လံာ်မၢ်ကူး 4:17 - Sgaw Karen Common Bible

¹⁷ ဘၣ်ဆၣ်ဒီးယွၤအကလုၢ်ကထါန့ၣ်တပျဲနုာ်ဝဲယိာ်ယိာ်လၢ အပူၤဘၣ်သတးဒီး, တအိၣ်ကၢအိၣ်ခိးယံာ်ယံာ်ဘၣ်. တုၤမ့ၢ်တၢ်မၤကွၢ်ဒီးတၢ်မၤအၢမၤနးဟဲတုၤအိၣ်အဝဲသ့ၣ် လၢတၢ်တူၢ်လိာ်ယွၤအကလုၢ်ကထါအဃိဒီး, အဝဲသ့ၣ်ညိကွံာ်တၢ်ကစီၣ်န့ၣ်တဘျီဃီလီၤ.

လံာ်မၢ်ကူး 4:17 Iomraidhean Croise

လံာ်စီၤယိၤဘး 19:28

ပမၤနးမၤဖှီၣ်အီၤကသ့ဒ်လဲၣ်. အတၢ်ကီတၢ်ခဲအခီၣ်ထံးခီၣ်ဘိန့ၣ်မ့ၢ်ဒၣ်အကစၢ်ဒၣ်ဝဲအဃိန့ၣ် လီၤ.

လံာ်မးသဲ 11:6

ပှၤလၢအသးတဒ့ဒီဘၣ်လၢတၢ်နာ်ယၤအပူၤတဖၣ်န့ၣ်, ဘၣ်ဆိၣ်ဂ့ၤနီၢ်နီၢ်လီၤ.”

လံာ်မးသဲ 12:31

လၢတၢ်န့ၣ်အဃိယစံးဘၣ်တဲဘၣ်သု, ကယဲၢ်တၢ်ဒဲးဘးဒီးတၢ်ကတိၤအၢကတိၤသီခဲလၢာ်န့ၣ်ယွၤ ကပျၢ်န့ၢ်ပှၤကညီလီၤ. မ့မ့ၢ်တၢ်ကတိၤအၢ, တၢ်ကတိၤကမၣ်ဘၣ်ယွၤအသးစီဆှံန့ၣ်, ယွၤတပျၢ်န့ၢ်ပှၤကညီဘၣ်.

လံာ်မးသဲ 13:21

ဘၣ်ဆၣ်ဒီး, အဂံၢ်တယိာ်ဘၣ်သတးဒီး, တမူယံာ်ယံာ်ဘၣ်. တုၤတၢ်နးတၢ်ဖှီၣ်ဒီး တၢ်မၤအၢမၤနးအိၣ်ထီၣ်လၢတၢ်ကစီၣ် အဃိဒီး, အဝဲသ့ၣ်အသးဟးဂီၤတဘျီဃီလီၤ.

လံာ်မၢ်ကူး 4:16

အဂၤတနီၤလီၤဂာ်ဒီး တၢ်ချံလၢအလီၤဘၣ်လၢလၢၢ်ကျါလ့ကျါ အသိးဒီးမ့ၢ်ပှၤတဖၣ်လၢတုၤမ့ၢ်အနၢ်ဟူဘၣ်တၢ်ကစီၣ်န့ၣ်, တူၢ်လိာ်ဝဲချ့သဒံးပှဲၤဒီးတၢ်သူၣ်ခုသးခုလီၤ.

လံာ်မၢ်ကူး 4:18

အန့ၣ်ဝံၤပှၤအိၣ်ဒံးအဂၤတနီၤလၢအလီၤဂာ်ဒီးတၢ်ချံလၢ အလီၤဘၣ်ဖဲတၤဆှုၣ်တၤမဲအကျါန့ၣ်လီၤ. အဝဲသ့ၣ်အံၤမ့ၢ်ပှၤတဖၣ်လၢအနၢ်ဟူဘၣ်ယွၤအကလုၢ်ကထါ,

လံာ်လူၤကၣ် 12:10

ပှၤတဂၤလၢ်လၢ်လၢအကတိၤထီဒါဘၣ်ပှၤကညီဖိခွါလၢတၢ်ကတိၤ တဘီန့ၣ်, တၢ်ပျၢ်ကွံာ်အတၢ်ကမၣ်သ့ဝဲလီၤ. မ့မ့ၢ်, ပှၤတဂၤလၢအကတိၤဒုၣ်ဒွဲၣ်သးစီဆှံန့ၣ်, တၢ်တပျၢ်ကွံာ်အတၢ်ကမၣ်ဘၣ်.

လံာ်ယိၤဟၣ် 8:31

မၤသးဒ်န့ၣ်ဒီး, ယ့ၣ်ၡူးစံးဘၣ်ပှၤယူဒၤဖိလၢအစူၢ်က့ၤနာ်က့ၤအီၤ တဖၣ်, “သုမ့ၢ်စူၢ်ယတၢ်သိၣ်လိသီလိဒီးသုမ့ၢ်နီၢ်နီၢ်ယပျဲၢ် ယဘီၣ်တဖၣ်လီၤ.

ကလၤတံ 6:12

ပှၤသ့ၣ်တဖၣ်လၢအဂုာ်ကျဲးစၢးမၢဆူၣ်သုဒိးတၢ်ကူးတရံး န့ၣ်မ့ၢ်ပှၤတဖၣ်လၢအအဲၣ်ဒိးမၤအိၣ်အမဲာ်သၣ်ဒီးကတိၤတၢ် ကဖၢလၢဘၣ်ဃးတၢ်အိၣ်ဖျါလၢခိတကပၤလီၤ. အဝဲသ့ၣ် မၤဝဲဒ်အံၤန့ၣ်, မ့ၢ်ဒ်သိးအသုတဘၣ်တၢ်မၤအၢမၤနးအီၤ, လၢအစံၣ်တဲၤတဲလီၤခရံာ်အတၢ်သံလၢထူၣ်စုညါအလိၤ အဂ့ၢ်အဃိ, တဂ့ၤအဂီၢ်န့ၣ်လီၤ.

၂ တံၤမသ့း 1:15

နသ့ၣ်ညါလၢပှၤကိးဂၤဒဲးလၢကီၢ်အၤစံအပူၤ, ဃုာ်ဒီးစီၤဖူက့းလူးဒီးစီၤအ့းရံမိက့းန့ၤတဖၣ်ဟး သဒၣ်ကွံာ်ယၤလံန့ၣ်လီၤ.

၂ တံၤမသ့း 4:16

ဖဲယကတိၤဒီဒၣ်ယသးအဆိကတၢၢ်တဘျီန့ၣ်, ပှၤတဆၢထၢၣ်ဃုာ်ဒီးယၤနီတဂၤဘၣ်. ပှၤဟးသဒၣ်ကွံာ်ယၤခဲလၢာ်လီၤ. မ်ကစၢ်ယွၤအသုတပာ်တၢ်ကမၣ်လၢအဝဲသ့ၣ်အလိၤတဂ့ၤ.

ဧ့ၤဘြံၤ 10:29

မ့မ့ၢ်ဒ်န့ၣ်ဒီးပှၤလၢအကွၢ်တလီၤကစၢ်ယွၤအဖိခွါ, ဒီးတပာ်လုၢ်ပာ်ပှ့ၤဘၣ်ကစၢ်ယွၤအတၢ်အၢၣ်လီၤအီလီၤလၢ အမ့ၢ်ယ့ၣ်ၡူးခရံာ်အသွံၣ်လၢအမၤကဆှီထီၣ်အီၤလၢအတၢ် ဒဲးဘး, ဒီးကတိၤဒုၣ်ဒွဲၣ်ယွၤအသးလၢအလၢပှဲၤဒီးတၢ်ဘျုး တၢ်ဖှိၣ်တဂၤန့ၣ်, ကြၢးဒိးဘၣ်တၢ်စံၣ်ညီၣ်ဃၣ်အီၤနးန့ၢ်အန့ၣ် တက့ၢ်ဆံးဒိၣ်လဲၣ်.

၁ ယိၤဟၣ် 2:19

ပှၤတဖၣ်အံၤတဘၣ်ဃးဒီးပတၢ်ရ့လိာ်မုာ်လိာ်နီၢ်နီၢ်ဘၣ် အဃိ, ဟးထီၣ်ကွံာ်လၢပကျါန့ၣ်လီၤ. အဝဲသ့ၣ်မ့ၢ်ဘၣ်ဃး တ့ၢ်လံဒီးပှၤနီၢ်နီၢ်ဒီး, ကအိၣ်ကဆိးတ့ၢ်ဒီးပှၤန့ၣ်လီၤ. ဘၣ်ဆၣ်ဒီး, အဝဲသ့ၣ်ဟးထီၣ်ကွံာ်လၢပကျါဒ်သိးအကအိၣ်ဖျါဝဲဒၣ်လၢအဝဲသ့ၣ် တဘၣ်ဃးဒီးပှၤနီၢ်နီၢ်နီတဂၤဘၣ် အဂီၢ်န့ၣ်လီၤ.

လံာ်လီၣ်ဖျါ 2:10

တၢ်လၢနကတူၢ်ဘၣ်အီၤခဲကနံၣ်အံၤန့ၣ်တဘၣ်ပျံၤအီၤနီ တမံၤတဂ့ၤ. ဒိကနၣ်တက့ၢ်. မုၣ်ကီၤလံၢ်ကမၤကွၢ်သုခီဖျိအဒုးဃာ်သုဝဲတနီၤလၢဃိာ်ပူၤ, ဒီးသုကဘၣ်ကီဘၣ်ခဲလၢအသီတဆံအတီၢ်ပူၤလီၤ. နမ့ၢ်ဘၣ်သံဒၣ်လဲာ်န့ၣ်, သးတီဒီးယၤတက့ၢ်, ဒီးယကဟ့ၣ်နၤလၢတၢ်မူဒ်နတၢ်မၤနၢၤအခိၣ်ဖးန့ၣ်လီၤ.

လံာ်လီၣ်ဖျါ 2:13

နအိၣ်နဲဆိးနဲဖဲလဲၣ်ပူၤလဲၣ်န့ၣ်ယသ့ၣ်ညါယဲ, မ့ၢ်ဝဲတၢ်လီၢ်တၢ်ကျဲဖဲမုၣ်ကီၤလံၢ်အလီၢ်ပစိာ်အိၣ်ဝဲန့ၣ်လီၤ. နတီနဲဒီးယၤ, ဒီးဖဲဆၢကတီၢ်လၢယပှၤအုၣ်အသးလၢအသးတီ တဂၤ, စီၤအၣ်တံပၤဘၣ်တၢ်မၤသံအီၤဖဲမုၣ်ကီၤလံၢ်အိၣ်ဆိးဝဲ အလီၢ်အခါဒၣ်လဲာ်န့ၣ်, နတစူးကွံာ်ညိကွံာ်နတၢ်စူၢ်တၢ်နာ်လၢ ယပူၤဘၣ်လီၤ.