လံာ်မၢ်ကူး 4:38 - Sgaw Karen Common Bible

³⁸ ယ့ၣ်ၡူးအိၣ်ဝဲလၢချံခံတခီ, ပာ်လီၤအခိၣ်လၢခိၣ်တခၢၣ်တဖျၢၣ်အလိၤဒီးမံဘၣ်အသးလီၤ. အပျဲၢ်အဘီၣ်တဖၣ်ထိၣ်ဂဲၤထၢၣ်အီၤဒီးစံးဘၣ်အီၤ, “သရၣ်ဧၢ, ပကသံဘၣ်ပသးအံၤန့ၣ်မ့ၢ်နဲနတကိၢ်တဂီၤဘၣ်ဧါ.”

လံာ်မၢ်ကူး 4:38 Iomraidhean Croise

လံာ်ယၡါယၤ 63:15

ယွၤဧၢ, ကွၢ်လီၤပှၤလၢမူခိၣ်ဖဲနအိၣ်နဆိးလၢန တၢ်စီဆှံဒီးနတၢ်လၤကပီၤအပူၤန့ၣ်တက့ၢ်. နတၢ်သးအိၣ်ဘၣ်ပှၤဒိၣ်ဒိၣ်မုၢ်မုၢ်န့ၣ်အိၣ်ဖဲလဲၣ်. နတၢ်စိကမီၤအိၣ်ဖဲလဲၣ်. နတၢ်အဲၣ်ဒီးနတၢ်သးအိၣ်မၤစၢၤပှၤအိၣ်ဖဲလဲၣ်. ပာ်နသးဒ်နတသ့ၣ်ညါပှၤဘၣ်အသိးန့ၣ်တဂ့ၤ.

လံာ်ယၡါယၤ 64:12

ယွၤဧၢ, မ့ၢ်နသးတဘၣ်ဒိဘၣ်ထံးလၢတၢ်အံၤအဃိဘၣ်ဧါ. မ့ၢ်နတမၤတၢ်နီတမံၤဒီးဒုးတူၢ်ဘၣ်ပှၤတၢ်အါန့ၢ်ပတူၢ်အီၤ ကဲဒီးသ့တက့ၢ်န့ၣ်ဧါ.

လံာ်သးသယုၢ်တၢ် 3:8

ယကိးပသူထီၣ်ဖးဒိၣ်လၢတၢ်မၤစၢၤအဂီၢ်ဘၣ်ဆၣ်ဒီးကစၢ်ယွၤဂ့ၢ် လိာ်လၢကဒိကနၣ်ယၤအဂီၢ်န့ၣ်လီၤ.

လံာ်မးသဲ 22:16

တၢ်န့ၣ်ဝံၤအလီၢ်ခံ, အဝဲသ့ၣ်ဆှၢလီၤအပျဲၢ်အဘီၣ်တနီၤ, ဃုာ်ဒီးပှၤအိၣ်လၢဟ့ၤရိာ်အကရၢပူၤတနီၤ, ဆူယ့ၣ်ၡူးအအိၣ်လီၤ. အဝဲသ့ၣ်စံးဘၣ်အီၤ, “သရၣ်ဧၢ, ပသ့ၣ်ညါလၢနမ့ၢ်ပှၤလၢအတဲတၢ်တီတီတဂၤဒီးသိၣ် လီၤသီလီၤတၢ်မ့ၢ်တၢ်တီဘၣ်ဃးကစၢ်ယွၤအတၢ်ဘၣ်အသး လၢပှၤကညီအဂီၢ်, ဒီးနတပျံၤဒီးကွၢ်မဲာ်ပှၤနီတဂၤဘၣ်. အဂ့ၢ်ဒ်အံၤ ပှၤကညီအလီၢ်အလၤန့ၣ်, နတပာ်ဒိၣ်လီၤဆီအီၤဘၣ်.

လံာ်မးသဲ 8:25

အပျဲၢ်အဘီၣ်တဖၣ်လဲၤဆူအအိၣ်, ကိးပၢၢ်ထီၣ်အီၤဒီးစံး, “ကစၢ်ဧၢ, မၤစၢၤပှၤတက့ၢ်. ပကသံလီၤ.”

လံာ်မၢ်ကူး 4:37

သတူၢ်ကလာ်ကလံၤမုၢ်တွၤဖးဒိၣ်လီၤဝဲဒၣ်ဒီးပီၣ်လဲၣ်လပီတဖၣ် စံၣ်စုးဘၣ်ချံန့ၣ်တုၤဒၣ်လဲာ်ထံဟဲနုာ်ဘူးကပှဲၤမးချံအပူၤန့ၣ်လီၤ.

လံာ်မၢ်ကူး 4:39

ယ့ၣ်ၡူးဂဲၤဆၢထၢၣ်ဒီးဒူကလံၤအလိၤဒီးစံးဘၣ်ပီၣ်လဲၣ်ဒီးလပီန့ၣ်, “အိၣ်ဘှီၣ်ဒီးအိၣ်ဂၢၢ်တက့ၢ်.” ဒီးကလံၤမုၢ်န့ၣ်တုာ်ဝဲဒီးတၢ်ခဲလၢာ်အိၣ်က့ၤဂၢၢ်တပၢၢ်လီၤ.

လံာ်လူၤကၣ် 8:24

အပျဲၢ်အဘီၣ်တဖၣ်လဲၤဆူယ့ၣ်ၡူးအအိၣ်ဒီးကိးပၢၢ်ထီၣ်အီၤဒီးစံးဝဲ, “ကစၢ်ဧၢ, ကစၢ်ဧၢ, ပကသံလီၤ.” ယ့ၣ်ၡူးဂဲၤဆၢထၢၣ်ဒီးခါလီၤအကလုၢ်လၢကလံၤဒီးလပီတဖၣ် အလိၤ, အဝဲသ့ၣ်အိၣ်ဘှ့ၣ် က့ၤဝဲဒီးတၢ်အိၣ်က့ၤမးဝဲ ဂၢၢ်တပၢၢ်လီၤ.

လံာ်ယိၤဟၣ် 4:6

စီၤယၤကိာ်အထံပူၤအိၣ်ဝဲဖဲန့ၣ်ဒီးမ့ၢ်လၢယ့ၣ်ၡူးလဲၤ တၢ်ဒီးလီၤဘှံးလီၤတီၤအဃိဆ့ၣ်နီၤဝဲဖဲထံပူၤအဃၢၤ လီၤ. ဒီးအဆၢကတီၢ်ကဘၣ်ဖဲမုၢ်ထူၣ်ဃၣ်ဃၣ်လီၤ.

ဧ့ၤဘြံၤ 2:17

လၢတၢ်န့ၣ်အဃိအဝဲဘၣ်ကဲထီၣ်ဒ်အဒီပုၢ်ဝဲၢ်တဖၣ်အသိး လၢတၢ်ကိးမံၤဒဲးအပူၤဒ်သိးလၢအတၢ်မၤကစၢ်ယွၤအတၢ်မၤ အပူၤန့ၣ်ကမ့ၢ်ပှၤလုၢ်တၢ်အခိၣ်အဒိၣ်ကတၢၢ်လၢအသူၣ် ကညီၤသးကညီၤတၢ်ဒီးအကလုၢ်တီဝဲတဂၤသတးဒီးကမၤ ပူၤဖျဲးတၢ်လၢပှၤကညီအတၢ်ဒဲးဘးအဂီၢ်န့ၣ်လီၤ.

ဧ့ၤဘြံၤ 4:15

ပပှၤလုၢ်တၢ်အခိၣ်အဒိၣ်ကတၢၢ်အံၤ တမ့ၢ်ပှၤလၢအနၢ် ပၢၢ်စၢၤပတၢ်ဂံၢ်စၢ်ဘါစၢ်တသ့ဘၣ်တဂၤန့ၣ်ဘၣ်. မ့ၢ်ပှၤတဂၤလၢအဘၣ်တၢ်လ့ပစီအီၤလၢကျဲကိးဘိဒဲးဒ်ပဝဲဒၣ် အသိးဘၣ်ဆၣ်အတၢ်ဒဲးဘးတအိၣ်ဘၣ်.

၁ ပ့းတရူး 5:7

ပာ်ထီၣ်သုတၢ်ဘၣ်ယိၣ်ဘၣ်ဘီခဲလၢာ်လၢအဝဲဒၣ်အလိၤ တက့ၢ်. အဂ့ၢ်ဒ်အံၤအသးအိၣ်သုလီၤ.