လံာ်မၢ်ကူး 4:36 - Sgaw Karen Common Bible

³⁶ အန့ၣ်ဝံၤအဝဲသ့ၣ်ဟးထီၣ်ကွံာ်လၢပှၤဂီၢ်မုၢ်အကျါလီၤ. အပျဲၢ်အဘီၣ်တဖၣ်ဒိးထီၣ်ချံတဘ့ၣ်ဃီလၢယ့ၣ်ၡူးအိၣ်ပာ်တ့ၢ်လံ လၢအပူၤဒီးခီသကိးပီၣ်လဲၣ်ဒီးအီၤလီၤ. ချံအဂၤတဖၣ် အိၣ်စ့ၢ်ကီးဖဲန့ၣ်လီၤ.

လံာ်မၢ်ကူး 4:36 Iomraidhean Croise

လံာ်မးသဲ 8:23

ယ့ၣ်ၡူးလဲၤနုာ်ဝဲဆူချံတဘ့ၣ်အပူၤဒီးအပျဲၢ်အဘီၣ်တဖၣ်လဲၤနုာ် သကိးဒီးအီၤလီၤ.

လံာ်မၢ်ကူး 3:9

မ့ၢ်လၢပှၤဂီၢ်မုၢ်အိၣ်အါဒိၣ်မးအဃိ, ဒ်သိးအသုတဆီၣ်သနံးဘၣ်အီၤ တဂ့ၤဒီးယ့ၣ်ၡူးမၢအပျဲၢ်အဘီၣ်တဖၣ်ကတဲာ်ကတီၤပာ်စၢၤချံတဘ့ၣ်လီၤ.

လံာ်မၢ်ကူး 4:1

ယ့ၣ်ၡူးသိၣ်လီၤသီလီၤကဒီးတၢ်လၢပီၣ်လဲၣ်ကၤလံၤလါအနံၤ လီၤ. ပှၤဂီၢ်မုၢ်ဟဲပာ်ဖှိၣ်အသးဝးတရံးအီၤအါဝဲတုၤဒၣ်လဲာ်ယ့ၣ်ၡူး လဲၤနုာ်ဆူချံတဘ့ၣ်အပူၤဒီးဆ့ၣ်နီၤဝဲလီၤ. ချံန့ၣ်အိၣ်ဝဲလၢပီၣ်လဲၣ်ထံဖံးခိၣ်ဒီးပှၤဂီၢ်မုၢ်အိၣ်ဆၢ ထၢၣ်ဒိကနၣ်အီၤလၢပီၣ်လဲၣ်အနံၤန့ၣ်လီၤ.

လံာ်မၢ်ကူး 4:37

သတူၢ်ကလာ်ကလံၤမုၢ်တွၤဖးဒိၣ်လီၤဝဲဒၣ်ဒီးပီၣ်လဲၣ်လပီတဖၣ် စံၣ်စုးဘၣ်ချံန့ၣ်တုၤဒၣ်လဲာ်ထံဟဲနုာ်ဘူးကပှဲၤမးချံအပူၤန့ၣ်လီၤ.

လံာ်မၢ်ကူး 5:2

အဝဲဒၣ်စံၣ်လီၤလၢချံပူၤတယံာ်ဘၣ်ဒီး ပှၤလၢတၢ်နါဒိးအီၤတဂၤဟးထီၣ်လၢတၢ်သွၣ်ခိၣ်အပူၤဒီးဟဲ သဂၢၢ်အီၤလီၤ.

လံာ်မၢ်ကူး 5:21

ယ့ၣ်ၡူးဒိးထီၣ်ချံဒီးခီဃီၤကဒါက့ၤဆူပီၣ်လဲၣ်ဝၢ်ဘးခီ လီၤ. တုၤအတုၤလၢဘးခီဒီးအိၣ်ဒံးလၢပီၣ်လဲၣ်နံၤအဖၢမုၢ်န့ၣ် ပှၤဂီၢ်မုၢ်ဖးဒိၣ်ဟဲအိၣ်ဝးတရံးအီၤလီၤ.

လံာ်မၢ်ကူး 6:32

လၢတၢ်န့ၣ်အဃိအဝဲသ့ၣ်ဒိးထီၣ်ချံတဘ့ၣ်ဒီးလဲၤဝဲထဲ အဝဲသ့ၣ်ဆူတၢ်လီၢ်တပူၤဖဲပှၤတအိၣ်နီတဂၤဘၣ်န့ၣ်လီၤ.

လံာ်လူၤကၣ် 8:22

ဘၣ်တနံၤန့ၣ်ယ့ၣ်ၡူးလဲၤနုာ်ဒီးအပျဲၢ်အဘီၣ်တဖၣ်ဆူချံ တဘ့ၣ်အပူၤဒီးစံးဘၣ်အဝဲသ့ၣ်, “မ်ပကလဲၤခီဂာ်သကိးဆူနိၣ်အဝၢ်ဘးခီတက့ၢ်.” ဒီးအဝဲသ့ၣ်လဲၤဝဲလီၤ.