လံာ်မၢ်ကူး 4:31 - Sgaw Karen Common Bible

³¹ မ့ၢ်အမၤအသးဒ်သဘၣ်ချံဖိတဖျၢၣ်လၢအမ့ၢ်တၢ်ချံအဆံး ကတၢၢ်လၢတၢ်ချံခဲလၢာ်အကျါလၢအဘၣ်တၢ်ဖှံလီၤ အီၤလၢဟီၣ်ခိၣ်အလိၤလီၤ.

လံာ်မၢ်ကူး 4:31 Iomraidhean Croise

လံာ်ယၡါယၤ 53:12

မၤသးဒ်န့ၣ်ဒီး, ယကဟ့ၣ်အီၤတၢ်လၤတၢ်ကပီၤအလီၢ်တတီၤ, တၢ်လီၢ်တတီၤလၢပှၤအဒိၣ်စိဒိၣ်ကမီၤတဖၣ်အကျါလီၤ. အဝဲဟ့ၣ်လီၤကွံာ်အသးလၢတၢ်သးအိၣ်အပူၤ ဒီးတူၢ်သကိးတၢ်ဒီးတၢ်ဘူၣ်တၢ်တီၢ်လၢအလီၤဘၣ်ပှၤ အၢပှၤသီတဖၣ်န့ၣ်လီၤ. အဝဲဟံးန့ၢ်ပှၤတၢ်ဒဲးဘးဖိအါဂၤအလီၢ်ဒီးဘါထုကဖၣ်ဝဲလၢ အဝဲသ့ၣ်အတၢ်ဒဲးဘးကဘၣ်တၢ်ပျၢ်အီၤအဂီၢ်လီၤ.”

လံာ်ယၡါယၤ 53:2

မ့ၢ်တၢ်ဘၣ်ယွၤအသးလၢအခ့အပှၤကဒိၣ်ထီၣ် ဒ်သ့ၣ်တထံးစဲၤလီၤအဂံၢ်လၢဟီၣ်ခိၣ်ဃ့ထီအပူၤအသိးန့ၣ်လီၤ. အသူးအသ့ၣ်မ့ၢ်ဂ့ၤ, အတၢ်ဃံတၢ်လၤမ့ၢ်ဂ့ၤ လၢပကပာ်သူၣ်ပာ်သးအီၤအဂီၢ်န့ၣ် တအိၣ်ဘၣ်နီတမံၤဘၣ်. တအိၣ်ဘၣ်ဒီးတၢ်နီတမံၤလၢအလီၤထုးသူၣ်ထုးသး, ဒီးတၢ်လၢအကထုးန့ၢ်ပှၤဆူအအိၣ်တအိၣ် နီတမံၤဘၣ်.

လံာ်ယၡါယၤ 60:22

နဒူၣ်ဖိထၢဖိအဆံးကတၢၢ်ဒီး အဆီၣ်လီၤသးကတၢၢ်ဒၣ်လဲာ် ကကဲထီၣ်တၢ်အဒိၣ်ထဲသိးပှၤကလုာ်လၢ အဒိၣ်စိဒိၣ်ကမီၤတကလုာ်လီၤ. တုၤတၢ်ဆၢဂ့ၤကတီၢ်ဘၣ်ဟဲတုၤဝဲဒီး, ယကဒုးဟဲထီၣ်တၢ်အံၤချ့ချ့လီၤ. ယမ့ၢ်ယွၤလီၤ.”

လံာ်ယၡါယၤ 9:7

အစီၤလိၣ်စီၤပၤအစိကမီၤကဒိၣ်ထီၣ်ကွ့ၢ်ကွ့ၢ် ဒီးအဘီအမုၢ်ကမုာ်ကခုၣ်ဝဲထီဘိန့ၣ်လီၤ. အဝဲကပၢတၢ်ဒ်ပှၤလၢအကထီၣ်စီၤပၤစီၤဒၤဝံးအလီၢ် တဂၤအသိး, အတၢ်စိတၢ်ကမီၤန့ၣ်ကသူၣ်ထီၣ်ဝဲလၢတၢ်တီတၢ်လိၤ ဒီးတၢ်စံၣ်ညီၣ်တီအဖီခိၣ်, စးထီၣ်ခဲအံၤတုၤတၢ်အစိၤကတၢၢ်န့ၣ်လီၤ. ယွၤ, သ့တၢ်လၢာ်ကစၢ်န့ၣ်, ပာ်လီၤအသးသပှၢ်တၢၢ်လၢကမၤတၢ်အံၤခဲ လၢာ်လီၤ.

လံာ်စကၤရယၤ 12:8

ဖဲအဆၢကတီၢ်အဝဲန့ၣ်, ယွၤကဒီဒၣ်အိၣ်ပှိၤပှၤလၢအအိၣ်လၢဝ့ၢ်ယရူၤၡလ့ၣ်အပူၤ, ဒီးပှၤလၢအဂံၢ်စၢ်ဘါစၢ်ကတၢၢ်လၢအဝဲသ့ၣ်အကျါတဖၣ်ဒၣ်လဲာ် န့ၣ်ကကဲထီၣ်ပှၤလၢအဂံၢ်ဆူၣ်ဘါဆူၣ်ဒ်စီၤဒၤဝံးမ့ၢ်တ့ၢ်အသိး န့ၣ်လီၤ. ဒီးစီၤဒၤဝံးအစၢၤအသွဲၣ်တဖၣ်ကဆှၢအဝဲသ့ၣ်ဒ်ယွၤ အကလူးအသိး, ဒီးဒ်ကစၢ်ယွၤအနီၢ်ကစၢ်ဒၣ်ဝဲအသိးန့ၣ်လီၤ.

လံာ်စကၤရယၤ 2:11

ဖဲအဆၢကတီၢ်အဝဲန့ၣ်, ပှၤအါကလုာ်ကဟဲဆူယွၤအအိၣ်ဒီးကဲထီၣ်အပှၤဂီၢ်မုၢ်န့ၣ်လီၤ. အဝဲကအိၣ်ဆိးလၢသုကျါ, ဒီးသုကသ့ၣ်ညါလၢအဝဲမၢလီၤယၤဆူသုအိၣ်န့ၣ်လီၤ.

လံာ်မၤလကံ 1:11

ပှၤဂီၢ်မုၢ်လၢမုၢ်ထီၣ်တခီပၢၢ်တုၤလၢမုၢ်နုာ်တခီမၤလၤကပီၤယၤလီၤ. ဒီးအဝဲသ့ၣ်ကဆိၣ်ကဲၤတၢ်နၢမူလၢယဂီၢ်လၢတၢ်လီၢ်ကိးပူၤဒဲးဒီး ကလုၢ်တၢ်လုၢ်ကဆှီလၢယဂီၢ်လီၤ. အဝဲသ့ၣ်ခဲလၢာ်မၤလၤကပီၤယၤလီၤ.

လံာ်မၢ်ကူး 4:30

ယ့ၣ်ၡူးစံးစ့ၢ်ကီးဝဲ, “တၢ်လၢကစၢ်ယွၤအဘီအမုၢ်အံၤ မ့ၢ်ပကစံးလၢအလီၤဂာ်ဒီးတၢ်မနုၤတမံၤလဲၣ်. ပကသူတၢ်ကတိၤဒိမနုၤလၢပကတဲဖျါအဂ့ၢ်အဂီၢ်လဲၣ်.

လံာ်မၢ်ကူး 4:32

သနာ်က့တုၤမ့ၢ်အမဲထီၣ်ဒီးဒိၣ်ထီၣ်န့ၣ်ကဲထီၣ်ဝဲတၢ် အမုၢ်အဒိၣ်ကတၢၢ်လၢတၢ်မုၢ်တၢ်ဘိခဲလၢာ်တဖၣ်အကျါ န့ၣ်လီၤ. အဒ့ဖးဒိၣ်တဖၣ်ဟဲထီၣ်လၢအလိၤတုၤဒၣ်လဲာ် ထိၣ်ဖိလံၣ်ဖိတဖၣ်ဟဲမၤအသွံလၢအဒ့တဖၣ်အလိၤသ့ဝဲန့ၣ် လီၤ.”

လံာ်လူၤကၣ် 17:6

ကစၢ်စံးဆၢအီၤ “သုတၢ်နာ်မ့ၢ်အိၣ်ထဲသိးဒီးသဘၣ်ချံတဖျၢၣ်န့ၣ် သုမ့ၢ်စံးဘၣ်ဝံာ်တထူၣ်အံၤ, ‘ထဲးထီၣ်ကွံာ်နသးလၢနဂံၢ်နဂဲၤတဖၣ်, ဒီးသူၣ်လီၤနသးလၢပီၣ်လဲၣ်အပူၤတက့ၢ်’ န့ၣ်ဒီးအဝဲဒၣ်ကစူၢ်သုကလုၢ်လီၤ.

မၤတၢ် 19:20

လၢတၢ်စိတၢ်ကမီၤအကျဲဒ်သိးအံၤအပူၤန့ၣ်, ကစၢ်အကလုၢ်ကထါရၤလီၤအသးလဲၢ်ထီၣ်ဒီးဆူၣ်ထီၣ်ကွ့ၢ်ကွ့ၢ် န့ၣ်လီၤ.

မၤတၢ် 2:41

အဝဲသ့ၣ်အါဒံအါဂၤနာ်တၢ်လၢစီၤပ့းတရူးစံးဝဲ, ဒီးဘၣ်တၢ်ဘျၢအီၤလၢထံ ဒီးနံၤအဝဲန့ၣ်ပှၤစူၢ်က့ၤနာ်က့ၤတၢ်အနီၣ်ဂံၢ်အါထီၣ်ပှၤသၢကထိဂၤ ဃၣ်ဃၣ်လီၤ.

မၤတၢ် 21:20

အဝဲသ့ၣ်နၢ်ဟူအဝဲအတၢ်စံးတၢ်ကတိၤဝံၤဒီး, စံးထီၣ်ပတြၢၤကစၢ်ယွၤကိးဂၤဒဲးလီၤ. အန့ၣ်ဝံၤဒီးစံးဝဲ, “ဒီပုၢ်ဝဲၢ်စီၤပီလူးဧၢ, နကထံၣ်လၢပှၤယူဒၤဖိလၢအကဲထီၣ် ပှၤစူၢ်က့ၤနာ်က့ၤတၢ်အိၣ်ဝဲလၢအကထိဒီးအကထိတဖၣ်, ဒီးအဝဲသ့ၣ်ခဲလၢာ်ပာ်ဒိၣ်ပှၤယူဒၤဖိအတၢ်သိၣ်တၢ်သီလီၤ.

မၤတၢ် 4:4

ဘၣ်ဆၣ်ဒီးပှၤအါဂၤလၢအနၢ်ဟူဘၣ်တၢ်ကစီၣ်န့ၣ်, စူၢ်က့ၤနာ်က့ၤယ့ၣ်ၡူးသတးဒီး, ပှၤစူၢ်က့ၤနာ်က့ၤတၢ်ခဲလၢာ်ကပှဲၤထီၣ်ယဲၢ်ကထိဂၤဃၣ်ဃၣ်န့ၣ်လီၤ.

မၤတၢ် 5:14

ဘၣ်ဆၣ်ဒီး, ပှၤလၢအစူၢ်က့ၤနာ်က့ၤကစၢ်အနီၣ်ဂံၢ်မုၣ်မုၣ်ခွါခွါအါထီၣ်ဝဲဒၣ်ပှီၢ်ပှီၢ်န့ၣ်လီၤ.

လံာ်လီၣ်ဖျါ 11:15

အန့ၣ်ဝံၤဒီး, ကလူးနွံဂၤတဂၤအူထီၣ်အကွဲၤ, ဒီးတၢ်ကလုၢ်တဖၣ်သီၣ်ထီၣ်ဖးဒိၣ်လၢမူခိၣ်, ဒီးစံးဝဲဒၣ်, “ခဲကနံၣ်အံၤ, တၢ်စိကမီၤဘၣ်ဃးဒီးတၢ်ပၢဘၣ်ဟီၣ်ခိၣ်မ့ၢ် ပကစၢ်ဒီးအမ့းၡံအၤအတၢ်, ဒီးအဝဲဒၣ်ကပၢတၢ်လီၤထူလီၤ ယိာ်လီၤ.”