လံာ်မၢ်ကူး 4:26 - Sgaw Karen Common Bible

²⁶ ယ့ၣ်ၡူးစံးကဒီးဝဲ, “တၢ်လၢကစၢ်ယွၤအဘီအမုၢ်န့ၣ်မၤအသးဒ်အံၤလီၤ. ပှၤကညီတဂၤဖှံလီၤတၢ်ချံလၢအဟီၣ်ခိၣ်အလိၤလီၤ.

လံာ်မၢ်ကူး 4:26 Iomraidhean Croise

တၢ်ကတိၤဒိ. 11:18

ပှၤတတီတလိၤတဖၣ်န့ၣ်တမၤန့ၣ်စဲဃဲၤတၢ်နီတမံၤဘၣ်. ဘၣ်ဆၣ်ဒီးနမ့ၢ်မၤတၢ်အဘၣ်န့ၣ်, နကဘၣ်ဘျုးဘၣ်ဖှိၣ်သ ပှၢ်ကတၢၢ်လီၤ.

လံာ်ပှၤစံၣ်တဲၤတဲလီၤတၢ် 11:4

ကွၢ်စဲကလံၤန့ၣ်ဒီးနတသူၣ်ဘၣ်ဖျးဘၣ်တၢ်နီတဘျီဘၣ်. ကွၢ်စူၢ်တၢ်အၢၣ်တဖၣ်ဒီးနတကူးဘၣ်တၢ်နီတစုဘၣ်.

လံာ်ပှၤစံၣ်တဲၤတဲလီၤတၢ် 11:6

သူၣ်လီၤဖျးလီၤတၢ်လၢမုၢ်ဂီၤဒီးလၢမုၢ်ဟါစ့ၢ်ကီးတက့ၢ်. အဂ့ၢ်ဒ်အံၤ, ကဒိၣ်ထီၣ်ဂ့ၤဂ့ၤခဲလၢာ်ဧါ, မ့တမ့ၢ်, ကဂ့ၤတနီၤ, တဂ့ၤတနီၤဧါန့ၣ်, နတသ့ၣ်ညါနီတစုဘၣ်.

လံာ်ယၡါယၤ 32:20

မ့ၢ်လၢထံအါအါဂီၢ်ဂီၢ်အိၣ်ဝဲလၢတၢ်မုၢ်တၢ်ဘိတဖၣ်အဂီၢ်, ဒီးအီၣ်ဆၣ်အလီၢ်မုာ်အိၣ်ဝဲလၢတၢ်လီၢ်ကိးပူၤဒဲးလၢကသ့ၣ် ယီၤတဖၣ်ဒီးဂီၤဘုၣ်ဂီၤဖံးတဖၣ်အဂီၢ်အဃိန့ၣ်ပှၤကိးဂၤဒဲး ကသးခုဝဲထဲလဲၣ်.

လံာ်မးသဲ 13:11

ယ့ၣ်ၡူးစံးဆၢဝဲ, “ယွၤဟ့ၣ်ဒုးသ့ၣ်ညါသုလၢတၢ်မ့ၢ်တၢ်တီ အတၢ်ခူသူၣ်ဘၣ်ဃးဒီးမူခိၣ်အဘီအမုၢ်, ဘၣ်ဆၣ်အဝဲသ့ၣ်တဘၣ်တၢ်ဟ့ၣ်ဒုးသ့ၣ်ညါအီၤဘၣ်.

လံာ်မးသဲ 13:24

ယ့ၣ်ၡူးတဲကဒီးတၢ်ကတိၤဒိအဂၤတခါဒီးစံး, “မူခိၣ်အဘီအမုၢ်လီၤဂာ်ဒီးပှၤလၢအဖှံလီၤတၢ်ချံလၢအ ဂ့ၤလၢအစံာ်ပျီပူၤလီၤ.

လံာ်မးသဲ 13:3

အဝဲစံးဘၣ်တဲဘၣ်အဝဲသ့ၣ်လၢတၢ်အါမံၤခီဖျိတၢ်ကတိၤဒိ တဖၣ်ဒီးစံးဝဲ, “တဘျီပှၤဖှံတၢ်ချံတဂၤလဲၤဒီးဖှံတၢ်ချံလီၤ.

လံာ်မးသဲ 13:31

ယ့ၣ်ၡူးတဲတၢ်ကတိၤဒိအဂၤတခါဒီးစံး, “မူခိၣ်အဘီအမုၢ်လီၤဂာ်ဒီးသဘၣ်ချံဖိတဖျၢၣ် လၢပှၤတဂၤဟံးန့ၢ်ဒီးဖှံလီၤအီၤလၢစံာ်ပျီပူၤလီၤ.

လံာ်မးသဲ 13:33

အဝဲစံးဘၣ်တဲဘၣ်အဝဲသ့ၣ်လၢတၢ်ကတိၤဒိအဂၤတခါ, “မူခိၣ်အဘီမုၢ်န့ၣ်လီၤဂာ်ဒီးကိၣ်မံၣ်တနီၤလၢပိာ်မုၣ်တဂၤ ဟံးန့ၢ်ဒီးစံၢ်ကျဲၣ်ကျီအီၤလၢကိၣ်ကမူၣ်သၢသလိးအကျါတုၤ ကိၣ်ဖးထီၣ်ဝဲခဲလၢာ်န့ၣ်လီၤ.”

လံာ်မးသဲ 3:2

အဝဲစံးဝဲ, “ပီၢ်ယၢ်လီၤက့ၤဒီး ဃၣ်လိၤက့ၤသုသးတက့ၢ်. အဂ့ၢ်ဒ်အံၤ, မူခိၣ်အဘီအမုၢ်ကသူၣ်လီၤအသးဘူးထီၣ်လံ.”

လံာ်မးသဲ 4:17

စးထီၣ်ဖဲန့ၣ်ယ့ၣ်ၡူးစံၣ်တဲၤတဲလီၤတၢ်ဒီးစံး, “ပီၢ်ယၢ်လီၤက့ၤဒီးဃၣ်လိၤက့ၤသုသးတက့ၢ်. အဂ့ၢ်ဒ်အံၤမူခိၣ်အဘီအမုၢ်ကသူၣ်လီၤအသးဘူးထီၣ်လံ.”

လံာ်မၢ်ကူး 4:25

ပှၤလၢအတၢ်အိၣ်တဂၤန့ၣ်တၢ်ကဟ့ၣ်အါထီၣ်အီၤတၢ်လီၤ. ဒီးပှၤလၢအတၢ်တအိၣ်ဘၣ်တဂၤန့ၣ်, တၢ်တစဲးဖိလၢအအိၣ်ဒီးအီၤဒၣ်လဲာ်, ကဘၣ်တၢ်ဟံးထီၣ်ကွံာ်လၢအအိၣ်လီၤ.”

လံာ်မၢ်ကူး 4:27

လၢမုၢ်နၤအဝဲဒၣ်မံဝဲ, ဒီးလၢမုၢ်ဆ့ၣ်ထီၣ်န့ၣ်ဂဲၤဆၢထၢၣ်ဝဲဒီးလဲၤက့ၤဖံးမၤတၢ်ဒီနံၤညါလီၤ. ဒီးဖဲန့ၣ်ဒီကတီၢ်ညါတၢ်ချံန့ၣ်မဲထီၣ်ဒီးအထံးဖိဒိၣ်ထီၣ်ထီထီၣ်ဝဲလီၤ. သနာ်က့တၢ်ကဲထီၣ်အသးဒ်အံၤဟဲလၢကျဲဒ်လဲၣ်န့ၣ်တသ့ၣ်ညါဝဲဘၣ်.

လံာ်လူၤကၣ် 13:18

မၤသးဒ်န့ၣ်ဒီးယ့ၣ်ၡူးစံးဝဲ, “ကစၢ်ယွၤအဘီအမုၢ်န့ၣ်လီၤဂာ်ဒီးမနုၤလဲၣ်. မ့ၢ်ယကထိၣ်သတြီၤအီၤလၢမနုၤတမံၤလဲၣ်.

လံာ်လူၤကၣ် 8:11

တၢ်ကတိၤဒိတထံၣ်အံၤအခီပညီမ့ၢ်ဝဲဒ်အံၤ, တၢ်ချံမ့ၢ်ဝဲကစၢ်ယွၤအကလုၢ်ကထါလီၤ.

လံာ်လူၤကၣ် 8:5

“ပှၤတဂၤလဲၤဖှံလီၤတၢ်အချံလီၤ. ဖဲအဝဲဒၣ်ဖှံတၢ်ချံလၢစံာ်ပျီပူၤန့ၣ်, တနီၤလီၤဘၣ်လၢကျဲလိၤ, တၢ်ယီၢ်တံၢ်အီၤ, ဒီးထိၣ်တဖၣ်အီၣ်ကွံာ်အီၤလီၤ.

လံာ်ယိၤဟၣ် 12:24

ယစံးဘၣ်တဲဘၣ်သုတၢ်မ့ၢ်တၢ်တီလီၤ. မ့တမ့ၢ်ဘၣ်လၢဘုချံတဖျၢၣ်ဘၣ်တၢ်တ့ၢ်လီၤကွံာ်အီၤဆူဟီၣ်ခိၣ် အလိၤဒီးအုၣ်သံကွံာ်ဘၣ်န့ၣ်, ဘုချံအံၤကအိၣ်ဒၣ်ထဲတဖျၢၣ်ဧိၤဒ်လီၢ်လီၢ်န့ၣ်လီၤ. မ့မ့ၢ်တုၤအအုၣ်သံကွံာ်ဒီးကမဲထီၣ်ဒီးသၣ်ထီၣ်ဝဲအါဖျၢၣ်လီၤ.

ယၤကိာ် 3:18

ဒီးတၢ်ဂ့ၤတၢ်ဝါမ့ၢ်တၤသၣ်လၢအဟဲကဲထီၣ်ဝဲလၢတၢ်အချံ တဖၣ်လၢပှၤမၤဃူမၤဖိးတၢ်တဖၣ်သူၣ်လီၤဖျးလီၤဝဲလၢ တၢ်ဃူတၢ်ဖိးအပူၤန့ၣ်လီၤ.