လံာ်မၢ်ကူး 4:40 - Sgaw Karen Common Bible

⁴⁰ ယ့ၣ်ၡူးစံးဘၣ်အပျဲၢ်အဘီၣ်တဖၣ်န့ၣ်, “ဘၣ်မနုၤလၢသုပျံၤတၢ်လဲၣ်. တုၤခဲအံၤသုတၢ်နာ်ဘၣ်မနုၤလၢအတအိၣ်ဘၣ်န့ၣ်လဲၣ်.”

လံာ်မၢ်ကူး 4:40 Iomraidhean Croise

လံာ်ယၡါယၤ 42:3

အဝဲတမၤကၢ်ကွံာ်တပိၢ်တဘိလၢအသဘှံးမ့ၢ်ဂ့ၤ, မၤပံာ်ကွံာ်မ့ၣ်အူလၢအကပီၤပံာ်လ့ပံာ်လ့မ့ၢ်ဂ့ၤ န့ၣ်ဘၣ်. အဝဲကဟဲစိာ်တၢ်စံၣ်ညီၣ်တီအိၣ်လီၤထူလီၤယိာ်လၢပှၤခဲလၢာ် အဂီၢ်လီၤ.

လံာ်ယၡါယၤ 43:2

ဖဲနလဲၤခီဖျိထံလၢအယိာ်န့ၣ်, ယကအိၣ်ဒီးနၤလီၤ. နတၢ်ကီတၢ်ခဲတဖၣ်တလုၣ်ဘၢနၤဘၣ်. ဖဲနလဲၤခီဖျိမ့ၣ်အူန့ၣ်, မ့ၣ်အူတအီၣ်နၤဘၣ်. တၢ်မၤကွၢ်အကီအခဲတဖၣ်လၢအဟဲန့ၣ်, တမၤဘၣ်ဒိဘၣ်ထံးနၤဘၣ်.

လံာ်မးသဲ 14:31

ဒီးယ့ၣ်ၡူးယူာ်ဃီၤအစုတဘျီဃီ, ဒီးဟံးဃာ်အီၤဒီးစံးဝဲ, “နနာ်တၢ်စှၤမးလဲၣ်. ဘၣ်မနုၤလၢနသးဒ့ဒီလဲၣ်.”

လံာ်မးသဲ 16:8

ယ့ၣ်ၡူးသ့ၣ်ညါဆိတၢ်လၢအဝဲသ့ၣ်ကတိၤသကိးဒီးစံး, “သုနာ်တၢ်စှၤမးလဲၣ်. ဘၣ်မနုၤလၢသုကတိၤသကိးဘၣ်ဃးဒီးသုကိၣ်တအိၣ်ဘၣ် အဂ့ၢ်န့ၣ်လဲၣ်.

လံာ်မးသဲ 6:30

ကစၢ်ယွၤမ့ၢ်ဒုးကူဒုးသိးနီၣ်ဧိၤမံၤဧိၤလၢအမူဝဲတနံၤ အံၤဒီးလၢခံတနံၤဘၣ်တၢ်ဆူးကဲၤကွံာ်အီၤလၢဖၣ်ကပူၤန့ၣ်ဒီး, ပှၤနာ်တၢ်စှၤသ့ၣ်ဧၢ, မ့ၢ်ယွၤအံၤတဒုးကူဒုးသိးသုအါန့ၢ်အဝဲသ့ၣ်ဘၣ်ဧါ.

လံာ်မးသဲ 8:26

ယ့ၣ်ၡူးစံးဆၢအဝဲသ့ၣ်, “ဘၣ်မနုၤလၢသုဘၣ်ပျံၤတၢ်ထဲန့ၣ် ညါလဲၣ်. သုတၢ်နာ်စှၤမးလဲၣ်.” ဝံၤအဝဲဂဲၤဆၢထၢၣ်ဒူကလံၤဒီးလပီအလိၤ, ဒီးကလံၤအိၣ်က့ၤမးဝဲဂၢၢ်တပၢၢ်လီၤ.

လံာ်မၢ်ကူး 4:41

မ့မ့ၢ်အဝဲသ့ၣ်တဖၣ်ပျံၤတၢ်ဒိၣ်ဒိၣ်ကလဲာ်ဒီးစံးလိာ်အသးတဂၤဒီးတဂၤ, “ပှၤတဂၤအံၤ မ့ၢ်ပှၤဒ်လဲၣ်တဂၤလဲၣ်. ကလံၤသီၣ်ဂီၤဒီးပီၣ်လဲၣ်လပီတဖၣ်ဒၣ်လဲာ်ဒိကနၣ်အကလုၢ်လီၤမးလဲၣ်.”

လံာ်လူၤကၣ် 8:25

တုၤနုၤတစုအဝဲဒၣ်စံးဘၣ်အပျဲၢ်အဘီၣ်တဖၣ်, “သုတၢ်စူၢ်တၢ်နာ်အိၣ်ဖဲလဲၣ်.” ဘၣ်ဆၣ်ဒီးအဝဲသ့ၣ်ကမၢကမၣ်ဒီးပျံၤတၢ်ဖုးတၢ်ဒီးစံးလိာ် အသးတဂၤဒီးတဂၤ, “ပှၤတဂၤအံၤမ့ၢ်မတၤလဲၣ်. အဝဲဒၣ်ခါလီၤအကလုၢ်လၢကလံၤဒီးလပီတဖၣ်အလိၤ, ဒီးအဝဲသ့ၣ်စူၢ်အကလုၢ်မးလဲၣ်.”