လံာ်မၢ်ကူး 3:4 - Sgaw Karen Common Bible

⁴ အန့ၣ်ဝံၤသံကွၢ်ပှၤအိၣ်ဖဲန့ၣ်တဖၣ်, “မ့ၢ်ပတၢ်သိၣ်တၢ်သီဟ့ၣ်ပှၤတၢ်ပျဲလၢ ပကမၤဘၣ်တၢ်ဒ်လဲၣ်တကလုာ်လၢပှၤယူဒၤဖိအမုၢ်အိၣ်ဘှံးနံၤန့ၣ်လဲၣ်. လၢပကမၤဂ့ၤတၢ်အဂီၢ်ဧါ. မ့တမ့ၢ်လၢပကမၤအၢတၢ်အဂီၢ်လဲၣ်. လၢပကမၤပူၤဖျဲးပှၤအသးသမူဧါ. မ့တမ့ၢ်လၢပကမၤသံပှၤတခီန့ၣ်လဲၣ်.” ဘၣ်ဆၣ်ဒီး, ပှၤသ့ၣ်တဖၣ်န့ၣ်အိၣ်ဝဲဘှီၣ်ကလာ်လီၤ.

လံာ်မၢ်ကူး 3:4 Iomraidhean Croise

လံာ်ဟိၤၡ့ 6:6

ယသးလီသုတၢ်အဲၣ်လၢအအိၣ်စံၣ်အိၣ်ကျၢၤ. တမ့ၢ်ဘၣ်သုဆၣ်ဖိကီၢ်ဖိအတၢ်လုၢ်တၢ်ပာ်တဖၣ်ဘၣ်. ယအဲၣ်ဒိးယပှၤဂီၢ်မုၢ်သ့ၣ်ညါယၤအါန့ၢ်ဒံးတၢ်ဆိၣ်ကဲၤတၢ်လုၢ် တၢ်ပာ်တဖၣ်ဆူယအိၣ်တက့ၢ်န့ၣ်လီၤ.

လံာ်မၢ်ကူး 3:3

ယ့ၣ်ၡူးစံးဘၣ်ပှၤတဂၤန့ၣ်, “ဟဲထီၣ်ဆူတၢ်မဲာ်ညါအံၤတက့ၢ်.”

လံာ်မၢ်ကူး 3:5

ယ့ၣ်ၡူးကွၢ်ဃီၤပှၤတဖၣ်လၢအအိၣ်ဝးတရံးအီၤဒီး အသးဒိၣ်ဘၣ်အဝဲသ့ၣ်လီၤ. ဘၣ်ဆၣ်ဒီးတဘျီဃီဖဲန့ၣ်အသးအုးဝဲလၢအဝဲသ့ၣ်တဖၣ်ပာ်ကိၤ အသးဒိၣ်ဒိၣ်ကလဲာ်ဒီးအတၢ်ပာ်သးကမၣ်အဃိလီၤ. အန့ၣ်ဝံၤစံးဘၣ်ပှၤတဂၤန့ၣ်, “ယူာ်ထီၣ်နစုတက့ၢ်.” အဝဲဒၣ်ယူာ်ထီၣ်အစုဒီးအစုန့ၣ်ဂ့ၤထီၣ်က့ၤဝဲဒၣ်လီၤ.

လံာ်မၢ်ကူး 9:34

အဝဲသ့ၣ်အိၣ်ဘှီၣ်ကလာ်ဒီးတစံးဆၢတၢ်နီတမံၤဘၣ်. အဂ့ၢ်ဒ်အံၤ, ဖဲအဝဲသ့ၣ်ဟဲလၢကျဲအခါဂ့ၢ်လိာ်ဘှီလိာ်အသးဘၣ်ဃးပှၤ အိၣ်ဒီးအလီၢ်အလၤဒိၣ်ကတၢၢ်လၢအဝဲသ့ၣ်အကျါ မ့ၢ်မတၤတဂၤလဲၣ်န့ၣ်လီၤ.

လံာ်လူၤကၣ် 6:9

အန့ၣ်ဝံၤဒီးယ့ၣ်ၡူးစံးဘၣ်အဝဲသ့ၣ်, “ယကသံကွၢ်သု, ပတၢ်သိၣ်တၢ်သီပျဲပှၤလၢပကမၤတၢ်မနုၤတမံၤဖဲပှၤယူဒၤဖိ အမုၢ်အိၣ်ဘှံးနံၤန့ၣ်လဲၣ်. လၢပကမၤစၢၤတၢ်ဧါ. မ့တမ့ၢ်လၢပကမၤဆါတၢ်လဲၣ်. လၢပကအုၣ်က့ၤခီၣ်က့ၤပှၤကညီတဂၤအသးသမူဧါ. မ့တမ့ၢ်ပကမၤဟးဂီၤကွံာ်အီၤန့ၣ်လဲၣ်.”