လံာ်မၢ်ကူး 4:12 - Sgaw Karen Common Bible

¹² လၢတၢ်န့ၣ်အဃိအဝဲသ့ၣ်ကကွၢ်ဝံၤကကွၢ်က့ၤကဒီး, ဘၣ်ဆၣ် တထံၣ်ဝဲဘၣ်. အဝဲသ့ၣ်ကကနၣ်ဝံၤကနၣ်က့ၤကဒီး, ဘၣ်ဆၣ်တနၢ်ပၢၢ်ဝဲဘၣ်. အဂ့ၢ်ဒ်အံၤ, အဝဲသ့ၣ်မ့ၢ်ထံၣ်ဒီးနၢ်ပၢၢ်ဝဲတခီကဃၣ်က့ၤ အသးဆူကစၢ်ယွၤအအိၣ်, ဒီးအဝဲဒၣ်ကပျၢ်ကွံာ်အတၢ်သရူး အတၢ်ကမၣ်လီၤ.”

လံာ်မၢ်ကူး 4:12 Iomraidhean Croise

လံာ်ယၡါယၤ 43:8

ကစၢ်ယွၤစံးဝဲ, “ကိးဖှိၣ်ပှၤဂီၢ်မုၢ်ဆူကွီၢ်ဘျီၣ်တက့ၢ်. အဝဲသ့ၣ်အမဲာ်ချံအိၣ်, ဘၣ်ဆၣ်အဝဲသ့ၣ်အမဲာ်ချံဘျီၣ်လီၤ. အဝဲသ့ၣ်အနၢ်အိၣ်, ဘၣ်ဆၣ်အဝဲသ့ၣ်အနၢ်တအၢလီၤ.

လံာ်ယၡါယၤ 44:18

ပှၤဒ်န့ၣ်သိးတဖၣ်ဟးဂီၤနးနးကလဲာ်လၢတသ့ၣ်ညါတၢ်လၢအဝဲသ့ၣ် မၤဝဲအဂ့ၢ်အဃိန့ၣ်လီၤ. အဝဲသ့ၣ်ဘံၣ်ဃးအမဲာ်ဒီးကးတံၢ်အသးတြီတၢ်မ့ၢ်တၢ်တီန့ၣ်လီၤ.

လံာ်ယံးရမံယၤ 36:3

ဘၣ်သ့ၣ်သ့ၣ် ဖဲကီၢ်ယူဒၤအပှၤဂီၢ်မုၢ်နၢ်ဟူ တၢ်ဂ့ၢ်ဘၣ်ဃးတၢ်ဟးဂီၤလၢ ယတိာ်ပာ်လၢ ယကဒုးလီၤဘၣ်လၢအဝဲသ့ၣ်အလိၤန့ၣ်, အဝဲသ့ၣ် ကဃၣ်ကွံာ်အသးလၢ ကျဲအအၢအသီတဖၣ်န့ၣ်လီၤ. အန့ၣ်ဒီး, ယကပျၢ်ကွံာ်အဝဲသ့ၣ်အတၢ်အၢတၢ်သီဒီး အတၢ်ဒဲးဘးတဖၣ်န့ၣ်လီၤ.”

လံာ်ယံးရမံယၤ 5:21

သုဝဲပှၤဂီၢ်မုၢ်လၢအမၢးဒီးအသးတဆးတဖၣ်, ပှၤတဖၣ်လၢအအိၣ်ဒီးအမဲာ်ချံတဖၣ်ဘၣ်ဆၣ်ထံၣ်တၢ်တသ့ဘၣ်, ပှၤတဖၣ်လၢအအိၣ်ဒီးနၢ်တဖၣ်ဘၣ်ဆၣ်နၢ်ဟူတၢ်တသ့ဘၣ်သ့ၣ်ဧၢ, ပာ်သူၣ်ပာ်သးတက့ၢ်.

လံာ်မၢ်ကူး 8:18

သုအိၣ်ဒီးသုမဲာ်ချံကစီဒီ, မ့ၢ်သုတထံၣ်တၢ်ဘၣ်ဧါ. သုအိၣ်ဒီးသုနၢ်တဖၣ်ကစီဒီ, မ့ၢ်သုတနၢ်ဟူတၢ်ဘၣ်ဧါ. သုတသ့ၣ်နီၣ်လၢၤဘၣ်ဧါ.

လံာ်လူၤကၣ် 8:10

ယ့ၣ်ၡူးစံးဆၢဝဲ, “တၢ်သ့ၣ်ညါနၢ်ပၢၢ်ဘၣ်ဃးဒီးကစၢ်ယွၤအဘီအမုၢ်အတၢ် ခူသူၣ်န့ၣ်, တၢ်ဟ့ၣ်တ့ၢ်လံအီၤလၢသုဝဲလံ. မ့မ့ၢ်ပှၤအဂၤတဖၣ်န့ၣ်, တၢ်ပာ်ဖျါထီၣ်အီၤခီဖျိတၢ်ကတိၤဒိဒ်သိး အဝဲသ့ၣ်ကကွၢ်တၢ်ဘၣ်ဆၣ်တထံၣ်တၢ်ဘၣ်, ဒီးကဒိကနၣ်တၢ်ဘၣ်ဆၣ်တနၢ်ပၢၢ်တၢ်ဘၣ်န့ၣ်လီၤ.”

မၤတၢ် 3:19

ပီၢ်ယၢ်လီၤဒီးဃၣ်လိၤက့ၤသုသးဆူကစၢ်ယွၤအအိၣ်, ဒ်သိးအဝဲကပျၢ်ကွံာ်သုတၢ်ဒဲးဘးအဂီၢ်န့ၣ်တက့ၢ်. သုမ့ၢ်မၤဒ်န့ၣ်ဒီး,

လံာ်သိၣ်လီၤသီလီၤတၢ် 29:4

ဘၣ်ဆၣ်တုၤလီၤလၢမုၢ်မဆါတနံၤအံၤဒၣ်လဲာ်, အဝဲတပျဲဒံးသုနၢ်ပၢၢ်တၢ်လၢသုကထံၣ်ဘၣ်တ့ၢ်အီၤတဖၣ်န့ၣ်ဘၣ်.

၂ တံၤမသ့း 2:25

လၢအသိၣ်က့ၤသီက့ၤပှၤလၢအထီဒါအီၤတဖၣ်လၢတၢ်သးစူၤ အပူၤန့ၣ်လီၤ. မ့ၢ်မၤဝဲဒ်န့ၣ်ဒီး, ဘၣ်တဘၣ်ကစၢ်ယွၤကဟ့ၣ်လီၤအဝဲသ့ၣ်တၢ်အခွဲးအယာ်လၢ ကပီၢ်ယၢ်လီၤက့ၤအသးဒီးကတုၤလၢတၢ်သ့ၣ်ညါတၢ်မ့ၢ်တၢ်တီ အဂီၢ်န့ၣ်လီၤ.

ဧ့ၤဘြံၤ 6:6

ဒီးတုၤအဝဲသ့ၣ်စူးကွံာ်ညိကွံာ်အတၢ်စူၢ်တၢ်နာ်န့ၣ်တၢ်ကဆှၢ ကဒါက့ၤကဒီးအီၤဆူတၢ်ပီၢ်ယၢ်လီၤက့ၤအသးန့ၣ်တသ့ဘၣ်. မ့ၢ်လၢ အဝဲသ့ၣ်ပျၤထီကဒီးကစၢ်ယွၤအဖိခွါဒီး မၤမဲာ်ဆှးအီၤလၢကမျၢၢ်အမဲာ်ညါအဃိန့ၣ်လီၤ.