လံာ်မၢ်ကူး 4:39 - Sgaw Karen Common Bible

³⁹ ယ့ၣ်ၡူးဂဲၤဆၢထၢၣ်ဒီးဒူကလံၤအလိၤဒီးစံးဘၣ်ပီၣ်လဲၣ်ဒီးလပီန့ၣ်, “အိၣ်ဘှီၣ်ဒီးအိၣ်ဂၢၢ်တက့ၢ်.” ဒီးကလံၤမုၢ်န့ၣ်တုာ်ဝဲဒီးတၢ်ခဲလၢာ်အိၣ်က့ၤဂၢၢ်တပၢၢ်လီၤ.

လံာ်မၢ်ကူး 4:39 Iomraidhean Croise

လံာ်စီၤယိၤဘး 38:11

ဒီးယစံးဘၣ်အီၤ, “နလပီပာ်ကဖိအသးတဖၣ်ကဘၣ်အိၣ် ကတီၢ်ဖဲအံၤဒီးတဘၣ်လဲၤယံၤန့ၢ်အအံၤဘၣ်.”

စံးထီၣ်ပတြၢၤ 107:29

အဝဲမၤဂၢၢ်က့ၤကလံၤမုၢ် ဒီးပီၣ်လဲၣ်အလပီတဖၣ်အိၣ်ဂၢၢ်ဝဲဒၣ်န့ၣ်လီၤ.

စံးထီၣ်ပတြၢၤ 148:8

လီဝၢ်ဒံးဒီးသူၣ်, မူခိၣ်ဖီဒီးတၢ်အၢၣ်တဖၣ်, ကလံၤမုၢ်ဆူၣ်လၢအမၤလၢပှဲၤအတၢ်မၤလိာ်ဧၢ,

စံးထီၣ်ပတြၢၤ 29:10

ယွၤဆ့ၣ်နီၤပၢတၢ်လၢထံလုၣ်ဘၢတၢ်အဖီခိၣ်, ယွၤ, စီၤပၤလီၤထူလီၤယိာ်ဆ့ၣ်နီၤပၢတၢ်လီၤ.

စံးထီၣ်ပတြၢၤ 65:7

နဒုးအိၣ်ဘှီၣ်ပီၣ်လဲၣ်အသီၣ် ဒီးလပီတဖၣ်အသီၣ်, ပှၤဂီၢ်မုၢ်အတၢ်တၢထီၣ်တၢလီၤန့ၣ်လီၤ.

စံးထီၣ်ပတြၢၤ 89:9

နပၢပီၣ်လဲၣ်အလပီမုၢ်ဒိၣ် နဒုးအိၣ်ဂၢၢ်အလၢတဖၣ်ဖဲအဟဲထီၣ်န့ၣ်လီၤ.

လံာ်တၢ်ဟးထီၣ်ကွံာ် 14:16

ယူာ်ထီၣ်နီၣ်ထိးဘိဒီးဖီၣ်ဃးအီၤလၢပီၣ်လဲၣ်အဖီခိၣ်တက့ၢ်. ထံကနီၤဖးလီၤအသးဒီးပှၤအံၣ်စရ့လးဖိတဖၣ်လဲၤတၢ်လၢဟီၣ် ခိၣ်အဃ့ထီအဖီခိၣ်ကသ့ဝဲလီၤ.

လံာ်တၢ်ဟးထီၣ်ကွံာ် 14:22

ဒီးပှၤအံၣ်စရ့လးဖိတဖၣ်လဲၤခီဂာ်ပီၣ်လဲၣ်လၢဟီၣ်ခိၣ်ဃ့ထီ အလိၤအိၣ်ဒီးထံအဒူၣ်ခံခီယၢ်ခီန့ၣ်လီၤ.

တၢ်ကတိၤဒိ. 8:29

ဒီးဖဲအဟ့ၣ်လီၤတ့ၢ်အကလုၢ်လၢပီၣ်လဲၣ်အထံတဖၣ်အသုတဟဲ ထီၣ်အါန့ၢ်အစံးပာ်တ့ၢ်ဝဲတဂ့ၤအဂီၢ်န့ၣ်လီၤ. ယအိၣ်လံဖဲန့ၣ်, ဖဲအဝဲပာ်လီၤဟီၣ်ခိၣ်အခီၣ်ထံးတဖၣ်န့ၣ်လီၤ.

လံာ်ယံးရမံယၤ 5:22

ယမ့ၢ်ယွၤလီၤ. သုတပျံၤယၤဘၣ်မနုၤအဃိလဲၣ်. ဘၣ်မနုၤအဃိသုကကနိးကစုာ်လၢယမဲာ်ညါန့ၣ်လဲၣ်. ယပာ်လီၤတ့ၢ်မဲးဧိၤဟီၣ်ဧိၤဒ်ပီၣ်လဲၣ်အဆၢအသိး, တၢ်အဆၢအဂၢၢ်အကျၢၤလၢတၢ်ခီဂာ်အီၤတသ့ဘၣ်လီၤ. ပီၣ်လဲၣ်မ့ၢ်စံၣ်ပီပုဘၣ်ဆၣ်, လဲၤပျံကွံာ်အီၤတသ့ဘၣ်. လပီတဖၣ်မ့ၢ်သီၣ်ထီၣ်ရူၢ်ရူၢ်ဘၣ်ဆၣ်, လဲၤခီပတာ်အီၤတသ့ဘၣ်.

လံာ်သးသယုၢ်တၢ် 3:31

ယွၤန့ၣ်သူၣ်ကညီၤသးကညီၤတၢ်အါဒီးတမ့ၢ်လၢကညိကွံာ် ပှၤလီၤထူလီၤယိာ်ဘၣ်.

လံာ်နၤဃူၣ် 1:4

အဝဲမၤလိာ်ဝဲပီၣ်လဲၣ်ဒီးပီၣ်လဲၣ်ဃ့ထီကွံာ်ဝဲဒီးမၤလီၤ သံးကွံာ်ဝဲထံကျိတဖၣ်န့ၣ်လီၤ. ဘၤၡၣ်အပျီတဖၣ်လီၤညွံးကွံာ်ဝဲ, တၤသၣ်လီၢ်လၢကစၢၢ်ကၢ်မ့ၤလးလီၤဘဲကွံာ်ဝဲ ဒီးဖီတဖၣ်လၢကီၢ်လဘၤနိၣ်ဒံကွံာ်ဝဲလီၤ.

လံာ်မးသဲ 8:26

ယ့ၣ်ၡူးစံးဆၢအဝဲသ့ၣ်, “ဘၣ်မနုၤလၢသုဘၣ်ပျံၤတၢ်ထဲန့ၣ် ညါလဲၣ်. သုတၢ်နာ်စှၤမးလဲၣ်.” ဝံၤအဝဲဂဲၤဆၢထၢၣ်ဒူကလံၤဒီးလပီအလိၤ, ဒီးကလံၤအိၣ်က့ၤမးဝဲဂၢၢ်တပၢၢ်လီၤ.

လံာ်မၢ်ကူး 4:38

ယ့ၣ်ၡူးအိၣ်ဝဲလၢချံခံတခီ, ပာ်လီၤအခိၣ်လၢခိၣ်တခၢၣ်တဖျၢၣ်အလိၤဒီးမံဘၣ်အသးလီၤ. အပျဲၢ်အဘီၣ်တဖၣ်ထိၣ်ဂဲၤထၢၣ်အီၤဒီးစံးဘၣ်အီၤ, “သရၣ်ဧၢ, ပကသံဘၣ်ပသးအံၤန့ၣ်မ့ၢ်နဲနတကိၢ်တဂီၤဘၣ်ဧါ.”

လံာ်မၢ်ကူး 9:25

တုၤမ့ၢ်ယ့ၣ်ၡူးထံၣ်ဘၣ်ပှၤဂီၢ်မုၢ်တဖၣ်ဟဲဆီၣ်သနံးအသးဘူး ဒီးအဝဲအိၣ်တၢ်အလီၢ်န့ၣ်, အဝဲဒူတၢ်နါအလိၤဒီးစံးဘၣ်အီၤ, “တၢ်နါလၢအဒုးတအၢပှၤနၢ်ဒီး မၤအုးအးပှၤတဒုဧၢ, ယမၤလိာ်နၤ, ဟးထီၣ်ကွံာ်လၢဖိသၣ်အံၤအအိၣ်တက့ၢ်. ဒီးတဘၣ်ဟဲဒိးလၢၤအီၤနီတစုတဂ့ၤ.”

လံာ်လူၤကၣ် 4:35

ယ့ၣ်ၡူးခါလီၤအကလုၢ်ဒီးစံးဘၣ်တၢ်နါန့ၣ်, “အိၣ်ဘှီၣ်ကလာ်ဒီးဟးထီၣ်ကွံာ်လၢပှၤတဂၤန့ၣ်အပူၤတက့ၢ်.” တၢ်နါကွံာ်လီၤပှၤတဂၤန့ၣ်လၢအဝဲသ့ၣ်တဖၣ်အမဲာ်ညါ ဒီးဟးထီၣ်ကွံာ်လၢအဝဲဒၣ်အပူၤ, တအိၣ်ဒီးတၢ်မၤဘၣ်ဒိဘၣ်ထံးအီၤနီတမံၤဘၣ်.

လံာ်လူၤကၣ် 4:39

အဝဲဒၣ်လဲၤဝဲဒီးဆၢထၢၣ်ဝဲဖဲပိာ်မုၣ်န့ၣ်အလီၢ်မံကပၤ ဒီးခါလီၤအကလုၢ်ဒ်သိးတၢ်ကိၢ်ကလီၤအဂီၢ်, ဒီးတၢ်ကိၢ်န့ၣ်လီၤဝဲတကီၢ်ခါလီၤ. ဒီးအဝဲဒၣ်ဂဲၤဆၢထၢၣ်တဘျီဃီ ဒီးဒုးအီၣ်ဒုးအီအဝဲသ့ၣ်လီၤ.

လံာ်လူၤကၣ် 8:24

အပျဲၢ်အဘီၣ်တဖၣ်လဲၤဆူယ့ၣ်ၡူးအအိၣ်ဒီးကိးပၢၢ်ထီၣ်အီၤဒီးစံးဝဲ, “ကစၢ်ဧၢ, ကစၢ်ဧၢ, ပကသံလီၤ.” ယ့ၣ်ၡူးဂဲၤဆၢထၢၣ်ဒီးခါလီၤအကလုၢ်လၢကလံၤဒီးလပီတဖၣ် အလိၤ, အဝဲသ့ၣ်အိၣ်ဘှ့ၣ် က့ၤဝဲဒီးတၢ်အိၣ်က့ၤမးဝဲ ဂၢၢ်တပၢၢ်လီၤ.