လံာ်မၢ်ကူး 4:15 - Sgaw Karen Common Bible

¹⁵ ပှၤတနီၤန့ၣ်လီၤဂာ်ဒီးတၢ်ချံလၢအလီၤဘၣ်လၢကျဲသရ့ၤထံး န့ၣ်လီၤ. မ့ၢ်ပှၤတဖၣ်လၢတုၤအနၢ်ဟူဘၣ်တၢ်ကစီၣ်ဝံၤတကီၢ် ခါမုၣ်ကီၤလံၢ်ဟဲဒီးစိာ်ကွံာ်ယွၤအကလုၢ်ကထါလၢအလီၤ ဘၣ်လၢအဝဲသ့ၣ်အပူၤလီၤ.

လံာ်မၢ်ကူး 4:15 Iomraidhean Croise

လံာ်တၢ်ကဲထီၣ်အခီၣ်ထံး 19:14

တုၤနုၤတစု, စီၤလိာ်လဲၤဆူပှၤလၢကဒိးတ့ဒိးဖျီအသးဒီး အဖိမုၣ်တဖၣ်အအိၣ်ဒီးစံး, “မၤချ့ချ့ဒီးဟးထီၣ်ဖဲအံၤတက့ၢ်. ယွၤကမၤဟးဂီၤကွံာ်တၢ်လီၢ်အံၤန့ၣ်လီၤ.” ဘၣ်ဆၣ်ဒီး, အဝဲသ့ၣ်ဆိကမိၣ်ဒၣ်လၢအတဲလီၤနံၤတၢ်န့ၣ်လီၤ.

လံာ်ယၡါယၤ 53:1

ပှၤဂီၢ်မုၢ်စံးဆၢကဒါက့ၤဝဲ, “တၢ်လၢပပာ်ဖျါခဲအံၤမ့ၢ်မတၤကနာ်အီၤန့ၣ်လဲၣ်. မ့ၢ်မတၤထံၣ်ယွၤအစုမၤတၢ်လၢတၢ်အံၤအပူၤ ကသ့န့ၣ်လဲၣ်.

လံာ်စကၤရယၤ 3:1

လၢတၢ်ထံၣ်လၢညါခီအဂၤတမံၤအပူၤန့ၣ်, ယွၤဒုးနဲၣ်ယၤလၢပှၤလုၢ်တၢ်အခိၣ်အဒိၣ်ကတၢၢ်စီၤယိၤၡူဆၢထၢၣ် လၢယွၤအကလူးအမဲာ်ညါလီၤ. ဖဲန့ၣ်မုၣ်ကီၤလံၢ်ဆၢထၢၣ်ဖဲ စီၤယိၤၡူအကပၤ, ဒီးအိၣ်ကတဲာ်ကတီၤအသးဒ်သိးကလိာ်ကွီၢ်ထီဒါအီၤန့ၣ်လီၤ.

လံာ်မးသဲ 13:19

ပှၤလၢအနၢ်ဟူတၢ်ကစီၣ်ဘၣ်ဃးဒီးဘီမုၢ်ဘၣ်ဆၣ်တနၢ်ပၢၢ်ဝဲ တဖၣ်န့ၣ်, လီၤဂာ်ဒီးတၢ်ချံလၢအလီၤဘၣ်လၢကျဲအသရ့ၤထံးလီၤ. တၢ်အၢတၢ်သီတဂၤန့ၣ်ဟဲဒီးဂုာ်န့ၢ်ကွံာ်တၢ်လၢအဘၣ်တၢ်ဖှံလီၤလၢ အဝဲသ့ၣ်အသးပူၤလီၤ.

လံာ်မးသဲ 22:5

ဘၣ်ဆၣ်ဒီး, အဝဲသ့ၣ်တပာ်ဒိၣ်တၢ်ကွဲမုာ်အံၤဘၣ်ဒီး, လဲၤဝဲဆူတၢ်လီၢ်အဂုၤအဂၤတဖၣ်လီၤ. တဂၤလဲၤဆူအစံာ်ပျီပူၤ, ဒီးအဂၤတဂၤလဲၤဝဲဆူအပနံာ်တၢ်ကၤတၢ်အလီၢ်လီၤ.

လံာ်မးသဲ 4:10

တုၤနုၤတစုယ့ၣ်ၡူးစံးဆၢအီၤ, “ဟးဖးဒီးယၤတက့ၢ်မုၣ်ကီၤလံၢ်ဧၢ, အဂ့ၢ်ဒ်အံၤ, တၢ်ကွဲးအသးစံးဝဲ, ‘နဘၣ်ဘူၣ်ထီၣ်ဘါထီၣ် ဒီးမၤထဲယွၤနကစၢ်ယွၤတဂၤဧိၤအတၢ်မၤလီၤ’ ” (သိၣ်သီ. ၆:၁၃).

လံာ်မၢ်ကူး 4:14

တၢ်လၢပှၤဖှံလီၤတၢ်ချံတဂၤဖှံလီၤဝဲန့ၣ်မ့ၢ်ကစၢ်ယွၤအကလုၢ်ကထါလီၤ.

လံာ်မၢ်ကူး 4:16

အဂၤတနီၤလီၤဂာ်ဒီး တၢ်ချံလၢအလီၤဘၣ်လၢလၢၢ်ကျါလ့ကျါ အသိးဒီးမ့ၢ်ပှၤတဖၣ်လၢတုၤမ့ၢ်အနၢ်ဟူဘၣ်တၢ်ကစီၣ်န့ၣ်, တူၢ်လိာ်ဝဲချ့သဒံးပှဲၤဒီးတၢ်သူၣ်ခုသးခုလီၤ.

လံာ်မၢ်ကူး 4:4

ဖဲအဝဲဖှံလီၤတၢ်ချံအကတီၢ်န့ၣ်, တၢ်ချံတနီၤလီၤဘၣ်ဝဲလၢကျဲသရ့ၤ ထံးဒီးထိၣ်ဖိလံၣ်ဖိတဖၣ်ဟဲဒီးအီၣ်ကွံာ်တၢ်ချံတဖၣ်န့ၣ်လီၤ.

လံာ်လူၤကၣ် 8:12

တၢ်ချံလၢအလီၤဘၣ်လၢကျဲလိၤပာ်ဖျါထီၣ်ပှၤတဖၣ်လၢအနၢ် ဟူဘၣ်တၢ်, ဘၣ်ဆၣ်မုၣ်ကီၤလံၢ်ဟဲဒီးဟံးထီၣ်ကွံာ်တၢ်အကလုၢ် ကထါလၢအဝဲသ့ၣ်တဖၣ်အသးကံၢ်ပူၤ, ဒ်သိးအကတြီအဝဲသ့ၣ်လၢအသုတစူၢ်က့ၤနာ်က့ၤတၢ်ဒီး ဒိးန့ၢ်ဘၣ်တၢ်အုၣ်က့ၤခီၣ်က့ၤတဂ့ၤအဂီၢ်န့ၣ်လီၤ.

မၤတၢ် 17:32

ဘၣ်ဆၣ်ဒီး, ဖဲအဝဲသ့ၣ်နၢ်ဟူစီၤပီလူးကတိၤတၢ်ဘၣ်ဃးတၢ် ဒုးဂဲၤဆၢထၢၣ်က့ၤပှၤလၢတၢ်သံန့ၣ်, အဝဲသ့ၣ်တနီၤနံၤဘၣ်ဖၣ်လဲအီၤ, မ့မ့ၢ်အဂၤတဖၣ်စံးဝဲ, “ပသးအိၣ်နၢ်ဟူဘၣ်ကဒီးနကတိၤတၢ်ဂ့ၢ် တမံၤအံၤလီၤ.”

မၤတၢ် 5:3

စီၤပ့းတရူးသံကွၢ်အီၤ, “စီၤအနၤနံဧၢ, ဘၣ်မနုၤနပျဲမုၣ်ကီၤလံၢ်ပၢနၤလၢနကလီန့ၢ်သးစီဆှံအတၢ်ဒီး ပာ်ဃာ်က့ၤစ့တနီၤလၢနမၤန့ၢ်ဖဲနဆါလီၤကွံာ်နစုလီၢ်ခီၣ်ခိၣ် အခါန့ၣ်လဲၣ်.

၂ ကရံၣ်သူး 2:11

ဒ်သိးမုၣ်ကီၤလံၢ်အသုတအိၣ်ဒီးအခွဲးအယာ်လၢပဖီခိၣ် တဂ့ၤအဂီၢ်န့ၣ်လီၤ. အဂ့ၢ်ဒ်အံၤ, အဝဲအတၢ်ကူၣ်ထီၣ်ဖးလီၤတဖၣ်မ့ၢ်တၢ်မနုၤလဲၣ်န့ၣ်ပသ့ၣ်ညါ ပဝဲလီၤ.

၂ သ့းစၤလနံ 2:9

ဖဲတၢ်အၢတၢ်သီတဂၤဟဲဝဲအိၣ်ဒီးမုၣ်ကီၤလံၢ်အစိကမီၤ န့ၣ်အဝဲဒၣ်ကမၤတၢ်လီၤလးဒီးတၢ်လီၤကမၢကမၣ်လၢ အလီန့ၢ်တၢ်အကလုာ်ကလုာ်တဖၣ်,

ဧ့ၤဘြံၤ 12:16

တဘၣ်ပျဲပှၤမၤကမၣ်ပိာ်မုၣ်ပိာ်မၢၤမ့ၢ်ဂ့ၤ, ပှၤလၢအတယူးယီၣ် ယွၤဒ်စီၤဧ့ၡီၤလၢအလဲလိာ်အီၣ်အဖိဝဲၢ်ကိအလီၢ်လၢတၢ်အီၣ်ဘျဲးအီၣ် တဘျီအဂီၢ်အသိးမ့ၢ်ဂ့ၤနီတဂၤတဂ့ၤ.

ဧ့ၤဘြံၤ 2:1

လၢတၢ်န့ၣ်အဃိပကဘၣ်ဟံးဃာ်တၢ်မ့ၢ်တၢ်တီလၢပနၢ်ဟူ တ့ၢ်လံတဖၣ်ကျၢၤန့ၢ်အလီၢ်တက့ၢ်ဒ်သိးဒီးပသုတဘၣ် တၢ်စိာ်ကွံာ်ပှၤတဂ့ၤအဂီၢ်န့ၣ်လီၤ.

၁ ပ့းတရူး 5:8

အိၣ်စီၣ်မဲာ်စီၣ်နါဒီးဆိးသီတက့ၢ်. သုဒုၣ်သုဒါမုၣ်ကီၤလံၢ်ဟးဝ့ၤဝီၤဒ်ခ့ယုၢ်ကညီၤရုၢ်ရုၢ် အသိးဒီးဃုပှၤလၢအကယူၢ်လီၤဝဲလီၤ.

လံာ်လီၣ်ဖျါ 12:9

ပယိၤဖးဒိၣ်, ဂုၢ်လၢပျၢၤတဘိ, လၢအမံၤမ့ၢ်ဝဲ, မုၣ်ကီၤလံၢ် မ့တမ့ၢ်စၤတၣ်, လၢအလီန့ၢ်ဟီၣ်ခိၣ်ဒီဘ့ၣ်န့ၣ်, ဘၣ်တၢ်တ့ၢ်လီၤကွံာ်အီၤလီၤ. အဝဲဘၣ်တၢ်တ့ၢ်လီၤကွံာ်အီၤ ဆူဟီၣ်ခိၣ်ချၢ, ဃုာ်ဒီးအကလူးတဖၣ်ခဲလၢာ်လီၤ.

လံာ်လီၣ်ဖျါ 20:10

တုၤနုၤတစုမုၣ်ကီၤလံၢ်, လၢအလီန့ၢ်တ့ၢ်အဝဲသ့ၣ်န့ၣ် ဘၣ်တၢ်တ့ၢ်လီၤအီၤဆူမ့ၣ်အူဒီးကးအနိၣ်အပူၤဖဲ တၢ်ဒူတၢ်ဃိၤဒီးဝံအဘျၣ်ဘၣ်တၢ်တ့ၢ်လီၤတ့ၢ်အီၤ, ဒီးအဝဲသ့ၣ်ကဘၣ်တၢ်မၤနးမၤဖှီၣ်အီၤလၢမုၢ်ဆါ ဒီးမုၢ်နၤအစိၤစိၤအဃၣ်ဃၣ်လီၤ.

လံာ်လီၣ်ဖျါ 20:7

ဖဲအနံၣ်တကထိပှဲၤထီၣ်ဝံၤအလီၢ်ခံန့ၣ်, မုၣ်ကီၤလံၢ်ကဘၣ်တၢ်ပျၢ်လီၤကွံာ်အီၤလၢအဃိာ် ပူၤ