လံာ်မၢ်ကူး 3:19 - Sgaw Karen Common Bible

¹⁹ ဒီးစီၤယူဒၤအံၣ်စကၤရံၤအိာ်, လၢအဟ့ၣ်လီၤကွံာ်ယ့ၣ်ၡူးဆူဒုၣ်ဒါ အစုပူၤန့ၣ်လီၤ.

လံာ်မၢ်ကူး 3:19 Iomraidhean Croise

လံာ်မးသဲ 10:4

ပှၤအဲၣ်အထံအကီၢ်စီၤၡံမိၣ်ဒီး စီၤယူဒၤအံၣ်စကၤရံၤအိာ်လၢ အဟ့ၣ်လီၤကွံာ်ယ့ၣ်ၡူးလီၤ.

လံာ်မးသဲ 26:47

ယ့ၣ်ၡူးကတိၤဒံးတၢ်အဖၢမုၢ်ဒီး, အပျဲၢ်အဘီၣ်တဆံခံဂၤအကျါတဂၤ လၢအမ့ၢ်စီၤယူဒၤဟဲတုၤဝဲ အိၣ်ဃုာ်ဒီးပှၤဂီၢ်မုၢ်ဖးဒိၣ်လၢအစိာ်ဒီးနးဒီးနီၣ်တီၢ်တဖၣ်, လၢအဘၣ်တၢ်မၢလီၤအီၤလၢပှၤလုၢ်တၢ်အခိၣ်အဒိၣ်တဖၣ်ဒီးပှၤ ယူဒၤဖိကရၢအခိၣ်အနၢ်တဖၣ်လီၤ.

လံာ်မၢ်ကူး 3:18

စီၤအၣ်ဒရ့း, စီၤဖံလံးပူး, စီၤဘၢ်သလီးမဲ, စီၤမးသဲ, စီၤသိၤမါ, စီၤအၤလဖဲအဖိခွါစီၤယၤကိာ်, စီၤသးဒဲ, ပှၤအဲၣ်အထံအကီၢ်စီၤၡံမိၣ်,

လံာ်မၢ်ကူး 3:20

အန့ၣ်ဝံၤဒီး ယ့ၣ်ၡူးက့ၤဝဲဆူဟံၣ်လၢအလဲၤအိၣ်တ့ၢ်ဝဲန့ၣ်လီၤ. ပှၤဂီၢ်မုၢ်ဟဲပာ်ဖှိၣ်ထီၣ်ကဒီးအသးတုၤဒၣ်လဲာ် ယ့ၣ်ၡူးဒီးအပျဲၢ်အဘီၣ်တဖၣ်ကအီၣ်တၢ်အဂီၢ် တၢ်ဆၢကတီၢ်တအိၣ်လၢၤဘၣ်န့ၣ်လီၤ.

လံာ်မၢ်ကူး 9:33

အဝဲသ့ၣ်လဲၤတုၤဝ့ၢ်ကပ့းရနီၣ်ဒီးတုၤအလဲၤနုာ်လီၤဆူ ဟံၣ်ပူၤဝံၤန့ၣ်ယ့ၣ်ၡူးသံကွၢ်အပျဲၢ်အဘီၣ်တဖၣ်, “ဖဲသုဟဲလၢကျဲအဖၢမုၢ်န့ၣ်, သုဂ့ၢ်လိာ်ဘှီလိာ်သုသးလၢတၢ်ဂ့ၢ်မနုၤတမံၤလဲၣ်.”

လံာ်ယိၤဟၣ် 13:2

ယ့ၣ်ၡူးဒီးအပျဲၢ်အဘီၣ်တဖၣ်အီၣ်ဟါတၢ်အီၣ်အခါ, မုၣ်ကီၤလံၢ်ဒၢနုာ်တ့ၢ်လံဝဲတၢ်ကူၣ်လၢအကဟ့ၣ်လီၤကွံာ် ယ့ၣ်ၡူးလၢစီၤၡံမိၣ်အဖိခွါစီၤယူဒၤအံၣ်စကၤရံၤအိာ် အသးပူၤန့ၣ်လီၤ.

လံာ်ယိၤဟၣ် 6:64

သုဝဲတနီၤနီၤသုတနာ်ယၤဘၣ်.” (ပှၤတဖၣ်လၢ အတစူၢ်က့ၤနာ်က့ၤတၢ်ဘၣ်ဒီးပှၤတဂၤလၢအကဟ့ၣ် လီၤကွံာ်အီၤန့ၣ်, ယ့ၣ်ၡူးသ့ၣ်ညါဝဲလၢအခီၣ်ထံးလံၤလံၤလီၤ.)

လံာ်ယိၤဟၣ် 6:71

ယ့ၣ်ၡူးကတိၤတၢ်အံၤဘၣ်ဃးစီၤၡံမိၣ်အံၣ်စကၤရံၤအိာ် အဖိခွါစီၤယူဒၤန့ၣ်လီၤ. အဝဲမ့ၢ်အပျဲၢ်အဘီၣ်တဆံခံဂၤ အကျါတဂၤသနာ်က့, ကသမၢယ့ၣ်ၡူးဒီးဟ့ၣ်လီၤကွံာ်အီၤ န့ၣ်လီၤ.