လံာ်မၢ်ကူး 3:24 - Sgaw Karen Common Bible

²⁴ လၢဘီမုၢ်တဘ့ၣ်အပူၤတၢ်လီၤမုၢ်လီၤဖးမ့ၢ်အိၣ်ထီၣ်ဒီး, ဘီမုၢ်အဝဲန့ၣ်ကလီၤပှီၢ်ကွံာ်ဝဲဒၣ်လီၤ.

လံာ်မၢ်ကူး 3:24 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 20:1

တၢ်မၤအသးလၢဝ့ၢ်ကံးလကၤလးအပူၤန့ၣ်ပှၤတဂိာ်တသီၣ်ဘၣ်တၢ်အိၣ် ဝဲတဂၤလၢပှၤဘံၣ်ယၤမံၣ်အဒူၣ်အကျါ, လၢအမ့ၢ်စီၤကံးဘြံၤအဖိခွါစီၤၡဘၤန့ၣ်လီၤ. အဝဲအူထီၣ်ကွဲၤဒီးကိးပသူထီၣ်ဝဲဒၣ်, “မ်စီၤဒၤဝံးဘၣ်တၢ်ပာ်လီၤကွံာ်အလီၢ်အလၤတက့ၢ်. ပတပိာ်အခံဘၣ်. ပှၤကီၢ်အံၣ်စရ့လးဖိသ့ၣ်ဧၢ, မ်ပက့ၤကဒါက့ၤဆူဟံၣ်တက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 20:6

လၢတၢ်န့ၣ်အဃိ, စီၤပၤစံးဘၣ်စီၤအဘံၡဲၤဒ်အံၤ, “စီၤၡဘၤကဟ့ၣ်ပှၤတၢ်ကီတၢ်ခဲအါန့ၢ်ဒံးစီၤအးဘၡါလိၣ် တက့ၢ်လီၤ. ဟံးန့ၢ်ယပှၤတဖၣ်ဒီးလဲၤလူၤအီၤတက့ၢ်. မ့တမ့ၢ်ဘၣ်ဒ်န့ၣ်ဒီး, အဝဲကမၤန့ၢ်ဝ့ၢ်လၢအအိၣ်ဒီးတိာ်ဧိၤတာ် ဧိၤတနီၤဒီးပူၤဖျဲးကွံာ်လၢပစုပူၤန့ၣ်လီၤ.”

လံာ်ယဃ့းစက့လး 37:22

ယကပာ်ဖှိၣ်အဝဲသ့ၣ်ဆူပှၤတကလုာ်ဃီလၢကီၢ်ပူၤ, လၢ ကီၢ်အံၣ်စရ့လးအကစၢၢ်တဖၣ်အဒီခိၣ်န့ၣ်လီၤ. အဝဲသ့ၣ်ကအိၣ် ဒီးစီၤပၤတဂၤလၢကပၢအဝဲသ့ၣ်ဒီးအဝဲသ့ၣ်တအိၣ်လီၤဖးလိာ် အသးဆူပှၤကလုာ်ခံကလုာ်မ့ၢ်ဂ့ၤ, လီၤဖးကွံာ်ဆူဘီမုၢ်ခံ ဘ့ၣ်မ့ၢ်ဂ့ၤလၢၤဘၣ်.

လံာ်စကၤရယၤ 11:14

အန့ၣ်ဝံၤဒီးယမၤကၢ်ကွံာ်နီၣ်ထိး ဘိခံဘိတဘိလၢအဘၣ်တၢ်ကိးအီၤလၢတၢ်ဃူတၢ်ဖိးလီၤ. ဒီးကီၢ်ယူဒၤဒီးကီၢ်အံၣ်စရ့လးအတၢ်ဃူတၢ်ဖိးန့ၣ်ဟးဂီၤ ကွံာ်ဝဲဒၣ်န့ၣ်လီၤ.

လံာ်မးသဲ 12:25

ယ့ၣ်ၡူးသ့ၣ်ညါအဝဲသ့ၣ်အတၢ်ဆိကမိၣ်ဒီးစံးဘၣ်အဝဲသ့ၣ်, “ထံကီၢ်တဘ့ၣ်လၢအမၤလီၤဖးလီၤအသးဒီးအ့ၣ်လိာ်ဆိးက့လိာ်အသးန့ၣ်, အိၣ်ဂၢၢ်ဆိးကျၢၤယံာ်ယံာ်တသ့ဘၣ်. ခူဝ့ၢ်မ့ၢ်ဂ့ၤ, ဒူၣ်ဖိထၢဖိမ့ၢ်ဂ့ၤ, လၢအမၤလီၤဖးလီၤအသးန့ၣ်ကလီၤပှီၢ်ကွံာ်ဝဲလီၤ.

လံာ်မၢ်ကူး 3:23

အန့ၣ်ဒီးယ့ၣ်ၡူးကိးဃီၤအဝဲသ့ၣ်ဆူအအိၣ်ဒီးကတိၤတၢ်ဒီးအဝဲ သ့ၣ်လၢတၢ်ကတိၤဒိတဖၣ်ဒီးစံးဝဲ, “မုၣ်ကီၤလံၢ်ကဟီထီၣ်ကွံာ်မုၣ်ကီၤလံၢ်န့ၣ်ကသ့ဒ်လဲၣ်.

လံာ်မၢ်ကူး 3:25

ပှၤဟံၣ်ဖိဃီဖိတဒူၣ်မ့ၢ်လီၤမုၢ်လီၤဖးဒီးအ့ၣ်လိာ်ဝာ်လိာ် အသးဒီးပှၤတဒူၣ်န့ၣ်အိၣ်ဂၢၢ်အိၣ်ကျၢၤတသ့ဝဲဘၣ်.

လံာ်ယိၤဟၣ် 17:21

ယဃ့ဘါထုကဖၣ်ယဲဒ်သိးအဝဲသ့ၣ်ခဲလၢာ်ကမ့ၢ်တၢ်တမံၤဃီ အဂီၢ်န့ၣ်လီၤ. ပၢ်ဧၢ, မ်အဝဲသ့ၣ်ကအိၣ်လၢပပူၤ, ဒ်နအိၣ်လၢယပူၤဒီးယအိၣ်လၢနပူၤအသိးန့ၣ်တက့ၢ်. မ်အဝဲသ့ၣ်ကမ့ၢ်ဒၣ်ဝဲတၢ်တမံၤဃီ, ဒ်သိးဟီၣ်ခိၣ်ကနာ်လၢနမၢလီၤယၤန့ၣ်တက့ၢ်.