လံာ်မၢ်ကူး 3:28 - Sgaw Karen Common Bible

²⁸ ယစံးဘၣ်တဲဘၣ်သုတၢ်မ့ၢ်တၢ်တီလီၤ. ပှၤကညီအတၢ်ဒဲးဘးခဲလၢာ်, ကယဲၢ်အတၢ်ကတိၤစံးအၢစံးသီလိာ်အသးတဂၤဒီးတဂၤပၢၢ်တုၤဒၣ် လဲာ်လၢတၢ်ကတိၤတရီတပါဘၣ်ယွၤန့ၣ်, ဘၣ်တၢ်ပျၢ်ကွံာ်အီၤသ့လီၤ.

လံာ်မၢ်ကူး 3:28 Iomraidhean Croise

လံာ်တၢ်ဘူၣ်ထီၣ်ဘါထီၣ် 24:16

ဒီးပှၤလၢအဒုၣ်ဒွဲၣ်ယွၤအမံၤန့ၣ်ကဘၣ်တၢ်မၤသံ ကွံာ်အီၤန့ၣ်လီၤ. ကယဲၢ်ပှၤအံၣ်စရ့လးဖိတဂၤဂၤမ့ၢ်ဂ့ၤပှၤတခီဘီ မုၢ်ဖိတဂၤဂၤမ့ၢ်ဂ့ၤလၢအဆိၣ်အၢယွၤန့ၣ်ကဘၣ်တၢ်ကွံာ်သံအီၤ လၢလၢၢ်လၢပှၤကမျၢၢ်န့ၣ်လီၤ.

လံာ်မးသဲ 9:3

ပှၤသ့တၢ်ဘူၣ်တၢ်ဘါအတၢ်သိၣ်တၢ်သီတနီၤစံးလိာ်အသး, “ပှၤအံၤကတိၤကမၣ်ယွၤလီၤ.”

လံာ်လူၤကၣ် 12:10

ပှၤတဂၤလၢ်လၢ်လၢအကတိၤထီဒါဘၣ်ပှၤကညီဖိခွါလၢတၢ်ကတိၤ တဘီန့ၣ်, တၢ်ပျၢ်ကွံာ်အတၢ်ကမၣ်သ့ဝဲလီၤ. မ့မ့ၢ်, ပှၤတဂၤလၢအကတိၤဒုၣ်ဒွဲၣ်သးစီဆှံန့ၣ်, တၢ်တပျၢ်ကွံာ်အတၢ်ကမၣ်ဘၣ်.

၁ ယိၤဟၣ် 5:16

ပှၤတဂၤဂၤမ့ၢ်ထံၣ်အဒီပုၢ်ဝဲၢ်မၤတၢ်ဒဲးဘးလၢ အတမ့ၢ်ဘၣ်တၢ်ဒဲးဘးလၢအဆှၢပှၤဆူတၢ်သံန့ၣ်, အဝဲကြၢးဃ့တၢ်လၢကစၢ်ယွၤဒီးကစၢ်ယွၤ ကဟ့ၣ်ပှၤလၢအမၤတၢ်ဒဲးဘးန့ၣ်လၢတၢ်မူလီၤ. အဝဲအံၤဘၣ်ဃးဒၣ်ဒီးပှၤလၢအတၢ်ဒဲးဘးတမ့ၢ်ဘၣ် တၢ်ဒဲးဘးလၢအဆှၢပှၤဆူတၢ်သံတဖၣ်န့ၣ်လီၤ. ဘၣ်ဆၣ်ဒီးတၢ်ဒဲးဘးလၢအဆှၢပှၤဆူတၢ်သံန့ၣ်အိၣ် ဝဲဒၣ်, ဒီးယတစံးလၢသုကြၢးဃ့တၢ်လၢကစၢ်ယွၤ လၢတၢ်ဒဲးဘးဒ်သိးန့ၣ်တဖၣ်အဂီၢ်ဘၣ်.