လံာ်မၢ်ကူး 3:21 - Sgaw Karen Common Bible

²¹ တုၤအဒူၣ်ဖိထၢဖိတဖၣ်နၢ်ဟူဘၣ်တၢ်ဂ့ၢ်အံၤဒီး, အဝဲသ့ၣ်လဲၤဝဲဒ်သိးအကကိးဆူၣ်က့ၤအီၤအဂီၢ် မ့ၢ်လၢပှၤစံးလၢအဝဲပျုၢ်ထီၣ်လံအဃိလီၤ.

လံာ်မၢ်ကူး 3:21 Iomraidhean Croise

လံာ်စီၤပၤခံဘ့ၣ်တဘ့ၣ် 9:11

စီၤယ့ၤဟူက့ၤကဒါက့ၤဆူအသကိးသုးခိၣ်ကဒဲကဒဲသ့ၣ်တဖၣ်အ အိၣ်, ဒီးအဝဲသ့ၣ်သံကွၢ်အီၤ, “တၢ်ခဲလၢာ်ဘၣ်လီၢ်ဘၣ်စးကစီဒီဧါ. တၢ်ပျုၢ်တဂၤန့ၣ်သးလီတၢ်မနုၤလၢနအိၣ်လဲၣ်.” စီၤယ့ၤဟူစံးဆၢဝဲ, “တၢ်လၢအဝဲသးလီဝဲန့ၣ်သုသ့ၣ်ညါ လီၤ.”

လံာ်ယံးရမံယၤ 29:26

“ယွၤဒုးကဲထီၣ်တ့ၢ်နၤလၢ ပှၤလုၢ်တၢ်ခိၣ်တဂၤလၢစီၤယဟိယဒါအလီၢ်, ဒီးအခဲအံၤ နမ့ၢ်ပှၤအခိၣ်အဒိၣ်ကတၢၢ်လၢ ယွၤအတၢ်လုၢ်ဟံၣ်အပူၤန့ၣ်လီၤ. တၢ်အံၤမ့ၢ် နမူနဒါလၢ နကဘၣ်ကွၢ်ဃုာ်လၢ, ကယဲၢ်ပှၤအပျုၢ်တဂၤလၢ်လၢ်လၢ အပာ်မၤအသးဒ်အမ့ၢ်ဝံတဂၤအသိးန့ၣ်, ကဘၣ်တၢ်စၢဃာ်အီၤလၢ ထးသွဲတဖၣ်အိၣ်ဒီးထးကိာ်ကျီၤလၢ အကိာ်လိၤန့ၣ်လီၤ.

လံာ်ဟိၤၡ့ 9:7

တၢ်ဆၢကတီၢ်လၢတၢ်စံၣ်ညီၣ်အဂီၢ်, တၢ်ဆၢကတီၢ်လၢပှၤဂီၢ်မုၢ်တဖၣ်ကဒိးန့ၢ်တၢ်လၢအကြၢးဒိးန့ၢ်ဘၣ် ဝဲန့ၣ်ဟဲတုၤလံ. ဖဲတၢ်န့ၣ်မၤအသးဒီးကီၢ်အံၣ်စရ့လးကသ့ၣ်ညါအီၤလီၤ. သုစံးလၢဝံတဂၤအံၤမ့ၢ်ပှၤဟးဂီၤဖိန့ၣ်လီၤ. ပှၤလၢယွၤဟ့ၣ်စိဟ့ၣ်ကမီၤအီၤတဂၤအံၤပျုၢ်လီၤ. သုပှၤဂီၢ်မုၢ်တဖၣ်သးဟ့ယၤနးနးကလဲာ်မ့ၢ်လၢသုတၢ်ဒဲးဘး န့ၣ်အါဝဲအဃိလီၤ.

လံာ်မၢ်ကူး 3:31

အန့ၣ်ဝံၤဒီးယ့ၣ်ၡူးအမိၢ်ဒီးအဒီပုၢ်ဝဲၢ်တဖၣ်ဟဲတုၤဝဲလီၤ. အဝဲသ့ၣ်အိၣ်ဆၢထၢၣ်လၢဟံၣ်အချၢဒီးမၢလီၤပှၤလဲၤနုာ်ဆူဟံၣ် ပူၤဒီးကိးန့ၢ်အီၤလီၤ.

လံာ်ယိၤဟၣ် 10:20

အဝဲသ့ၣ်အါဂၤစံးဝဲ, “ပှၤတဂၤအံၤတၢ်နါဒိးအီၤ, ဒီးအဝဲမ့ၢ်ပှၤအပျုၢ်လီၤ. ဘၣ်မနုၤအဃိသုဒိကနၣ်အီၤန့ၣ်လဲၣ်.”

မၤတၢ် 26:24

ဖဲစီၤပီလူးကတိၤဒီဒၣ်အသးဒ်အံၤအဖၢမုၢ်န့ၣ်, စီၤဖ့စတူးကိးဃါအီၤလၢအကလုၢ်ဖးဒိၣ်, “စီၤပီလူးဧၢ, နပျုၢ်လီၤ. နတၢ်မၤလိမၤဒိးအဒိၣ်အထီဒုးပျုၢ်နၤလံ.”

၂ ကရံၣ်သူး 5:13

မ့ၢ်ပပျုၢ်စဲဃဲၤနီၢ်နီၢ်ဧါ. တၢ်န့ၣ်မ့ၢ်ဒၣ်လၢကစၢ်ယွၤအဂီၢ်လီၤ. မ့တမ့ၢ်, မ့ၢ်ပသးပှဲၤကစီဒီဧါ. မ့မ့ၢ်ဒ်န့ၣ်ဒီး မ့ၢ်ဒၣ်လၢသုဂီၢ်လီၤ.