လံာ်မၢ်ကူး 4:7 - Sgaw Karen Common Bible

⁷ တၢ်ချံတနီၤလီၤဘၣ်လၢတၤဆှုၣ်တၤမဲတဖၣ်အကျါလီၤ. တုၤတၤဆှုၣ်တၤမဲ အထံးဖိတဖၣ်ဒိၣ်ထီၣ်ဒီးခဲဘၢကွံာ်တၢ် အမုၢ်အဆံးဖိတဖၣ်န့ၣ်, ဒီးအဝဲသ့ၣ်ဒၢထီၣ်သၣ်ထီၣ်တန့ၢ်လၢၤဘၣ်န့ၣ်လီၤ.

လံာ်မၢ်ကူး 4:7 Iomraidhean Croise

လံာ်ယံးရမံယၤ 4:3

ယွၤစံးဘၣ်ကီၢ်ယူဒၤဒီးဝ့ၢ်ယရူၤၡလ့ၣ်အပှၤဂီၢ်မုၢ်, “ထဲၣ်ထီၣ်သုစံာ်ဧိၤပျီဧိၤတဖၣ်လၢအတဘၣ်တၢ်ထဲၣ်တ့ၢ် အီၤန့ၣ်တက့ၢ်. ဖှံလီၤသုတၢ်ချံတဖၣ်လၢတၤဆှုၣ် တၤမဲတဖၣ်အကျါတဂ့ၤ.

လံာ်မးသဲ 13:22

တၢ်ချံလၢအဘၣ်တၢ်ဖှံလီၤအီၤလၢတၤဆှုၣ်တၤမဲအကျါတဖၣ်, မ့ၢ်ပှၤလၢအနၢ်ဟူတၢ်ကစီၣ်, ဘၣ်ဆၣ်တၢ်ဘၣ်ယိၣ်ဘၣ်ဘီဘၣ်ဃးဒီးဟီၣ်ခိၣ် ဒီးတၢ်အဲၣ်တၢ်ထူးတၢ်တီၤတဖၣ်ခဲဘၢကွံာ်တၢ်ကစီၣ်သတးဒီး တသၣ်ထီၣ်ဘၣ်ဝဲဘၣ်.

လံာ်မးသဲ 13:7

တၢ်ချံအဂၤတနီၤလီၤဘၣ်လၢတၤဆှုၣ်တၤမဲအကျါဒီးတၤဆှုၣ် တၤမဲတဖၣ်ဒိၣ်ထီၣ်ဒီးခဲဘၢကွံာ်တၢ်မုၢ်ဖိတဖၣ်န့ၣ်လီၤ.

လံာ်မးသဲ 13:8

ဘၣ်ဆၣ်ဒီးတၢ်ချံတနီၤလီၤဘၣ်လၢဟီၣ်ခိၣ်လၢအဂ့ၤဒီးတၢ် အမုၢ်တဖၣ်ဒိၣ်ထီၣ်ဒီးသၣ်ထီၣ်ဝဲလီၤ. တၢ်အမုၢ်တနီၤသၣ်ထီၣ်တကယၤ, တနီၤဃုဆံဒီးတနီၤသၢဆံလီၤ.”

လံာ်မၢ်ကူး 4:6

တုၤမုၢ်ဟဲထီၣ်ထီထီၣ်ဒီးတၢ်ကိၢ်ဆူၣ်ထီၣ်န့ၣ်, တၢ်အမုၢ်ဖိလၢအဟဲမဲထီၣ်တဖၣ်အဂံၢ်စဲၤလီၤအသးတယိာ်ဘၣ်အဃိ, ဃ့ထီကွံာ်ဝဲဒၣ်လီၤ.

လံာ်မၢ်ကူး 4:8

မ့မ့ၢ်တၢ်ချံတနီၤလီၤဘၣ်ဝဲလၢဟီၣ်ခိၣ်လၢအဂ့ၤဝဲအလီၢ်သတး ဒီး, တၢ်အမုၢ်အဆံးဖိတဖၣ်ဟဲမဲထီၣ်ဒီးဒိၣ်ထီၣ်ဂ့ၤဂ့ၤကလဲာ် ဒီးသၣ်ထီၣ်ဂ့ၤမးလီၤ. အထံးတနီၤအသၣ်အိၣ်လၢအလိၤ အဖျၢၣ်သၢဆံ, အဂၤတနီၤအဖျၢၣ်ဃုဆံ, ဒီးအဂၤတဖၣ်အဖျၢၣ်လၢအကယၤန့ၣ်လီၤ.”

လံာ်လူၤကၣ် 12:15

ဒီးအဝဲဒၣ်ကတိၤတၢ်ဒီးစံးဘၣ်အဝဲသ့ၣ်ကိးဂၤဒဲး, “ပလီၢ်သူၣ်ပလီၢ်သး, ဒီးဟးဆှဲးတၢ်သးကွံကိးကလုာ်ဒဲးတက့ၢ်. အဂ့ၢ်ဒ်အံၤ, ပှၤကညီတဂၤမ့ၢ်ထူးဝဲတီၤဝဲဆံးအါဆံးအါသနာ်က့ အဝဲအတၢ်အိၣ်မူနီၢ်နီၢ်န့ၣ်, တဘၣ်ဃးဘၣ်ဒီးတၢ်လၢအအိၣ်ဒီးအီၤသ့ၣ်တဖၣ်န့ၣ်ဘၣ်.”

လံာ်လူၤကၣ် 21:34

အိၣ်ပလီၢ်သူၣ်ပလီၢ်သးတက့ၢ်. တဘၣ်ပျဲသုဆၢကတီၢ်လၢာ်ကွံာ်လၢ တၢ်အီၣ်လုၣ်ကိအီလုၣ်ကပာ်တၢ်ဒီးအအံၤတဃၣ်အတၢ်ကိၢ်တၢ်ဂီၤ တဖၣ်အဂီၢ်န့ၣ်တဂ့ၤ. မ့တမ့ၢ်ဘၣ်ဒီး, မုၢ်နံၤမုၢ်သီတနံၤန့ၣ်ကဟဲတုၤအိၣ်သုသတူၢ်ကလာ်လီၤ.

လံာ်လူၤကၣ် 8:14

တၢ်ချံလၢအလီၤဘၣ်လၢတၤဆှုၣ်တၤမဲအလိၤပာ်ဖျါထီၣ်ပှၤတဖၣ်လၢ အနၢ်ဟူဘၣ်တၢ်အကလုၢ်ကထါဘၣ်ဆၣ်, တၢ်သူၣ်ကိၢ်သးဂီၤ, တၢ်ထူးတၢ်တီၤဒီးတၢ်အိၣ်မူအအံၤတဃၣ် အတၢ်မုာ်တၢ်ပၢၤတဖၣ်နုာ်လီၤခဲဘၢကွံာ်အဝဲသ့ၣ်ဒ်တၤဆှုၣ် တၤမဲအသိး, ဒီးမၤအသးဒ်တၢ်မုၢ်တၢ်ဘိလၢအသၣ်တမံလၢၤနီတစုဘၣ်အသိးန့ၣ်လီၤ.

လံာ်လူၤကၣ် 8:7

အဂၤတနီၤလီၤဘၣ်ဝဲလၢတၤဆှုၣ်တၤမဲအကျါဒီးမ့ၢ် အဒိၣ်ထီၣ်ဃုာ်တပူၤဃီဒီးခဲဘၢကွံာ်အီၤအဃိသံကွံာ်ဝဲဒၣ်လီၤ.