လံာ်မၢ်ကူး 5:18 - Sgaw Karen Common Bible

¹⁸ ဖဲယ့ၣ်ၡူးလဲၤနုာ်လီၤဆူချံပူၤအကတီၢ်ပှၤလၢတၢ်နါဒိးတ့ၢ်အီၤတဂၤ န့ၣ်ဃ့ကညးအီၤဒီးစံးဝဲ, “ပျဲယလဲၤတၢ်ဒီးနၤတက့ၢ်.”

လံာ်မၢ်ကူး 5:18 Iomraidhean Croise

စံးထီၣ်ပတြၢၤ 116:12

ယကဟ့ၣ်ကၣ်ယွၤလၢအမၤဂ့ၤယၤတဂၤလၢ တၢ်ခဲလၢာ်အဃိန့ၣ်လၢမနုၤတမံၤလဲၣ်.

လံာ်မးသဲ 4:24

ယ့ၣ်ၡူးအကစီၣ်ဟူထီၣ်သါလီၤလၢကီၢ်ဒီဘ့ၣ်ညါပၢၢ်တုၤလၢကီၢ် စူၤရံဒီးပှၤဟဲကိးန့ၢ်အီၤလၢပှၤဆူးပှၤဆါလၢအတူၢ်ဘၣ်တၢ်ဆူး တၢ်ဆါအကလုာ်ကလုာ်လၢအတူၢ်ဘၣ်တၢ်နးနးကျံၤကျံၤတဖၣ်, ဒ်ပှၤလၢတၢ်နါဒိးအီၤ, ပှၤလၢအပျုၢ်ထိးတဖၣ်ဒီးပှၤသံတခီပၤတဖၣ်, ဒီးယ့ၣ်ၡူးမၤဘျါက့ၤအဝဲသ့ၣ်ခဲလၢာ်လီၤ.

လံာ်မၢ်ကူး 5:15

တုၤအဝဲသ့ၣ်ဟဲတုၤဖဲယ့ၣ်ၡူးအိၣ်တၢ်အလီၢ်န့ၣ်, အဝဲသ့ၣ်ထံၣ်ဘၣ်ပှၤလၢတၢ်နါလ့းကူၣ်ဒိးတ့ၢ်အီၤ တဂၤဆ့ၣ်နီၤဖဲန့ၣ်အိၣ်ဒီးတၢ်ကူတၢ်သိးဒီးအသးဘၣ်လီၢ် ဘၣ်စးဂ့ၤဂ့ၤဘၣ်ဘၣ်သတးဒီး, အဝဲသ့ၣ်ပျံၤတၢ်ဖုးတၢ်လီၤ.

လံာ်မၢ်ကူး 5:16

ပှၤလၢအထံၣ်ဘၣ်တၢ်မၤအသးနီၢ်နီၢ်တဖၣ်စံးဘၣ်တဲဘၣ်ပှၤလၢ အဟဲကွၢ်တၢ်တဖၣ်ဘၣ်ဃးတၢ်မၤအသးဒီးပှၤလၢတၢ်နါဒိးအီၤတဂၤ, ဒီးထိးတဖၣ်အဂ့ၢ်အကျိၤလီၤ.

လံာ်မၢ်ကူး 5:17

သတးဒီးအဝဲသ့ၣ်တဖၣ်ဃ့ကညးယ့ၣ်ၡူးလၢအကဟးထီၣ်ကွံာ်လၢ အဝဲသ့ၣ်အိၣ်တၢ်အလီၢ်ကဝီၤန့ၣ်လီၤ.

လံာ်မၢ်ကူး 5:7

ဒီးကိးပသူထီၣ်လၢအကလုၢ်ဖးဒိၣ်ဒီးစံးဝဲ, “ယွၤလၢအဒိၣ်ကတၢၢ်ထီကတၢၢ်တဂၤအဖိခွါယ့ၣ်ၡူးဧၢ, မ့ၢ်နဘၣ်ဃးဒီးယၤဒ်လဲၣ်. ယဃ့ကညးနၤလၢယွၤအမဲာ်ညါမၤအၢမၤနးယၤတဂ့ၤ.”