လံာ်မၢ်ကူး 4:8 - Sgaw Karen Common Bible

⁸ မ့မ့ၢ်တၢ်ချံတနီၤလီၤဘၣ်ဝဲလၢဟီၣ်ခိၣ်လၢအဂ့ၤဝဲအလီၢ်သတး ဒီး, တၢ်အမုၢ်အဆံးဖိတဖၣ်ဟဲမဲထီၣ်ဒီးဒိၣ်ထီၣ်ဂ့ၤဂ့ၤကလဲာ် ဒီးသၣ်ထီၣ်ဂ့ၤမးလီၤ. အထံးတနီၤအသၣ်အိၣ်လၢအလိၤ အဖျၢၣ်သၢဆံ, အဂၤတနီၤအဖျၢၣ်ဃုဆံ, ဒီးအဂၤတဖၣ်အဖျၢၣ်လၢအကယၤန့ၣ်လီၤ.”

လံာ်မၢ်ကူး 4:8 Iomraidhean Croise

လံာ်တၢ်ကဲထီၣ်အခီၣ်ထံး 26:12

ဒီးစီၤအံၤစဲးဖှံတၢ်မုၢ်တၢ်ဘိအချံအသၣ်လၢကီၢ်အံၤအပူၤ ဒီးလၢနံၣ်အဝဲန့ၣ်ကူးဘၣ်က့ၤဝဲတၢ်အါန့ၢ်ဒံးတၢ်လၢအဖှံ လီၤဝဲအါအါဂီၢ်ဂီၢ်အဖီခိၣ်အစးတကယၤလီၤ. အဂ့ၢ်ဒ်အံၤ, ယွၤဆိၣ်ဂ့ၤအီၤန့ၣ်လီၤ.

လံာ်ယၡါယၤ 58:1

ယွၤစံးဝဲဒၣ်, “ကိးထီၣ်နဲဒိၣ်ဒိၣ်တသ့ဖဲအသ့တက့ၢ်. တဲဘၣ်ယပှၤဂီၢ်မုၢ်အံၣ်စရ့လးဘၣ်ဃးအတၢ်ဒဲးဘးတ ဖၣ်အဂ့ၢ်တက့ၢ်.

လံာ်ယံးရမံယၤ 23:29

ယတၢ်ကစီၣ်အံၤလီၤဂာ်ဒီးမ့ၣ်အူဒီးလီၤဂာ်ဒီးခံၣ်ခူၣ်လၢ အမၤသ့ၣ်ဖးမၤလီၤကလဲလၢၢ်ဧိၤလ့ဧိၤန့ၣ်လီၤ.

လံာ်မးသဲ 13:23

တၢ်ချံလၢအဘၣ်တၢ်ဖှံလီၤအီၤလၢဟီၣ်ခိၣ်လၢအဂ့ၤတဖၣ်, မ့ၢ်ပှၤလၢအနၢ်ဟူတၢ်ကစီၣ်ဒီးနၢ်ပၢၢ်ဝဲလီၤ. အဝဲသ့ၣ်သၣ်ထီၣ်ဝဲ, တနီၤအါန့ၢ်အလီၢ်အစးတကယၤ, တနီၤဃုဆံဒီးတနီၤသၢဆံလီၤ.”

လံာ်မးသဲ 13:8

ဘၣ်ဆၣ်ဒီးတၢ်ချံတနီၤလီၤဘၣ်လၢဟီၣ်ခိၣ်လၢအဂ့ၤဒီးတၢ် အမုၢ်တဖၣ်ဒိၣ်ထီၣ်ဒီးသၣ်ထီၣ်ဝဲလီၤ. တၢ်အမုၢ်တနီၤသၣ်ထီၣ်တကယၤ, တနီၤဃုဆံဒီးတနီၤသၢဆံလီၤ.”

လံာ်မၢ်ကူး 4:20

မ့မ့ၢ်ပှၤအဂၤတဖၣ်လီၤဂာ်ဒီးတၢ်ချံလၢအလီၤဘၣ်ဖဲဟီၣ်ခိၣ် လၢအဂ့ၤဝဲအလီၢ်လီၤ. တုၤအဝဲသ့ၣ်နၢ်ဟူယွၤအကလုၢ်ကထါ ဒီး တူၢ်လိာ်ဝဲဝံၤသူထီၣ်သၣ်ထီၣ်ဝဲလီၤ. အထံးတနီၤသၣ်ထီၣ်ဝဲ အဖျၢၣ်သၢဆံ, တနီၤအဖျၢၣ်ဃုဆံဒီးတနီၤအဖျၢၣ်တကယၤလီၤ.

လံာ်မၢ်ကူး 4:7

တၢ်ချံတနီၤလီၤဘၣ်လၢတၤဆှုၣ်တၤမဲတဖၣ်အကျါလီၤ. တုၤတၤဆှုၣ်တၤမဲ အထံးဖိတဖၣ်ဒိၣ်ထီၣ်ဒီးခဲဘၢကွံာ်တၢ် အမုၢ်အဆံးဖိတဖၣ်န့ၣ်, ဒီးအဝဲသ့ၣ်ဒၢထီၣ်သၣ်ထီၣ်တန့ၢ်လၢၤဘၣ်န့ၣ်လီၤ.

လံာ်မၢ်ကူး 4:9

လၢခံကတၢၢ်ယ့ၣ်ၡူးစံးဝဲဒၣ်, “ပှၤလၢအအိၣ်ဒီးအနၢ်လၢ အနၢ်ဟူတၢ်သ့န့ၣ်, မ်အဒိကနၣ်တၢ်တက့ၢ်.”

လံာ်လူၤကၣ် 8:15

တၢ်ချံလၢအလီၤဘၣ်လၢဟီၣ်ခိၣ်ညၣ်ထ့ၣ်အဂ့ၤပာ်ဖျါထီၣ်ပှၤ တဖၣ်လၢအနၢ်ဟူဘၣ်တၢ်အကလုၢ်ကထါဒီးဟံးဃာ်ဂၢၢ်ကျၢၤ ဝဲလၢသးလၢအဂ့ၤဒီးစူၢ်ယွၤအကလုၢ်အပူၤဒီးမၤဝဲဒ်န့ၣ်သပှၢ် ပှၢ်တုၤအဝဲသ့ၣ်သၣ်ထီၣ်တၤသၣ်တစုလီၤ.

လံာ်လူၤကၣ် 8:8

ဒီးတၢ်ချံတနီၤနီၤလီၤဘၣ်လၢဟီၣ်ခိၣ်ညၣ်ထ့ၣ်ဂ့ၤအလီၢ်လီၤ. တၢ်မုၢ်တၢ်ဘိတဖၣ်ဒိၣ်ထီၣ်ဒီးသၣ်ထီၣ်တၤသၣ်တကယၤစုာ်စုာ် လီၤ.” ဒီးယ့ၣ်ၡူးမၤကတၢၢ်အတၢ်ကတိၤဒီးစံးဝဲ, “လၢတၢ်န့ၣ်အဃိ, ပှၤအိၣ်ဒီးအနၢ်လၢအနၢ်ဟူတၢ်သ့န့ၣ်မ်အဒိကနၣ်တၢ်တက့ၢ်.”

လံာ်ယိၤဟၣ် 15:5

ယဲဒၣ်အံၤယမ့ၢ်စပံးမုၢ်, ဒီးသုဝဲသ့ၣ်အံၤသုမ့ၢ်အဒ့တဖၣ် လီၤ. ပှၤတဂၤလၢ်လၢ်လၢအအိၣ်ဆိးလၢယပူၤဒီးယအိၣ် ဆိးလၢအပူၤန့ၣ်, ကသၣ်ထီၣ်ဝဲဒၣ်အါဖျၢၣ်လီၤ. မ့တမ့ၢ် ဘၣ်လၢယၤဘၣ်ဒီး, သုမၤတၢ်တသ့ဘၣ်နီတမံၤဘၣ်.

လံာ်ယိၤဟၣ် 7:17

ပှၤတဂၤဂ့ၤတဂၤဂ့ၤအသးမ့ၢ်အိၣ်လၢကမၤဘၣ်ကစၢ်ယွၤ အတၢ်ဘၣ်အသးဒီး, အဝဲကသ့ၣ်ညါဝဲလၢယတၢ်သိၣ်လိသီလိအံၤဟဲလၢ ကစၢ်ယွၤအအိၣ်ဧါ, မ့တမ့ၢ်ဒီးလၢယကတိၤဒၣ်တၢ်လၢယစိကမီၤဒၣ်ယဲလဲၣ်န့ၣ်လီၤ.

မၤတၢ် 17:11

ပှၤဖဲန့ၣ်တဖၣ်ပာ်အသးလဲၢ်ဒိၣ်န့ၢ်ဒံးပှၤဝ့ၢ်သ့းစၤလနံဖိ တဖၣ်လီၤ. အဝဲသ့ၣ်ဒိကနၣ်တၢ်ကစီၣ်လၢတၢ်သူၣ်ဆူၣ်သးဂဲၤ အပူၤ, ဒီးဃုသ့ၣ်ညါနၢ်ပၢၢ်တၢ်ကွဲးအသးစီဆှံကိးနံၤဒဲးဒ်သိး အကသ့ၣ်ညါဘၣ်ဝဲတၢ်လၢစီၤပီလူးစံးကတိၤလၢအဂ့ၢ်တဖၣ်မ့ၢ်, တမ့ၢ်လဲၣ်န့ၣ်လီၤ.

အ့းဖ့းစူး 2:21

လၢအဒုးစဲဘူးဒီးဟံးဃာ်တၢ်သူၣ်ထီၣ်ဒီဖျၢၣ်ညါတပူၤဃီ သတးဒီးဒုးကဲထီၣ်အီၤလၢယွၤအတၢ်လုၢ်ဟံၣ်စီဆှံန့ၣ်လီၤ.

ဖံလံးပံၤ 1:11

သုတၢ်အိၣ်မူတဖၣ်ကဘၣ်တၢ်မၤပှဲၤအီၤဒီးတၢ်ဂ့ၤ တၢ်ဝါနီၢ်နီၢ်တဖၣ်လၢထဲဒၣ်ယ့ၣ်ၡူးခရံာ်ဒုးအိၣ်ထီၣ် အီၤသ့, လၢယွၤလၤကပီၤဒီးတၢ်စံးထီၣ်ပတြၢၤကစၢ်ယွၤ အဂီၢ်န့ၣ်လီၤ.

ကလီးစဲ 1:6

တၢ်သးခုအကစီၣ်အံၤဟဲစိာ်ဃုာ်ဒီးတၢ်ဆိၣ်ဂ့ၤ, ရၤလီၤအသးသကုၤဟီၣ်ခိၣ်ဒီဘ့ၣ်ညါ, ဒ်အမၤတ့ၢ်လံ အသးလၢသုကျါစးထီၣ်မုၢ်တနံၤဖဲသုနၢ်ဟူတၢ်ဘၣ်ဃး ယွၤအဘျုးအဖှိၣ်အဆိကတၢၢ်တဘျီ, ဒီးသ့ၣ်ညါထံအီၤဒ် အမ့ၢ်တၢ်နီၢ်နီၢ်အသိး,