဘျီၣ်လၢ အမ့ၢ်တၢ်ဘါလီၢ်အပူၤန့ၣ်လီၤ.

လံာ်မၢ်ကူး 1:26

ဒီးတၢ်နါတရုၤဆှဲးဆှု ပှၤတဂၤန့ၣ်နးနးကလဲာ်ဝံၤ, ကိးပသူထီၣ်လၢအကလုၢ်ဖးဒိၣ်ဒီးဟးထီၣ်ကွံာ်လၢအပူၤလီၤ.

လံာ်မၢ်ကူး 3:30

(ယ့ၣ်ၡူးစံးတၢ်ဒ်သိးအံၤန့ၣ်, မ့ၢ်လၢပှၤတနီၤစံးဝဲ, “အဝဲဒၣ်တဂၤတၢ်နါဒိးအီၤ” အဃိလီၤ.)

လံာ်မၢ်ကူး 3:9

မ့ၢ်လၢပှၤဂီၢ်မုၢ်အိၣ်အါဒိၣ်မးအဃိ, ဒ်သိးအသုတဆီၣ်သနံးဘၣ်အီၤ တဂ့ၤဒီးယ့ၣ်ၡူးမၢအပျဲၢ်အဘီၣ်တဖၣ်ကတဲာ်ကတီၤပာ်စၢၤချံတဘ့ၣ်လီၤ.

လံာ်မၢ်ကူး 4:1

ယ့ၣ်ၡူးသိၣ်လီၤသီလီၤကဒီးတၢ်လၢပီၣ်လဲၣ်ကၤလံၤလါအနံၤ လီၤ. ပှၤဂီၢ်မုၢ်ဟဲပာ်ဖှိၣ်အသးဝးတရံးအီၤအါဝဲတုၤဒၣ်လဲာ်ယ့ၣ်ၡူး လဲၤနုာ်ဆူချံတဘ့ၣ်အပူၤဒီးဆ့ၣ်နီၤဝဲလီၤ. ချံန့ၣ်အိၣ်ဝဲလၢပီၣ်လဲၣ်ထံဖံးခိၣ်ဒီးပှၤဂီၢ်မုၢ်အိၣ်ဆၢ ထၢၣ်ဒိကနၣ်အီၤလၢပီၣ်လဲၣ်အနံၤန့ၣ်လီၤ.

လံာ်မၢ်ကူး 4:36

အန့ၣ်ဝံၤအဝဲသ့ၣ်ဟးထီၣ်ကွံာ်လၢပှၤဂီၢ်မုၢ်အကျါလီၤ. အပျဲၢ်အဘီၣ်တဖၣ်ဒိးထီၣ်ချံတဘ့ၣ်ဃီလၢယ့ၣ်ၡူးအိၣ်ပာ်တ့ၢ်လံ လၢအပူၤဒီးခီသကိးပီၣ်လဲၣ်ဒီးအီၤလီၤ. ချံအဂၤတဖၣ် အိၣ်စ့ၢ်ကီးဖဲန့ၣ်လီၤ.

လံာ်မၢ်ကူး 5:21

ယ့ၣ်ၡူးဒိးထီၣ်ချံဒီးခီဃီၤကဒါက့ၤဆူပီၣ်လဲၣ်ဝၢ်ဘးခီ လီၤ. တုၤအတုၤလၢဘးခီဒီးအိၣ်ဒံးလၢပီၣ်လဲၣ်နံၤအဖၢမုၢ်န့ၣ် ပှၤဂီၢ်မုၢ်ဖးဒိၣ်ဟဲအိၣ်ဝးတရံးအီၤလီၤ.

လံာ်မၢ်ကူး 5:3

ပှၤတဂၤအံၤအိၣ်ဝဲဆိးဝဲလၢပှၤသွၣ်ခိၣ်အပူၤ ဒီးပှၤစၢဃာ်အီၤလၢပျံၤထးဒၣ်လဲာ်တန့ၢ်ဘၣ်နီတဂၤဘၣ်လီၤ.

လံာ်မၢ်ကူး 5:8

(စံးတၢ်ဒ်အံၤမ့ၢ်လၢယ့ၣ်ၡူးစံးဘၣ်တ့ၢ်အီၤ, “တၢ်နါအၢတဒုဧၢ, ဟးထီၣ်ကွံာ်လၢပှၤတဂၤအံၤအပူၤတက့ၢ်” အဃိလီၤ.)

လံာ်မၢ်ကူး 7:25

ပိာ်မုၣ်လၢအဖိမုၣ်ဖိတၢ်နါဒိးအီၤတဂၤန့ၣ်, နၢ်ဟူယ့ၣ်ၡူးအဂ့ၢ်တဘျီဃီဟဲဝဲဆူအအိၣ်ဒီးထိၣ်လီၤပှီၤ အသးဖဲအခီၣ်ထံးန့ၣ်လီၤ.

လံာ်လူၤကၣ် 8:27

ဖဲယ့ၣ်ၡူးစံၣ်လီၤလၢထံကၢၢ်ခိၣ်န့ၣ်, အဝဲဒၣ်ဘၣ်တၢ်သဂၢၢ်အီၤလၢပှၤဝ့ၢ်ဖိဖဲန့ၣ်တဂၤ လၢတၢ်နါတဖၣ်အိၣ်လၢအလိၤန့ၣ်လီၤ. အဝဲဒၣ်တကူတသိးတၢ်လၢအလိၤန့ၣ်ယံာ်တ့ၢ်လံ, ဒီးတအိၣ်လၢဟံၣ်ဘၣ်. မ့မ့ၢ်အိၣ်ဒၣ်ဝဲဖဲတၢ်သွၣ်ခိၣ်အတၢ်ကအိပူၤတဖၣ်န့ၣ်လီၤ.

လံာ်လူၤကၣ် 9:42

ဖဲပိာ်ခွါဖိသၣ်ဟဲဝဲအဖၢမုၢ်န့ၣ်, တၢ်နါမၤလီၤဃံၤအီၤလၢဟီၣ်ခိၣ်လိၤဒီးဒုးပျုၢ်ထိးအီၤလီၤ. ယ့ၣ်ၡူးဒူတၢ်နါအလိၤ, မၤဘျါက့ၤပိာ်ခွါဖိသၣ်, ဒီးဟ့ၣ်က့ၤအီၤဆူအပၢ်အအိၣ်လီၤ.