လံာ်မၢ်ကူး 3:20 - Sgaw Karen Common Bible

²⁰ အန့ၣ်ဝံၤဒီး ယ့ၣ်ၡူးက့ၤဝဲဆူဟံၣ်လၢအလဲၤအိၣ်တ့ၢ်ဝဲန့ၣ်လီၤ. ပှၤဂီၢ်မုၢ်ဟဲပာ်ဖှိၣ်ထီၣ်ကဒီးအသးတုၤဒၣ်လဲာ် ယ့ၣ်ၡူးဒီးအပျဲၢ်အဘီၣ်တဖၣ်ကအီၣ်တၢ်အဂီၢ် တၢ်ဆၢကတီၢ်တအိၣ်လၢၤဘၣ်န့ၣ်လီၤ.

လံာ်မၢ်ကူး 3:20 Iomraidhean Croise

လံာ်မၢ်ကူး 1:45

ဘၣ်ဆၣ်ဒီးပှၤအံၤဟးထီၣ်ဒီးရၤလီၤတၢ်ဂ့ၢ်အံၤသကုၤဆးဒး ဒီးတဲတၢ်အါဒိၣ်မးတုၤဒၣ်လဲာ်ယ့ၣ်ၡူးလဲၤနုာ်ဖျိဖျိဖျါဖျါ ဆူဝ့ၢ်ပူၤတသ့လၢၤဘၣ်. မ့မ့ၢ်ဘၣ်အိၣ်ဝဲလၢတၢ်လီၢ်လၢပှၤ တအိၣ်နီတဂၤ, ဒီးပှၤလၢတၢ်လီၢ်ကိးပူၤဒဲးဟဲဆူအအိၣ်လီၤ.

လံာ်မၢ်ကူး 2:1

စှၤနံၤစှၤသီပူၤကွံာ်ဝံၤအလီၢ်ခံဒီး, ယ့ၣ်ၡူးက့ၤကဒါက့ၤဝဲဆူဝ့ၢ် ကပ့းရနီၣ်ဒီးတၢ်ကစီၣ်ဟူထီၣ်သါလီၤလၢအဝဲဒၣ်အိၣ်လၢဟံၣ်ပူၤလီၤ.

လံာ်မၢ်ကူး 3:19

ဒီးစီၤယူဒၤအံၣ်စကၤရံၤအိာ်, လၢအဟ့ၣ်လီၤကွံာ်ယ့ၣ်ၡူးဆူဒုၣ်ဒါ အစုပူၤန့ၣ်လီၤ.

လံာ်မၢ်ကူး 3:7

ယ့ၣ်ၡူးသုးကစီၤကွံာ်အသးဃုာ်ဒီးအပျဲၢ်အဘီၣ်တဖၣ်ဒီးလဲၤဝဲ ဆူပီၣ်လဲၣ်ကၤလံၤလါအနံၤ, ဒီးပှၤဂီၢ်မုၢ်ဖးဒိၣ်ပိာ်ထီၣ်အခံလီၤ. အဝဲသ့ၣ်တဖၣ်ဟဲဝဲလၢကီၢ်ကၤလံၤလါ, လၢကီၢ်ယူဒၤ,

လံာ်မၢ်ကူး 3:9

မ့ၢ်လၢပှၤဂီၢ်မုၢ်အိၣ်အါဒိၣ်မးအဃိ, ဒ်သိးအသုတဆီၣ်သနံးဘၣ်အီၤ တဂ့ၤဒီးယ့ၣ်ၡူးမၢအပျဲၢ်အဘီၣ်တဖၣ်ကတဲာ်ကတီၤပာ်စၢၤချံတဘ့ၣ်လီၤ.

လံာ်မၢ်ကူး 6:31

ပှၤဟဲထီၣ်က့ၤလီၤတဖၣ်အိၣ်အါအါဂီၢ်ဂီၢ်တုၤဒၣ်လဲာ်ယ့ၣ်ၡူး ဒီးအပျဲၢ်အဘီၣ်တဖၣ်ကအီၣ်ကအီတၢ်အဆၢကတီၢ်တအိၣ်ဘၣ် အဃိ, ယ့ၣ်ၡူးစံးဘၣ်အပျဲၢ်အဘီၣ်တဖၣ်, “မ်ပကလဲၤသကိးထဲပဝဲဒၣ်တဖၣ်ဧိၤဆူတၢ်လီၢ်တပူၤလၢပှၤ တအိၣ်နီတဂၤဘၣ်, လၢသုကအိၣ်ဘှံးအိၣ်သါတစိၢ်တလီၢ်အဂီၢ်တက့ၢ်.”

လံာ်မၢ်ကူး 7:17

တုၤမ့ၢ်အဟးထီၣ်ကွံာ်လၢပှၤဂီၢ်မုၢ်အအိၣ်ဒီးက့ၤနုာ်ဝဲဆူဟံၣ်ပူၤန့ၣ်, အပျဲၢ်အဘီၣ်တဖၣ်သံကွၢ်အီၤတၢ်ကတိၤဒိအခီပညီန့ၣ်လီၤ.

လံာ်မၢ်ကူး 9:28

တုၤယ့ၣ်ၡူးလဲၤနုာ်ဆူဟံၣ်ပူၤဖဲပှၤတအိၣ်နီတဂၤဘၣ်အခါ န့ၣ်, အပျဲၢ်အဘီၣ်တဖၣ်သံကွၢ်အီၤကစုဒု, “ဘၣ်မနုၤပဝဲဒၣ်တဖၣ်ပဟီထီၣ်ကွံာ်တၢ်နါတသ့ဘၣ်န့ၣ်လဲၣ်.”

လံာ်လူၤကၣ် 6:17

ယ့ၣ်ၡူးဟဲက့ၤလီၤဒီးတၢ်မၢဖိတဖၣ်လၢတၢ်လူၢ်ခိၣ်လီၤ. ဒီးဆၢထၢၣ်သကိးဒီးအပျဲၢ်အဘီၣ်ဂီၢ်မုၢ်ဂီၢ်ပၤဖဲတၢ်လီၢ်လၢ အပၢၤတတီၤလီၤ. ပှၤအိၣ်ဝဲဒၣ်ဖဲန့ၣ်အါအါဂီၢ်ဂီၢ်လၢ အဟဲလၢကီၢ်ယူဒၤဒီဘ့ၣ်ညါ, ဒီးလၢယရူၤၡလ့ၣ်ဒီးလၢပီၣ်လဲၣ်ကၢၢ်နံၤအဝ့ၢ်တဖၣ်လၢ အမ့ၢ်ဝဲဝ့ၢ်ထါယၢၣ်ဒီးဝ့ၢ်စံဒိၣ်န့ၣ်လီၤ.