လံာ်မၢ်ကူး 3:9 - Sgaw Karen Common Bible

⁹ မ့ၢ်လၢပှၤဂီၢ်မုၢ်အိၣ်အါဒိၣ်မးအဃိ, ဒ်သိးအသုတဆီၣ်သနံးဘၣ်အီၤ တဂ့ၤဒီးယ့ၣ်ၡူးမၢအပျဲၢ်အဘီၣ်တဖၣ်ကတဲာ်ကတီၤပာ်စၢၤချံတဘ့ၣ်လီၤ.

လံာ်မၢ်ကူး 3:9 Iomraidhean Croise

လံာ်မးသဲ 15:39

ဒီးပျၢ်ကွံာ်ပှၤဂီၢ်မုၢ်တဖၣ်န့ၣ်ဒီး, လဲၤနုာ်ဆူချံပူၤဒီးလဲၤဆူကီၢ်မၤကဒၣ်အခိၣ်အဃၢၤန့ၣ်လီၤ.

လံာ်မၢ်ကူး 4:1

ယ့ၣ်ၡူးသိၣ်လီၤသီလီၤကဒီးတၢ်လၢပီၣ်လဲၣ်ကၤလံၤလါအနံၤ လီၤ. ပှၤဂီၢ်မုၢ်ဟဲပာ်ဖှိၣ်အသးဝးတရံးအီၤအါဝဲတုၤဒၣ်လဲာ်ယ့ၣ်ၡူး လဲၤနုာ်ဆူချံတဘ့ၣ်အပူၤဒီးဆ့ၣ်နီၤဝဲလီၤ. ချံန့ၣ်အိၣ်ဝဲလၢပီၣ်လဲၣ်ထံဖံးခိၣ်ဒီးပှၤဂီၢ်မုၢ်အိၣ်ဆၢ ထၢၣ်ဒိကနၣ်အီၤလၢပီၣ်လဲၣ်အနံၤန့ၣ်လီၤ.

လံာ်မၢ်ကူး 4:36

အန့ၣ်ဝံၤအဝဲသ့ၣ်ဟးထီၣ်ကွံာ်လၢပှၤဂီၢ်မုၢ်အကျါလီၤ. အပျဲၢ်အဘီၣ်တဖၣ်ဒိးထီၣ်ချံတဘ့ၣ်ဃီလၢယ့ၣ်ၡူးအိၣ်ပာ်တ့ၢ်လံ လၢအပူၤဒီးခီသကိးပီၣ်လဲၣ်ဒီးအီၤလီၤ. ချံအဂၤတဖၣ် အိၣ်စ့ၢ်ကီးဖဲန့ၣ်လီၤ.

လံာ်မၢ်ကူး 5:2

အဝဲဒၣ်စံၣ်လီၤလၢချံပူၤတယံာ်ဘၣ်ဒီး ပှၤလၢတၢ်နါဒိးအီၤတဂၤဟးထီၣ်လၢတၢ်သွၣ်ခိၣ်အပူၤဒီးဟဲ သဂၢၢ်အီၤလီၤ.

လံာ်မၢ်ကူး 5:30

တဘျီဃီဖဲန့ၣ်ယ့ၣ်ၡူးသ့ၣ်ညါလၢတၢ်စိတၢ်ကမီၤဟးထီၣ်ကွံာ် လၢအပူၤသတးဒီးဃၣ်ကဒါက့ၤအသးဆူပှၤဂီၢ်မုၢ်အအိၣ် ဒီးသံကွၢ်ဝဲ, “မ့ၢ်မတၤတဂၤထိးဘၣ်ယဆ့ကၤလဲၣ်.”

လံာ်မၢ်ကူး 6:32

လၢတၢ်န့ၣ်အဃိအဝဲသ့ၣ်ဒိးထီၣ်ချံတဘ့ၣ်ဒီးလဲၤဝဲထဲ အဝဲသ့ၣ်ဆူတၢ်လီၢ်တပူၤဖဲပှၤတအိၣ်နီတဂၤဘၣ်န့ၣ်လီၤ.

လံာ်လူၤကၣ် 5:1

ဘၣ်တနံၤဖဲယ့ၣ်ၡူးအိၣ်ဆၢထၢၣ်လၢနိၣ်ကံးန့ရ့ၤသးအကၢၢ်ခိၣ်န့ၣ်, ပှၤဂီၢ်မုၢ်တဖၣ်သနံးလိာ်အသးဒ်သိးအကနၢ်ဟူဘၣ်ကစၢ်ယွၤ အကလုၢ်ကထါအဂီၢ်လီၤ.

လံာ်လူၤကၣ် 5:3

ယ့ၣ်ၡူးလဲၤနုာ်လီၤဆူချံတဘ့ၣ်အပူၤလၢအမ့ၢ်စီၤပ့းတရူးအတၢ်, ဒီးမၢအီၤလၢအကသုးယံၤထီၣ်အချံလၢထံကၢၢ်ခိၣ်တစဲးဖိလီၤ. အန့ၣ်ဝံၤဒီးယ့ၣ်ၡူးဆ့ၣ်နီၤလၢချံပူၤဒီးသိၣ်လီၤသီလီၤပှၤဂီၢ်မုၢ် တဖၣ်လီၤ.

လံာ်ယိၤဟၣ် 6:15

ယ့ၣ်ၡူးသ့ၣ်ညါလၢအဝဲသ့ၣ်ကဟဲဟံးန့ၢ်ဆူၣ်အီၤဒ် သိးအကဒုးကဲအီၤလၢစီၤပၤအဃိ, အဝဲဟးထီၣ်ကဒီးဆူကစၢၢ်ကလိအကျါထဲတဂၤ ဧိၤန့ၣ်လီၤ.