လံာ်မၢ်ကူး 5:15 - Sgaw Karen Common Bible

¹⁵ တုၤအဝဲသ့ၣ်ဟဲတုၤဖဲယ့ၣ်ၡူးအိၣ်တၢ်အလီၢ်န့ၣ်, အဝဲသ့ၣ်ထံၣ်ဘၣ်ပှၤလၢတၢ်နါလ့းကူၣ်ဒိးတ့ၢ်အီၤ တဂၤဆ့ၣ်နီၤဖဲန့ၣ်အိၣ်ဒီးတၢ်ကူတၢ်သိးဒီးအသးဘၣ်လီၢ် ဘၣ်စးဂ့ၤဂ့ၤဘၣ်ဘၣ်သတးဒီး, အဝဲသ့ၣ်ပျံၤတၢ်ဖုးတၢ်လီၤ.

လံာ်မၢ်ကူး 5:15 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 13:12

အန့ၣ်တစု, စီၤဒၤဝံးပျံၤဘၣ်ကစၢ်ယွၤဒီးစံးဝဲ, “ခဲကနံၣ်အံၤယက့ၤစိာ်တၢ်အၢၣ်လီၤအီလီၤအတလါဒီးယၤကသ့ဒ် လဲၣ်.”

လံာ်ကွဲးနီၣ်တၢ်အခီၣ်ထံးတဘ့ၣ် 15:13

အဂ့ၢ်ဒ်အံၤ, လၢအခီၣ်ထံးကတၢၢ်တဘျီန့ၣ်, သုတအိၣ်ဘၣ်ဖဲန့ၣ်လၢ သုကစိာ်အီၤအဃိ, ယွၤ, ပကစၢ်ယွၤစံၣ်ညီၣ်တ့ၢ်ပှၤ, လၢပတဘူၣ်ထီၣ်ဘါထီၣ်ဘၣ်အီၤဒ်ပကြၢးမၤတ့ၢ်အီၤအသိးဘၣ်အဃိ န့ၣ်လီၤ.”

လံာ်စီၤယိၤဘး 13:11

ဒီးအတၢ်စိတၢ်ကမီၤကမၤပှဲၤသုလၢတၢ်ပျံၤတၢ်ဖုးန့ၣ်လီၤ.

စံးထီၣ်ပတြၢၤ 14:5

ဘၣ်ဆၣ်အဝဲသ့ၣ်ကအိၣ်လၢတၢ်ပျံၤတၢ်ဖုးဖးဒိၣ်အပူၤ, အဂ့ၢ်မ့ၢ်လၢကစၢ်ယွၤအိၣ်ဒီး ပှၤတီပှၤလိၤသ့ၣ်တဖၣ်အဃိန့ၣ်လီၤ.

လံာ်မးသဲ 12:29

မ့တမ့ၢ်ဘၣ်လၢဟံၣ်ကစၢ်လၢအမ့ၢ်ပှၤအဂံၢ်ဆူၣ်ဘါဆူၣ်တဂၤ ဘၣ်တၢ်စၢဃာ်ဆိအီၤဘၣ်ဒီး, ပှၤလဲၤနုာ်ဆူအဟံၣ်ပူၤဒီးဂုာ် န့ၢ်အတၢ်ဖိတၢ်လံၤတသ့ဘၣ်နီတဂၤဘၣ်. ပှၤဂုာ်န့ၢ်အတၢ်ဖိတၢ်လံၤကသ့ဒၣ်ဖဲလၢပှၤ စၢဃာ်အီၤဝံၤအလီၢ်ခံန့ၣ်လီၤ.

လံာ်မးသဲ 26:53

မ့ၢ်နတသ့ၣ်ညါလၢယကိးထီၣ်တၢ်မၤစၢၤလၢယပၢ်အအိၣ်သ့ဝဲ, ဒီးတဘျီဃီ ကဆှၢလီၤန့ၢ်ယၤကလူးအသုးမုၢ်အါန့ၢ်ဒံးတဆံခံဖုန့ၣ်ဘၣ်ဧါ.

လံာ်မးသဲ 4:24

ယ့ၣ်ၡူးအကစီၣ်ဟူထီၣ်သါလီၤလၢကီၢ်ဒီဘ့ၣ်ညါပၢၢ်တုၤလၢကီၢ် စူၤရံဒီးပှၤဟဲကိးန့ၢ်အီၤလၢပှၤဆူးပှၤဆါလၢအတူၢ်ဘၣ်တၢ်ဆူး တၢ်ဆါအကလုာ်ကလုာ်လၢအတူၢ်ဘၣ်တၢ်နးနးကျံၤကျံၤတဖၣ်, ဒ်ပှၤလၢတၢ်နါဒိးအီၤ, ပှၤလၢအပျုၢ်ထိးတဖၣ်ဒီးပှၤသံတခီပၤတဖၣ်, ဒီးယ့ၣ်ၡူးမၤဘျါက့ၤအဝဲသ့ၣ်ခဲလၢာ်လီၤ.

လံာ်မးသဲ 9:33

တုၤယ့ၣ်ၡူးဟီထီၣ်ကွံာ်တၢ်နါဝံၤတကတီၢ်ဃီဖဲန့ၣ်, ပှၤအုးအးန့ၣ်ကတိၤထီၣ်က့ၤတၢ်ဒီးပှၤကမၢကမၣ်ကိးဂၤဒဲးဒီးစံးဝဲ, “ပတထံၣ်တၢ်မၤအသးဒ်အံၤအသိးလၢကီၢ်အံၣ်စရ့လး အပူၤနီတစုနီတခီၣ်ဒံးဘၣ်.”

လံာ်မၢ်ကူး 5:14

ပှၤကွၢ်ထိးတဖၣ်ဃ့ၢ်ထီၣ်လၢတၢ်လီၢ်ဖဲန့ၣ်ဒီးစံးဘၣ်တဲဘၣ် တၢ်မၤအသးအဂ့ၢ်အကျိၤအံၤဆူပှၤအိၣ်လၢဝ့ၢ်ပူၤဒီးပှၤအိၣ်လၢ ခိတဖၣ်လီၤ. အန့ၣ်ဒီးပှၤဟဲဝဲဒ်သိးကထံၣ်ဘၣ်တၢ်မၤအသး နီၢ်နီၢ်မ့ၢ်တၢ်မနုၤလဲၣ်န့ၣ်လီၤ.

လံာ်မၢ်ကူး 5:16

ပှၤလၢအထံၣ်ဘၣ်တၢ်မၤအသးနီၢ်နီၢ်တဖၣ်စံးဘၣ်တဲဘၣ်ပှၤလၢ အဟဲကွၢ်တၢ်တဖၣ်ဘၣ်ဃးတၢ်မၤအသးဒီးပှၤလၢတၢ်နါဒိးအီၤတဂၤ, ဒီးထိးတဖၣ်အဂ့ၢ်အကျိၤလီၤ.

လံာ်မၢ်ကူး 5:18

ဖဲယ့ၣ်ၡူးလဲၤနုာ်လီၤဆူချံပူၤအကတီၢ်ပှၤလၢတၢ်နါဒိးတ့ၢ်အီၤတဂၤ န့ၣ်ဃ့ကညးအီၤဒီးစံးဝဲ, “ပျဲယလဲၤတၢ်ဒီးနၤတက့ၢ်.”

လံာ်မၢ်ကူး 5:4

အဂ့ၢ်ဒ်လဲၣ်န့ၣ်အဝဲဒၣ်အစုဘၣ်တၢ်စၢဃာ်အီၤဒီးအခီၣ်ဘၣ် တၢ်ကျီၤဃာ်အီၤလၢပျံၤထးတဘျုးဘျီဘၣ်ဆၣ်ဒီးအဝဲဒၣ်ထဲး တဲာ်ဒီးဘိးကၢ်ကွံာ်ဝဲဒၣ်ကိးဘျီဒဲးလီၤ. အဝဲဒၣ်အဂံၢ်အဘါဆူၣ်တုၤဒၣ်လဲာ်ပှၤမၤဘှါအီၤတန့ၢ်နီ တဂၤဘၣ်.

လံာ်မၢ်ကူး 5:9

အန့ၣ်ဒီးယ့ၣ်ၡူးသံကွၢ်အီၤ, “နမံၤဒ်လဲၣ်.” အဝဲစံးဆၢက့ၤဝဲ, “ယမံၤမ့ၢ်လ့းကူၣ်လီၤ. အဂ့ၢ်မ့ၢ်လၢပအိၣ်အါဒုအဃိလီၤ.”

လံာ်လူၤကၣ် 10:39

အဝဲဒၣ်အိၣ်ဒီးအဒီပုၢ်ဝဲၢ်မုၣ်တဂၤလၢအမံၤမ့ၢ်နီၢ်မၤရံ, လၢအဆ့ၣ်နီၤဖဲကစၢ်အခီၣ်ထံးဒီးဒိကနၣ်အဝဲအတၢ်သိၣ် လီၤသီလီၤတၢ်န့ၣ်လီၤ.

လံာ်လူၤကၣ် 8:27

ဖဲယ့ၣ်ၡူးစံၣ်လီၤလၢထံကၢၢ်ခိၣ်န့ၣ်, အဝဲဒၣ်ဘၣ်တၢ်သဂၢၢ်အီၤလၢပှၤဝ့ၢ်ဖိဖဲန့ၣ်တဂၤ လၢတၢ်နါတဖၣ်အိၣ်လၢအလိၤန့ၣ်လီၤ. အဝဲဒၣ်တကူတသိးတၢ်လၢအလိၤန့ၣ်ယံာ်တ့ၢ်လံ, ဒီးတအိၣ်လၢဟံၣ်ဘၣ်. မ့မ့ၢ်အိၣ်ဒၣ်ဝဲဖဲတၢ်သွၣ်ခိၣ်အတၢ်ကအိပူၤတဖၣ်န့ၣ်လီၤ.

ကလီးစဲ 1:13

အဝဲထုးထီၣ်ကွံာ်ပှၤလၢတၢ်ခံးတၢ်နၤအတၢ်ပၢအဖီလာ် ဒီးစိာ်ခီပှၤဆူအဖိခွါလၢတၢ်အဲၣ်အီၤတဂၤအဘီအမုၢ် အပူၤန့ၣ်လီၤ.

၂ တံၤမသ့း 1:7

အဂ့ၢ်ဒ်လဲၣ်န့ၣ်, သးလၢကစၢ်ယွၤဟ့ၣ်လီၤတ့ၢ်ပှၤန့ၣ်တဒုး ကဲထီၣ်ပှၤလၢ, ပှၤလၢအပျံၤတၢ်ဘၣ်. မ့မ့ၢ်ယွၤအသးမၤပှဲၤ ပသးဒီးတၢ်စိတၢ်ကမီၤ, တၢ်အဲၣ်တၢ်ကွံ, ဒီးတၢ်ပၢၤသူၣ်ပၢၤသးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 16:4

စီၤၡမူၤအ့လးမၤတ့ၢ်ဝဲဒ်ယွၤစံးဘၣ်အီၤအသိး, ဒီးလဲၤဝဲဆူဝ့ၢ်ဘ့ၤသလ့ဃ့ၣ်ဖဲ, ဝ့ၢ်အခိၣ်အနၢ်တဖၣ်ထံၣ်ဘၣ်အီၤဒီးကနိး ကစုာ်ဝဲ, ဒီးသံကွၢ်အီၤ, “ပှၤထံၣ်တၢ်ဧၢ, အအံၤမ့ၢ်ဝဲတၢ်ဟဲအိၣ်သကိး လၢတၢ်ဃူတၢ်မုာ်ဧါ.”