လံာ်မၢ်ကူး 5:13 - Sgaw Karen Common Bible

¹³ ယ့ၣ်ၡူးပျဲအဝဲသ့ၣ်မၤဒ်အဃ့ဝဲအသိးလီၤ. ဖဲန့ၣ်တၢ်နါအၢတဖၣ်ဟးထီၣ်ကွံာ်လၢပှၤတဂၤန့ၣ် အလိၤဒီးလဲၤနုာ်ဝဲဆူထိးတဖၣ်အပူၤလီၤ. ထိးဒီတဖုညါလၢအနီၣ်ဂံၢ်အိၣ်ခံကထိဃၣ်ဃၣ်န့ၣ်, ဃ့ၢ်သဖှိလီၤလၢလ့ကဘျၣ်ကပၤလၢအလီၤဘံဆှိခိၣ်, ဆူပီၣ်လဲၣ်ပူၤဒီးလီၤအုးသံဝဲခဲလၢာ်လီၤ.

လံာ်မၢ်ကူး 5:13 Iomraidhean Croise

လံာ်စီၤပၤအခီၣ်ထံးတဘ့ၣ် 22:22

ယွၤသံကွၢ်ဝဲ, နကလီန့ၢ်အီၤဒ်လဲၣ်, သးန့ၣ်စံးဆၢဝဲ, ယကလဲၤဒီးမၤဒ်သိးကယဲၢ်စီၤအၤဃာ်အဝံခဲလၢာ်လၢကလီတၢ်ဝ့ၤ တၢ်န့ၣ်လီၤ. ယွၤစံးဝဲဒၣ်, လဲၤဒီးလီန့ၢ်အီၤတက့ၢ်. နကမၤနၢၤတၢ်လီၤ.”

လံာ်စီၤယိၤဘး 1:12

ဒီးယွၤစံးဘၣ်မုၣ်ကီၤလံၢ်, “ဂ့ၤလံ, ကယဲၢ်တၢ်လၢအအိၣ် ဒီးအီၤခဲလၢာ်န့ၣ်အိၣ်လၢနစိနကမီၤအပူၤလီၤ. ဘၣ်ဆၣ်တဘၣ် မၤဆါစီၤယိၤဘးအနီၢ်ကစၢ်န့ၣ်ဘၣ်.” အန့ၣ်ဒီးမုၣ်ကီၤလံၢ်ဟးထီၣ်ဝဲလၢယွၤအမဲာ်ညါန့ၣ်လီၤ.

လံာ်စီၤယိၤဘး 2:6

ဒီးယွၤစံးဘၣ်မုၣ်ကီၤလံၢ်, “ဂ့ၤလံအဝဲဒၣ်အိၣ်လၢနစိက မီၤအဖီလာ်လီၤ. ဘၣ်ဆၣ်ဒီးနတဘၣ်မၤသံအီၤဘၣ်.”

လံာ်မးသဲ 7:6

တဘၣ်ဟ့ၣ်လီၤတၢ်စီဆှံလၢထွံၣ်တဖၣ်တဂ့ၤ. အဝဲသ့ၣ်ကဃၣ်တရံးအသးဒီးအ့ၣ်နၤလီၤ. တဘၣ်ကွံာ်လီၤသုတၢ်မျၢ်ပလဲတဖၣ်လၢထိးတဖၣ်အမဲာ်ညါတဂ့ၤ. အဝဲသ့ၣ်ကယီၢ်တံၢ်ဒၣ်အီၤလၢအခီၣ်လီၤ.

လံာ်မးသဲ 8:32

ယ့ၣ်ၡူးစံးဘၣ်အဝဲသ့ၣ်, “လဲၤတက့ၢ်.” ဒီးအဝဲသ့ၣ်ဟးထီၣ်ကွံာ်လၢအလိၤဒီးလဲၤဝဲဆူထိးတဖၣ်န့ၣ်အပူၤလီၤ. ထိးဒီဖုဃ့ၢ်သဖှိဆူကၢၢ်ပၤနံၤလၢအလီၤဘံယိာ်မးဆူပီၣ်လဲၣ် အပူၤဒီးလီၤအုးသံဝဲခဲလၢာ်လီၤ.

လံာ်မၢ်ကူး 5:12

အန့ၣ်ဒီးတၢ်နါတဖၣ်ဃ့ကညးယ့ၣ်ၡူးဒီးစံးဝဲ, “ပျဲပလဲၤဆူထိးတဖၣ်အအိၣ်ဒ်သိးပကနုာ်ဆူအပူၤတက့ၢ်.”

လံာ်မၢ်ကူး 5:14

ပှၤကွၢ်ထိးတဖၣ်ဃ့ၢ်ထီၣ်လၢတၢ်လီၢ်ဖဲန့ၣ်ဒီးစံးဘၣ်တဲဘၣ် တၢ်မၤအသးအဂ့ၢ်အကျိၤအံၤဆူပှၤအိၣ်လၢဝ့ၢ်ပူၤဒီးပှၤအိၣ်လၢ ခိတဖၣ်လီၤ. အန့ၣ်ဒီးပှၤဟဲဝဲဒ်သိးကထံၣ်ဘၣ်တၢ်မၤအသး နီၢ်နီၢ်မ့ၢ်တၢ်မနုၤလဲၣ်န့ၣ်လီၤ.

လံာ်ယိၤဟၣ် 8:44

သုမ့ၢ်သုပၢ်မုၣ်ကီၤလံၢ်အဖိတဖၣ်ဒီးသုသးအိၣ်မၤအတၢ်ဘၣ် အသးန့ၣ်လီၤ. လၢအခီၣ်ထံးလံၤလံၤန့ၣ်, အဝဲမ့ၢ်ပှၤမၤသံပှၤကညီဒီးတဆၢထၢၣ်လၢ တၢ်မ့ၢ်တၢ်တီအဂီၢ်နီတဘျီဘၣ်, အဂ့ၢ်မ့ၢ်လၢ တၢ်မ့ၢ်တၢ်တီတအိၣ်ဘၣ်လၢအပူၤအဃိလီၤ. တုၤအဝဲကတိၤတၢ်ကဘျံးကဘျၣ်ဒီးမ့ၢ်ဒၣ်အဝဲမၤတၢ်လၢ အဝဲမၤညီနုၢ်ဝဲန့ၣ်လီၤ. အဂ့ၢ်မ့ၢ်လၢအဝဲမ့ၢ်ပှၤကတိၤကဘျံး ကဘျၣ်တၢ်တဂၤဒီးမ့ၢ်တၢ်ကဘျံးကဘျၣ်ခဲလၢာ်အပၢ်အဃိလီၤ.

၁ ပ့းတရူး 3:22

ယ့ၣ်ၡူးလၢအက့ၤထီၣ်ဆူမူခိၣ်ဒီးအိၣ်ဝဲလၢကစၢ်ယွၤ အစုထွဲတခီဒီးပၢဘၣ်ကလူးခဲလၢာ်ဒီးမူခိၣ်တၢ်အကဟုကညီၢ်ဒီးတၢ်အစိအကမီၤတဖၣ်ခဲလၢာ်တဂၤန့ၣ်လီၤ.

လံာ်လီၣ်ဖျါ 20:7

ဖဲအနံၣ်တကထိပှဲၤထီၣ်ဝံၤအလီၢ်ခံန့ၣ်, မုၣ်ကီၤလံၢ်ကဘၣ်တၢ်ပျၢ်လီၤကွံာ်အီၤလၢအဃိာ် ပူၤ

လံာ်လီၣ်ဖျါ 9:11

အဝဲသ့ၣ်အိၣ်ဒီးအစီၤပၤလၢအပၢအီၤတဂၤ, လၢအမ့ၢ်ကလူးလၢအပၢဘၣ်တၢ်ပူၤယိာ်တဂၤန့ၣ်လီၤ. အဝဲဒၣ်အမံၤလၢဧ့ၤဘြံၤ အကျိာ်န့ၣ်မ့ၢ်ဝဲအဘးဒိၣ်, လၢကြံးခ်အကျိာ်တခီအမံၤမ့ၢ်ဝဲအပီးလူၣ် (အခီပညီ မ့ၢ်ဝဲပှၤမၤဟးဂီၤတၢ်ဖိ) လီၤ.