လံာ်မၢ်ကူး 3:8 - Sgaw Karen Common Bible

⁸ လၢဝ့ၢ်ယရူၤၡလ့ၣ်, လၢကီၢ်အဒိၣ်, လၢကီၢ်အိၣ်လၢယၢ်ဒ့ၣ်မုၢ်ထီၣ်တကပၤဒီးတၢ်လီၢ်တၢ်ကျဲအိၣ်ဘူး အိၣ်တံၢ်ဒီးဝ့ၢ်ထါယၢၣ်ဒီးဝ့ၢ်စံဒိၣ်တဖၣ်လီၤ. ပှၤသ့ၣ်တဖၣ်အံၤဟဲဝဲဆူယ့ၣ်ၡူးအအိၣ်မ့ၢ်လၢအဝဲသ့ၣ်နၢ်ဟူ ဘၣ်တ့ၢ်လံတၢ်တဖၣ်လၢအဝဲဒၣ်မၤဝဲအဃိလီၤ.

လံာ်မၢ်ကူး 3:8 Iomraidhean Croise

စံးထီၣ်ပတြၢၤ 45:12

ပှၤထါယၢၣ်ဖိတဖၣ်ကဟဲစိာ်န့ၢ်နၤတၢ်ဟ့ၣ်တဖၣ်, ဒီးပှၤထူးပှၤတီၤသ့ၣ်တဖၣ်ကဂုာ်ကျဲးစၢးလၢ ကဒိးန့ၢ်ဘၣ်နတၢ်ဘၣ်သူၣ်ဘၣ်သးန့ၣ်လီၤ.

စံးထီၣ်ပတြၢၤ 87:4

ဖဲယကွဲးလီၤ ပှၤကလုာ်တဖၣ်လၢ အစူၢ်ယၤအတၢ်ကွဲးနီၣ်န့ၣ် ယကဒၢနုာ်ကီၢ်အဲၤကူပတူးဒီး ကီၢ်ဘၤဘူၤလိၣ်န့ၣ်လီၤ. ယကဂံၢ်ဃုာ်ပှၤဖလ့ၡသးဖိ, ပှၤထါယၢၣ်ဖိဒီး ပှၤကူၤၡးဖိလၢ ပှၤဝ့ၢ်ယရူၤၡလ့ၣ်အကျါန့ၣ်လီၤ.

လံာ်ယၡါယၤ 34:5

ယွၤကတဲာ်ကတီၤတ့ၢ်အနးလၢမူခိၣ်, ဒီးခဲအံၤနးန့ၣ်ကကျီကွံာ်ကီၢ်အဒိၣ် အပှၤဂီၢ်မုၢ်လၢအစံၣ်ညီၣ်ဃၣ်တ့ၢ်ဝဲ ဆူတၢ်ဟးဂီၤအပူၤန့ၣ်လီၤ.

လံာ်ယဃ့းစက့လး 35:15

ဒ်သိးဒၣ်, သုသူၣ်ဖှံသးညီသုဝဲလၢကီၢ်အံၣ်စရ့လးလၢအမ့ၢ်ယတၢ် ဒၣ်ယဲအတၢ်မၤဟးဂူာ်ဟးဂီၤအဃိန့ၣ်လီၤ. စ့ဧၢ်အကစၢၢ်ကလိတဖၣ် မ့ၢ်မး, ကီၢ်အဒိၣ်ဒီဘ့ၣ်ညါမ့ၢ်ဂ့ၤကအိၣ်သယုၢ်လီၤဃီန့ၣ်လီၤ. အန့ၣ်တစုပှၤကိးဂၤဒဲးကသ့ၣ်ညါဝဲလၢယမ့ၢ်ယွၤန့ၣ်လီၤ.”

လံာ်ယဃ့းစက့လး 36:5

ယၤ, ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လၢယတၢ် သးဒိၣ်ကဲၤထီၣ်အပူၤထီဒါပှၤကလုာ်တဖၣ်လၢအအိၣ်ခိၣ်အိၣ်ဃၢၤ ဒီးလီၤဆီဒၣ်တၢ်ထီဒါကီၢ်အဒိၣ်န့ၣ်လီၤ. လၢတၢ်နံၤဘၣ်ဖၣ်လဲ ဒီးတၢ်တပာ်လ့ၢ်ပာ်ကဲအပူၤ, အဝဲသ့ၣ်မၤန့ၢ်ကွံာ်ယကီၢ် ဒီးဟံးန့ၢ်ကွံာ်အတၢ်အီၣ်ဆၣ်အလီၢ်တဖၣ်န့ၣ်လီၤ.

လံာ်မးသဲ 11:21

“ဝ့ၢ်ဃၤရၤစံၣ်ဧၢ, နကဘၣ်တၢ်နးတၢ်ဖှီၣ်ဆံးဒိၣ်လဲၣ်. ဝ့ၢ်ဘ့ၤသစဲဒၤဧၢ, နကဘၣ်တၢ်နးတၢ်ဖှီၣ်ဆံးဒိၣ်လဲၣ်. တၢ်လီၤလးတဖၣ်လၢအဘၣ်တၢ်မၤတ့ၢ်အီၤလၢသုပူၤန့ၣ် မ့ၢ်ဘၣ်တၢ်မၤတ့ၢ်အီၤလၢဝ့ၢ်ထါယၢၣ်ဒီးဝ့ၢ်စံဒိၣ်အပူၤဒီး, ပှၤဝ့ၢ်ဖိတဖၣ်ကကူထီၣ်သိးထီၣ်တ့ၢ်ထၢၣ်တၢ်ကံးယာ် ဒီးဖှံလီၤတ့ၢ်အသးဒီးဖၣ်ဆါဒ်သိးကပာ်ဖျါထီၣ် အတၢ်ပီၢ်ယၢ်လီၤက့ၤအသးဃဲးဃဲးလံန့ၣ်လီၤ.

လံာ်မးသဲ 4:25

ပှၤဂီၢ်မုၢ်ဖးဒိၣ်လၢကီၢ်ကၤလံၤလါ, လၢဝ့ၢ်ဆံဆဲၣ်ဝ့ၢ်အတၢ်ပၢ, လၢဝ့ၢ်ယရူၤၡလ့ၣ်, လၢကီၢ်ယူဒၤဒီးယၢ်ဒ့ၣ်ကျိအမုၢ်ထီၣ်, ပိာ်ထီၣ်ယ့ၣ်ၡူးအခံလီၤ.

လံာ်မၢ်ကူး 7:24

အန့ၣ်ဝံၤယ့ၣ်ၡူးဟးထီၣ်ဖဲန့ၣ်ဒီးလဲၤဝဲဆူတၢ်လီၢ်ကဝီၤအိၣ်ဘူး ဒီးဝ့ၢ်ထါယၢၣ်ဒီးစံဒိၣ်လီၤ. လဲၤနုာ်ဝဲဆူဟံၣ်တဖျၢၣ်အပူၤ, ဒီးတအဲၣ်ဒိးလၢပှၤကသ့ၣ်ညါ န့ၢ်အီၤလၢအဝဲအိၣ်ဖဲန့ၣ်ဘၣ်. ဘၣ်ဆၣ်ဒီးအိၣ်ဝဲလၢတၢ်ခူသူၣ်ပူၤတန့ၢ်ဘၣ်.

လံာ်မၢ်ကူး 7:31

အန့ၣ်ဝံၤယ့ၣ်ၡူးဟးထီၣ်လၢတၢ်လီၢ်ကဝီၤဘူးဒီးဝ့ၢ်ထါယၢၣ်, လဲၤခီဖျိဝ့ၢ်စံဒိၣ်ဆူပီၣ်လဲၣ်ကၤလံၤလါ, ဒီးလၢကျဲန့ၣ်လဲၤခီဂာ်ဘၣ်ဝဲဒ့းကၤပလံၣ်လၢအမ့ၢ်ဝ့ၢ် အဖျၢၣ်တဆံအတၢ်ပၢန့ၣ်လီၤ.

လံာ်လူၤကၣ် 6:17

ယ့ၣ်ၡူးဟဲက့ၤလီၤဒီးတၢ်မၢဖိတဖၣ်လၢတၢ်လူၢ်ခိၣ်လီၤ. ဒီးဆၢထၢၣ်သကိးဒီးအပျဲၢ်အဘီၣ်ဂီၢ်မုၢ်ဂီၢ်ပၤဖဲတၢ်လီၢ်လၢ အပၢၤတတီၤလီၤ. ပှၤအိၣ်ဝဲဒၣ်ဖဲန့ၣ်အါအါဂီၢ်ဂီၢ်လၢ အဟဲလၢကီၢ်ယူဒၤဒီဘ့ၣ်ညါ, ဒီးလၢယရူၤၡလ့ၣ်ဒီးလၢပီၣ်လဲၣ်ကၢၢ်နံၤအဝ့ၢ်တဖၣ်လၢ အမ့ၢ်ဝဲဝ့ၢ်ထါယၢၣ်ဒီးဝ့ၢ်စံဒိၣ်န့ၣ်လီၤ.

လံာ်စီၤယိၤၡူ 15:1

ယူဒၤအဒူၣ်, အဒူၣ်ဖိထၢဖိတဖၣ်ဒိးန့ၢ်ဘၣ်တၢ်လီၢ်တနီၤဒ် တၢ်ပာ်ဖျါလၢလာ်အံၤအသိးန့ၣ်လီၤ. အဝဲသ့ၣ်အကီၢ်လဲၤတုၤလၢကလံၤ ထံးလၢပှၢ်မုၢ်ကနၢစံၣ်အကလံၤထံးကတၢၢ်တတီၤဖဲကီၢ်အဒိၣ်အကီၢ် ဆၢန့ၣ်လီၤ.

လံာ်စီၤယိၤၡူ 15:21

ဝ့ၢ်တဖၣ်လၢအဘၣ်ဃးဒီးပှၤယူဒၤဖိအဒူၣ် လၢကလံၤထံးကတၢၢ်ဆူကီၢ်အဒိၣ်အကီၢ်ဆၢန့ၣ်မ့ၢ်ဝဲဘစ့လး, ဧ့စ့ၢ်, ဒီးယၤကူၢ်,