လံာ်မၢ်ကူး 5:17 - Sgaw Karen Common Bible

¹⁷ သတးဒီးအဝဲသ့ၣ်တဖၣ်ဃ့ကညးယ့ၣ်ၡူးလၢအကဟးထီၣ်ကွံာ်လၢ အဝဲသ့ၣ်အိၣ်တၢ်အလီၢ်ကဝီၤန့ၣ်လီၤ.

လံာ်မၢ်ကူး 5:17 Iomraidhean Croise

လံာ်တၢ်ကဲထီၣ်အခီၣ်ထံး 26:16

တုၤနုၤတစု, စီၤအဘံၤမ့လ့းစံးဘၣ်စီၤအံၤစဲး, “ဟးထီၣ်လၢပထံပကီၢ်အပူၤအံၤတက့ၢ်. အဂ့ၢ်ဒ်အံၤ, နကဲထီၣ်လံပှၤလၢအစိကမီၤဒိၣ်န့ၢ်အါန့ၢ်ပှၤတက့ၢ်လီၤ.”

လံာ်စီၤပၤအခီၣ်ထံးတဘ့ၣ် 17:18

အဝဲစံးဘၣ်စီၤအ့ၤလံယၤ, “ကစၢ်ယွၤအပှၤကညီတဂၤဧၢ, နမၤဘၣ်ယၤတၢ်အံၤဘၣ်မနုၤအဃိလဲၣ်. မ့ၢ်နဟဲဖဲအံၤဒ်သိး နကဒုးသ့ၣ်နီၣ်ကစၢ်ယွၤလၢယတၢ်ဒဲးဘးတဖၣ်ဒီးလၢတၢ်န့ၣ်အဃိ ကဒုးအိၣ်ထီၣ်ယဖိခွါအတၢ်သံန့ၣ်ဧါ.”

လံာ်မးသဲ 8:34

ပှၤဝ့ၢ်ဖိဒီဝ့ၢ်ညါဟဲထီၣ်လၢအဝ့ၢ်ပူၤဒီးသဂၢၢ်ယ့ၣ်ၡူးလီၤ. တုၤအဝဲသ့ၣ်ထံၣ်အီၤဒီး, ဃ့ကညးအီၤဒ်သိးအကဟးထီၣ်ကွံာ်လၢအဝဲသ့ၣ်အကီၢ်ပူၤန့ၣ်လီၤ.

လံာ်မၢ်ကူး 1:24

အဝဲဒၣ်ကိးပသူထီၣ်ဒီးစံး, “ပှၤနစၤရ့းဖိယ့ၣ်ၡူးဧၢ, နတၢ်ဘၣ်ဃးဒီးပှၤအိၣ်မနုၤလဲၣ်. နဟဲလၢနကမၤဟးဂီၤကွံာ် ပှၤအဂီၢ်ဧါ. နမ့ၢ်မတၤတဂၤလဲၣ်န့ၣ်ယသ့ၣ်ညါနမ့ၢ်ပှၤစီဆှံ လၢကစၢ်ယွၤမၢလီၤအီၤတဂၤန့ၣ်လီၤ.”

လံာ်မၢ်ကူး 5:7

ဒီးကိးပသူထီၣ်လၢအကလုၢ်ဖးဒိၣ်ဒီးစံးဝဲ, “ယွၤလၢအဒိၣ်ကတၢၢ်ထီကတၢၢ်တဂၤအဖိခွါယ့ၣ်ၡူးဧၢ, မ့ၢ်နဘၣ်ဃးဒီးယၤဒ်လဲၣ်. ယဃ့ကညးနၤလၢယွၤအမဲာ်ညါမၤအၢမၤနးယၤတဂ့ၤ.”

လံာ်လူၤကၣ် 5:8

ဖဲစီၤၡံမိၣ်ပ့းတရူးထံၣ်တၢ်လၢအမၤအသးတမံၤအံၤန့ၣ်, အဝဲဒၣ်ချံးခီၣ်တီၤလီၤလၢယ့ၣ်ၡူးအမဲာ်ညါဒီးစံးဝဲ, “ဟးထီၣ်ကွံာ်လၢယအိၣ်တက့ၢ်, ကစၢ်ဧၢ, ယမ့ၢ်ပှၤတၢ်ဒဲးဘးဖိတဂၤလီၤ.”

လံာ်လူၤကၣ် 8:37

တုၤနုၤတစုပှၤဂီၢ်မုၢ်လၢအအိၣ်ဖဲကီၢ်ကဒါရၤအခိၣ်အဃၢၤ တဖၣ်ခဲလၢာ်မၢယ့ၣ်ၡူးဟးထီၣ်ကွံာ်, အဂ့ၢ်မ့ၢ်လၢအဝဲသ့ၣ်ပျံၤတၢ်ဖုးတၢ်နးနးကလဲာ်အဃိလီၤ. သတးဒီးယ့ၣ်ၡူးနုာ်လီၤဆူချံပူၤဒီးဟးထီၣ်ကွံာ်ဝဲဒၣ်လီၤ.

မၤတၢ် 16:39

လၢတၢ်န့ၣ်အဃိ, အဝဲသ့ၣ်လဲၤဒီးဃ့ကညးစီၤပီလူးဒီး စီၤစံလၤလီၤ. အန့ၣ်ဝံၤအလီၢ်ခံ, အဝဲသ့ၣ်ဆှၢထီၣ်အီၤဆူ ဃိာ်အချၢဒီး မၢအဝဲသ့ၣ်ဟးထီၣ်ကွံာ်လၢဝ့ၢ်ပူၤလီၤ.

လံာ်သိၣ်လီၤသီလီၤတၢ် 5:25

ဘၣ်ဆၣ်ဒီး, ဘၣ်မနုၤလၢပကဘၣ်မၤကဒီးတၢ်သံခ့သံပှၤအတၢ်မၤန့ၣ်လဲၣ်. မ့ၣ်အူလီၤပျံၤလီၤဖုးန့ၣ်ကမၤဟးဂီၤကွံာ်ပှၤလီၤ. ပမ့ၢ်နၢ်ဟူဘၣ်ကစၢ်ယွၤကတိၤကဒီးတၢ်န့ၣ်, ပကသံသပှၢ်ကတၢၢ်န့ၣ်လီၤ.